ORIN 38
Yóò Sọ Ọ́ Di Alágbára
-
1. Ó nídìí t’Ọ́lọ́run fi jẹ́ kó o rí òótọ́,
Tó sì mú ọ wá sínú ìmọ́lẹ̀.
Ó rọ́kàn rẹ, ó rí gbogbo bó o ṣe ńsapá
Kóo lè sún mọ́ ọn, kó o lè ṣohun tó tọ́.
O ṣèlérí fún un pé wàá ṣèfẹ́ rẹ̀.
Ó dájú pé yóò máa ràn ọ́ lọ́wọ́.
(ÈGBÈ)
Ó fẹ̀jẹ̀ Jésù rà ọ́;
ti Jèhófà ni ọ́.
Yóò fẹsẹ̀ rẹ múlẹ̀,
yóò fún ọ lágbára.
Yóò máa tọ́ ẹ sọ́nà,
yóò sì máa dáàbò bò ọ́.
Yóò fẹsẹ̀ rẹ múlẹ̀,
yóò fún ọ lágbára.
-
2. Ọlọ́run fọmọ rẹ̀ rúbọ nítorí rẹ,
Torí Ó fẹ́ kó o ṣe àṣeyọrí.
B’Ọ́lọ́run kò ṣe fọmọ rẹ̀ ọ̀wọ́n dù ọ́,
Kò ní ṣàì fún ọ lókun tóo nílò.
Yóò rántí ìgbàgbọ́ àtìfẹ́ rẹ;
Ó máa ń ṣìkẹ́ àwọn tó jẹ́ tirẹ̀.
(ÈGBÈ)
Ó fẹ̀jẹ̀ Jésù rà ọ́;
ti Jèhófà ni ọ́.
Yóò fẹsẹ̀ rẹ múlẹ̀,
yóò fún ọ lágbára.
Yóò máa tọ́ ẹ sọ́nà,
yóò sì máa dáàbò bò ọ́.
Yóò fẹsẹ̀ rẹ múlẹ̀,
yóò fún ọ lágbára.
(Tún wo Róòmù 8:32; 14:8, 9; Héb. 6:10; 1 Pét. 2:9.)
