Té fhou tè alé’é, létsô’ méssikou ndôk nzi’né épouô a lépheu nkeu Lefô Ndem a si ngô aying-né Ménjheuè-njiô Joovah. Méngnha’-nzhè mè ghô gheuô méssikou mèt, ndôk nzhè wôp a ‘lé tchhinèt mbheu nkeu Lefô mbông-ô.’—2 Timothée 4:5.

Assikou méngnha’-nzhè. Ngnha’-nzhè a pik té mmak mvhô ngou’ ala’ anè afa’ zi a, mbôngtè a légheuô assikou zi a nang mélé’é ntogo a nteu mô’ nguia atchou’té zi é paaté mbaa zi. Assikou mèt a kuitè yi a léku’né nkouèt léssoo tsi pô Joovah, ngheu a flè anè nkwa méshheu a lélôk mbheu nkeu, nzeung ngheu a lôkô afa’ zi ngueô mé mvhô.

Mia assikou wô Pheu nkeu Lefô. A nang méssang mémpia, mbèté méngnha’-nzhè pi é flè afa’ mbing nzhè nguè pô ghô fhô a aji’ zi pô nang éwou, ngueô mé a aji’ zi wô pheu nkeu Lefô é té éwou nzaa. Pô leuè zôp nguè: “Meung wouô! Touô gha!” ndôkô fœu’nè a Yésso Kristo, a mia Mbheu nkeu Lefô té mô’ yi a lé shi’ a ndoo éssi atsetsa’. (Isaïe 6:8; Jean 7:29) Légheuô nang-a aji’è ndè’è, a zèté a léwè métsoo nkou’né-kou’né. Atshuè épouô, ngheu étsoo léjheu, mbô éfœu’è ala’, é ghô pou ntswhi anè émi aji’ zi mè fhô éwou. A mô’ éfœu’, nzèté a lézi’nè ashoung-né ala’ ndè’è. Assikou jiô mèt a kuité épô mémia pi é mèrè mbô pi é kaa mèrè mbing ngwè ngou’ 23 té ntshi 65, a lézi’né méntsi mbông anè éshheu ajwakné mi é gheu tè Joovah pô atchou’té zi é ku’né ndôkô wôp ngôk.

Assikou Galaad. Anè ashoung-né ala’ Hébro, “Galaad” a lôkô ndeuè “léka’ tsi é si ngô Aying-né.” Assikou jiô mèt a lé zii anè ngou’ 1943, épouô té ntôk 8 000 é lé ping ngueô éwou; mè ping ntouô wôp nguè pô gheuô mbheu nkeu Lefô “té ntshiè a aji’ zi a tè nguia sia.” (Actes 13:47) Épô mémia pi é lé touô assikou Galaad é lé ghé kouô a ala’ Pérou, tsôô atchou’té a pou té éwou. A ping ngô anè aya’a, métchou’té é ghô éwou té ntôkô 1 000. Mémissionnèr é lé ghé zii a lépheu nkeu Lefô a Japon, Ménjheuè-njiô pi é lè éwou é lè té légheum kou’. Pô ping ngô éwou ané aya’a té ntôkô 200 000. Anè méssang mèntaa mi pô tôkô a assikou Galaad, lézi’nè ashoung-nè Ndem a ghô azou té ntseukné. Épouô pi mè tông-ô wôp a assikou mèt, é si ngô méngnha’-nzhè pi é tswhi ntsi, ngheu mémissionnèr, mbô épouô pi é ghôkô a Béthel, nzeung ngheu ménfènè pi é woua métchou’té pô mézwi pôp. Assikou jiô mèt a pètè wôp mbông-ô nzeung seumtè wôp a lépheu nkeu Lefô a nteu ngông ntseum.

• Assikou méngnha’-nzhè a kuité a léghaa?

• Awô ghô gheuô mia assikou wô Pheu nkeu Lefô?