Biible a wuè kwa’ léghi a lélôk nang. O tông-ô Biible, éfhœuté éwou éfœu’ métseum mbing nzeung nzing anè ajoumi o zi’né, “mbô o jou’ô mbông-ô.” (Josué 1:8; Psaume 1:​1-3) Biible a zeung nkuitè wou a lézhè Ndem pô Meung yi, a Yésso. Azhènou mèt, a ghô ping shi’ ngheu o wè lénang temi.​—Jean 17:3.

Mpè ghô ping ntông mékèté mi é nteu Biible lèkô tè é la’ mmak-é? Méshheu éwou té nzaané. Atangté jiô a kuitè wou a létông mékèté Biible pa’ o jiô poup a nteu Biible kèè a lé zeung ndôk méthou ashoung-né lè, té ntông. Ta’ éfœu’ a wouô: O ghô kang a létông mépak mi é pêté pa’ Ndem a légheu poup pô épô épouô ala’ Israel. O ghô zeung ntông émô’ mépak ndôk nzi’né pa’ atchou’té mékritèn mvhô ngou’ nkhœu a lé zii, mbing nkwhi poup. O tông-ô mékeum Biible tè zaané a ta’ alé’é, mbô o ghô kou’ô wou a létông-ô Biible ntseum anè ta’ ngou’.

O nông-ô fa’a atangté lélôk ntông-ô Biible é lé’é tseum, kèè anè ta’ ngou’ lè, kèè azi épouô pi é lèè nzè nzii a létông lè, mbô atangté jiô a kuitè wou. Fôkô atangté jiô a nteu mèssing, mbing ndèè nzii a létông-ô Biible wou aya’a.