Jóòbù 37:1-24
37 “Èyí mú kí ọkàn mi lù kìkì,Ó sì ń fò sókè láti àyè rẹ̀.
2 Ẹ fara balẹ̀ tẹ́tí sí ohùn rẹ̀ tó ń kù rìrì,Àti ààrá tó ń ti ẹnu rẹ̀ jáde.
3 Ó ń tú u jáde lábẹ́ gbogbo ọ̀run,Ó sì ń rán mànàmáná+ rẹ̀ lọ dé àwọn ìkángun ayé.
4 Lẹ́yìn náà ni ìró tó ń bú ramúramù;Ó ń fi ohùn tó ga lọ́lá sán ààrá,+Kì í sì í dá a dúró tí wọ́n bá gbọ́ ohùn rẹ̀.
5 Ọlọ́run ń fi ohùn rẹ̀ sán ààrá+ lọ́nà àgbàyanu;Ó ń ṣe àwọn ohun ńlá tí kò lè yé wa.+
6 Nítorí ó sọ fún yìnyín pé, ‘Rọ̀ sórí ayé,’+Ó sì sọ fún ọ̀wààrà òjò pé, ‘Rọ̀ sílẹ̀ rẹpẹtẹ.’+
7 Ọlọ́run fòpin sí gbogbo ohun tí èèyàn ń ṣe,*Kí gbogbo ẹni kíkú lè mọ iṣẹ́ ọwọ́ Rẹ̀.
8 Àwọn ẹran igbó lọ sí ibùba wọn,Wọn ò sì kúrò ní ibùgbé wọn.
9 Ìjì ń fẹ́ wá láti àyè rẹ̀,+Òtútù sì ń wá látinú atẹ́gùn àríwá.+
10 Èémí Ọlọ́run ń mú kí omi dì,+Omi tó lọ salalu sì máa ń dì gbagidi.+
11 Àní, ó fi ìrì sínú àwọsánmà* kó lè wúwo;Ó fọ́n ìmọ́lẹ̀ rẹ̀ ká+ sínú àwọsánmà;*
12 Wọ́n ń lọ yí ká sáwọn ibi tó ń darí wọn sí;Wọ́n ń ṣe gbogbo ohun tó bá pa láṣẹ+ fún wọn lórí ilẹ̀ ayé tí à ń gbé.*
13 Ì báà jẹ́ torí ìyà*+ tàbí torí ilẹ̀ náà,Tàbí torí ìfẹ́ tí kì í yẹ̀, ó ń mú kó wáyé.+
14 Fetí sí èyí, Jóòbù;Dúró, kí o sì fara balẹ̀ ronú nípa àwọn iṣẹ́ àgbàyanu Ọlọ́run.+
15 Ṣé o mọ bí Ọlọ́run ṣe ń darí* àwọsánmà*Àti bó ṣe ń mú kí mànàmáná kọ yẹ̀rì látinú àwọsánmà* rẹ̀?
16 Ṣé o mọ bí àwọsánmà* ṣe ń léfòó?+
Àwọn iṣẹ́ àgbàyanu Ẹni tí ìmọ̀ rẹ̀ pé nìyí.+
17 Kí ló dé tí aṣọ rẹ ń gbóná,Nígbà tí afẹ́fẹ́ gúúsù mú kí ayé dúró jẹ́ẹ́?+
18 Ṣé ìwọ, pẹ̀lú rẹ̀, lè na òfúrufú jáde,*+Kó dúró gbagidi bíi dígí onírin?
19 Sọ fún wa, ohun tí a máa sọ fún un;A ò lè fèsì torí inú òkùnkùn la wà.
20 Ṣé ó yẹ ká sọ fún un pé mo fẹ́ sọ̀rọ̀ ni?
Àbí ẹnì kankan sọ̀rọ̀ tó yẹ ká lọ sọ fún un?+
21 Wọn ò lè rí ìmọ́lẹ̀* pàápàá,Bó tiẹ̀ mọ́lẹ̀ yòò lójú ọ̀run,Títí atẹ́gùn fi kọjá tó sì fẹ́ ìkùukùu* lọ.
22 Iyì tó ń tàn bíi wúrà jáde wá láti àríwá;Ògo Ọlọ́run+ yẹ ní ohun tí à ń bẹ̀rù.
23 Ó kọjá agbára wa láti lóye Olódùmarè;+Agbára rẹ̀ pọ̀ gan-an,+Kì í ṣe ohun tó lòdì sí ìdájọ́ òdodo+ rẹ̀ àti òdodo rẹ̀ tó pọ̀ gidigidi.+
24 Torí náà, ó yẹ kí àwọn èèyàn bẹ̀rù rẹ̀.+
Torí kì í ṣe ojúure sí ẹnikẹ́ni tó gbọ́n lójú ara rẹ̀.”*+
Àlàyé Ìsàlẹ̀ Ìwé
^ Ní Héb., “fi èdìdì sí ọwọ́ gbogbo èèyàn.”
^ Tàbí “ìkùukùu.”
^ Tàbí “ìkùukùu.”
^ Tàbí “ilẹ̀ eléso ní ayé.”
^ Ní Héb., “ọ̀pá.”
^ Tàbí “ìkùukùu.”
^ Tàbí “ìkùukùu.”
^ Tàbí “pàṣẹ fún.”
^ Tàbí “ìkùukùu.”
^ Tàbí “rọ òfúrufú.”
^ Ìyẹn, ìmọ́lẹ̀ oòrùn.
^ Tàbí “àwọsánmà.”
^ Ní Héb., “tó gbọ́n ní ọkàn.”
