Mini’ e Piin ni Yad Be Rin’ e N’en nib M’agan’ Jehovah Ngay e Ngiyal’ Ney?
Bay e Pi Mich Rok Jehovah u ga’ngin yang e fayleng ma kub thilthil e nam ni kar bad riy nge yalen rorad. Mang e ke rin’ ma ke yag ni nge par e pi girdi’ ney nib taareban’rad?
Mang e N’en nib M’agan’ Got Ngay?
Baadag Got ni ngan nang e n’en nib m’agan’ ngay. Mang e ba m’agan’ Got ngay, ma mini’ e piin ni yad be weliy murung’agen e re n’ey ko girdi’ e ngiyal’ ney?
GURUY NI 1
Ba Miti Mang Girdi’ e Pi Mich Rok Jehovah?
Uw urngin e Pi Mich Rok Jehovah ni ga manang? Mang boch ban’en ni ga manang u murung’agmad?
GURUY NI 2
Mang Fan ni Yima Pining e Pi Mich Rok Jehovah Ngomad?
Am lemnag dalip i fan ni kug mel’eged ni ngaun pining e re ngachal ney ngomad.
GURUY NI 3
Uw Rogon ni Ke Gagiyel e Tin Riyul’ Bayay?
Uw rogon ma gad nang nib puluw e n’en ni gad be fil u Bible?
GURUY NI 4
Mang Fan ni Kan Fal’eg Ba Ken e Bible?
Mang fan ni yugu ba thil e ken ney e Bible ni kan pilyeg?
GURUY NI 5
Mang e Ga Ra Pirieg u Nap’an ni Ga Ra Un ko Pi Muulung Romad?
Gamad ma muulung nga taabang ni nggu filed e thin ni bay u lan e Babyor nib Thothup me bagamad me pi’ e athamgil nga laniyan’ bagamad. Ba puf mat’awum nrayog ni nga mub!
GURUY NI 6
Uw Rogon ni Ma Fel’ Rogomad ko Chag ni Gamad Ma Tay e Pi Walagmad ni Kristiano u Taabang?
Be yog e Thin rok Got nib ga’ fan ni nga i chag e pi Kristiano u taabang. Mu fil rogon nrayog ni nge yib angin e re n’ey ngom.
GURUY NI 7
Uw Rogon e Muulung ni Gamad Ma Tay?
Bay ba ngiyal’ ni kaam lemnag ko mang boch ban’en ni gamad ma rin’ u nap’an e muulung ni gamad ma tay, fa? Nap’an ni ga ra un ko pi muulung ni gamad ma tay, ma dabisiy ni ga ra gin nga feni fel’ rogon ni yibe fil e Bible ko girdi’.
GURUY NI 8
Mang Fan ni Gamad Ma Munmad nib Yalen u Nap’an ni Nggu Warod ko Muulung?
Gur, ba ga’ fan u wan’ Got rogon e munmad ni gad ma tay? Mu fil murung’agen boch e kenggin e motochiyel u Bible nra ayuwegdad u rogon e munmad ni gad ma tay nge rogon ni gad ma fal’eg yaadad.
GURUY NI 9
Uw Rogon ni Ngad Fal’eged Rogodad ko Muulung nib Fel’ Rogon?
Ga ra fal’eg rogom u m’on ko pi muulung ni gad ma tay ma rayog ni nge yib angin e muulung ngom.
GURUY NI 10
Mang e Fol Bible ni Tabinaw?
Mu fil rogon nrayog ni nge ayuwegem e re yaram ney ni ngam chugur ngak Got nge chon e tabinaw rom.
GURUY NI 11
Mang Fan ni Gamad Ma Un ko Pi Assembly?
Gubin e duw ma dalip e muulung nib ga’ ni gamad ma tay. Uw rogon nrayog ni nge yib angin e pi muulung ney ngom?
GURUY NI 12
Uw Rogon ni Kan Yarmiy e Machib ni Gamad Ma Tay?
Gamad ma folwok ko n’en ni i rin’ Jesus u nap’an ni immoy u fayleng. Mang boch e kanawo’ ni i machib Jesus riy ni ir e gamad ma folwok riy?
GURUY NI 13
Mang e Pioneer?
Boch e Pi Mich Rok Jehovah e yad ma thognag 30, ara 50, ara boor ko 50 e awa ni fan ko machib. Mang e ma k’aringrad ni ngar rin’ed e re n’ey?
GURUY NI 14
Mang Boch e Skul ni Ma Un e Piin Pioneer Ngay?
Mang boch e skul ni yima tay ni fan ngak e piin ni yad ma machibnag murung’agen Gil’ilungun Got u polo’ e tayim rorad?
GURUY NI 15
Uw Rogon ni Ma Ayuweg e Piin Piilal e Ulung?
Piin piilal e yad boch e pumoon ni kar ilalgad ko tirok Got ban’en ni yad ma yog e thin u lan e ulung. Mang boch ban’en ni yad ma pi’ e ayuw riy?
GURUY NI 16
Mang e Maruwel ko Pi Ministerial Servant?
Pi ministerial servant e yad ma ayuweg e ulung ni nge maruwel nib fel’ rogon. Mu fil murung’agen e maruwel ni yad ma rin’ nge angin ni ma yib ko girdi’ u lan e ulung.
GURUY NI 17
Uw Rogon ni Ma Ayuwegmad e Piin ni Yad Ma Lekag e Ulung?
Mang fan ni ma yan e piin ni ma lekag e ulung u reb e ulung nga reb? Uw rogon nrayog ni nge yib angin ngom e milekag ni yad be tay?
GURUY NI 18
Uw Rogon ni Ngad Ayuweged Pi Walagdad ni Ke Yib e Gafgow Ngorad?
Nap’an nra yib e gafgow ngak boch i walagdad ma gad ma gur ngad yarmiyed rogon ni ngan ayuwegrad min fal’eg lanin’rad. Uw rogon ni yima rin’ e re n’ey?
GURUY NI 19
Mini’ fare Tapigpig nib Yul’yul’ ma Ba Gonop?
I micheg Jesus nra dugliy reb e tapigpig ni nge pi’ e tirok Got ban’en ngak pi gachalpen ko ngiyal’ ni nge pi’ riy. Uw rogon ni yibe rin’ e re n’ey?
GURUY NI 20
Uw Rogon ni Ma Maruwel fare Ulung ni Ma Pow’iyey e Ngiyal’ Ney?
Nap’an e bin som’on e chibog ma immoy boch e piilal nge apostal ni yad ba muun ko fare ulung ni ma pow’iyey ni yad ma ayuweg e ulung ni Kristiano. Uw rogon e ngiyal’ ney?
GURUY NI 21
Mang e Bethel?
Bethel e aram bangi ban’en ni yugu ba thil ni bay e maruwel ni yima rin’ riy nib ga’ fan. Mu fil murung’agen e piin ni yad ma maruwel u rom.
GURUY NI 22
Mang e Yima Rin’ ko Pi Branch Ofis?
Ba puf mat’awun gubin e girdi’ ni nga ranod ngar guyed e pi branch ofis romad. Gamad be piningem ni ngam man mu guy reb e pi branch nem!
GURUY NI 23
Uw Rogon ni Yima Yoloy Min Piliyeg e Pi Babyor Romad?
Gamad ma ngongliy boch e babyor u boor ko 700 mit e thin. Mang fan ni gamad be athamgil ni nggu rin’ed e re n’ey?
GURUY NI 24
Uw e Be Yib e Salpiy Riy ni Fan ko Maruwel ni Gamad Be Rin’ u Ga’ngin Yang e Fayleng?
Uw rogon nib thil e ulung romad ko pi yurba’ i teliw u rogon e salpiy ni ayuw ni gamad ma pi’ ni fan ko maruwel ni gamad ma tay?
GURUY NI 25
Mang Fan nge Uw Rogon ni Yima Toy e pi Kingdom Hall?
Mang fan ni yima yog e Kingdom Hall ko yungi n’en ni gamad ma liyor riy? Mu fil rogon ni ma ayuweg e pi tagil’ e liyor ney e ulung romad.
GURUY NI 26
Uw Rogon Nrayog ni Ngad Ayuweged e Kingdom Hall Rodad nge Par nib N’uw Nap’an Ndabi Kireb?
Reb e Kingdom Hall nib beech ni yima ayuweg nib fel’ rogon e yira pining e sorok riy ngak Got. Uw rogon ni kan yarmiy e klin u Kingdom Hall?
GURUY NI 27
Uw Rogon ni Nge Yib Angin e Library u Kingdom Hall Ngodad?
Ga baadag ni ngam gay murung’agen boch ban’en ya nge yag ni yoor ban’en nim nang u murung’agen e Bible? Rayog ni ngam guy boch e babyor ko library u Kingdom Hall!
GURUY NI 28
Mang e Rayog ni Ngam Pirieg ko Website Romad?
Rayog ni ngam fil boch ban’en u murung’agmad nge pi n’en nib mich u wan’mad mu kum nang e fulweg u boch e deer rom u murung’agen e Bible.
Ga Ra Rin’ e N’en nib M’agan’ Jehovah Ngay, Fa?
Ri gab t’uf rok Jehovah Got. Uw rogon nrayog ni ngam dag nriyul’ nri ga baadag ni ngam rin’ e n’en nib m’agan’ ngay?
