Joovah mè gheu tè nkeu Lefô yi gning a jou’, é kwhi mbing nzeum ntaa a nteu yi. (1 Cor. 3:​6-9) Poup tè, mpè nông nkông-ô lépheu nkeu Lefô tè zeum ntaa, mpè sang anè Joovah nguè a kuitè yimpè, nzeung nkuitè gning yi mpè si nzi’nè yi Biible.

Swingtè Joovah nguè a kuité épouô pi o si nzi’nè wôp Biible a léwuè asseukè-nteu éfœu’ zi mè si nguenè wôp, mbô éfœu’ zi métaaté é tshiè mvhô pôp. (Phil. 1:​9, 10) Shoung-ô yi ajoumi a si nzètè. Swingtè Joovah nguè a lôkô ajwakné ndaané-laané zi ntsang mékwangté mou, mbô méngheu-nou mou. (Luc 11:13) Tsui épouô pi o si nzi’nè wôp Biible pa’ pô ghô gheuè apriya poup, mbing seumtè wôp a légheu poup. Kim lézeung gning yi o si nzi’nè yi Biible, afœu’ zi pè yi é si ngheuè apriya, mbô afœu’ zi wou ngnwèt o si ngheuè apriya athou yi.

TCHIITÈ VIDÉO YI LÈ LÉKUITÉ ÉPOUÔ A LÉTCHI’ MÉZINGTO, A GHEU MPÈ GHÔ MÉ LÉKAK​—VEUNG-È NGUÈ JOOVAH A KUITÈ WOU​—APRIYA, MBING NTSÔ’ MÉNZÈTÉ MOUÔ:

• Neeta a wè éziè nguengue afœu’ zi a nông nzi’nè Biible pô Jade?

• Nteukné zi é nteu 1 Corinthiens 3:​6, é kuitè Neeta é lèkô?

• Neeta a ping nkou’ô yi lélœuô’ nguengue mèt, é lèkô?