GURUY NI 13
Rogon ni Ma Mithag e Pi Yurba’ i Teliw ni Googsur e Tin Riyul’ u Murung’agen Got
Faanra Got e t’ufeg, me ere mang fan ni boor ban’en nib gel e kireb riy ni be rin’ yurba’ e teliw ni yad ma yog ni yad be fek fithingan Got? De riyul’ e pi yurba’ i teliw ney, ma thin nge ngongol rorad e ma k’aring e girdi’ ni nge mich u wan’rad boch ban’en nde riyul’ u murung’agen Got. Uw rogon ni kar rin’ed e re n’ey? Uw rogon e re n’ey u wan’ Got? Ma mang e ra rin’ ngay?
1. Uw rogon ni ma mithag e pi yurba’ i teliw ni googsur e tin riyul’ u murung’agen Got u daken e pi machib rorad?
Pi yurba’ i teliw ni googsur e kar “thiliyeged e tin riyul’ ni murung’agen Got ko tin nde riyul’.” (Roma 1:25) Bod ni, yooren raba’ e teliw e darur filed ko girdi’ rorad fithingan Got. Machane, be yog e Bible nthingar unog fithingan Got. (Roma 10:13, 14) Bay boch e tayugang’ ko teliw ni yad ma yog nnap’an nra buch ban’en nrib kireb, ma aram e n’en nib m’agan’ Got ngay. Machane de riyul’ e re n’ey, ya gathi Got tapgin e kireb ni gad be guy ni be buch. (Mu beeg e James 1:13.) Ba gel e kireban’ riy, ya pi machib nde riyul’ ni ma fil e pi yurba’ i teliw e be palognag e girdi’ rok Got.
2. Uw rogon ni ma mithag e pi yurba’ i teliw ni googsur e tin riyul’ u murung’agen Got u daken e ngongol rorad?
Ngongol ni ma rin’ e pi yurba’ i teliw ni googsur ko girdi’ e de bod rogon e ngongol ni ma dag Jehovah ko girdi’. Be yog e Bible ni denen ni be rin’ e pi yurba’ i teliw ni googsur e “ke yan ke tun ko tharmiy.” (Revelation 18:5) Ke yan bokum miriay e duw ni ma guy e pi yurba’ i teliw rogon ni ngar gagiyegnaged e n’en ma rin’ e pi am, ma yad be tay tanggin e mahl ni yibe tay, maku boor e girdi’ ni kar thanged e fan rorad ara ke m’agan’rad ngay ni ngan thang e fan rorad. Bay boch e tayugang’ ko teliw ni yad baadag ni ngar flaabgad, ere yad ma yog ngak girdien e teliw rorad ni ngar pied e salpiy ngorad. Pi ngongol ney e be micheg ndar nanged Got, ma dariy mat’awrad ni nga u rogned ni yad be fek fithingan Got.—Mu beeg e 1 John 4:8.
3. Uw rogon u wan’ Got e pi yurba’ i teliw ni googsur?
Faanra ga be damumuw ko pi n’en be rin’ e pi yurba’ i teliw ni googsur, me ere Jehovah e ga be lemnag ni uw rogon u wan’? Ba t’uf e girdi’ rok, machane be damumuw ko pi tayugang’ ko pi yurba’ i teliw ni yad be mithag e tin riyul’ u murung’agen ma yad be gafgownag e girdi’ rorad. Ke micheg ni yira thang e pi yurba’ i teliw ni googsur ma “dab ku ni guy bayay.” (Revelation 18:21) Dabki n’uw nap’an ma bayi chuweg Got e pi yurba’ i teliw ni googsur.—Revelation 18:8.
KUM FIL BOCH BAN’EN U MURUNG’AGEN
Kum fil boch ban’en u murung’agen rogon ni ma lemnag Got e pi yurba’ i teliw ni googsur, nge n’en kar rin’ed, nge fan nsusun e dab mu pag e re n’ey ni nge k’aringem ni nge dab mu nang Jehovah.
4. Gathi gubin raba’ e teliw nib m’agan’ Got ngay
Boor e girdi’ ni yad ma lemnag ni teliw e bod yu pa’ i kanawo’ ni be sor i yan ngak Got. Machane gur, riyul’ e re n’ey? Mu beegew e Matthew 7:13, 14, mi gimew weliy e fulweg ko re deer ni baaray:
-
Mang e be yog e Bible u murung’agen fare pa’ i kanawo’ ni be sor i yan ko yafos?
Mu yaliyew e re VIDEO ney, mi gimew weliy e fulweg ko re deer ni baaray.
-
Gur, be yog e Bible ni boor raba’ e teliw nib m’agan’ Got ngay, fa?
5. Der m’ug e t’ufeg rok Got ko pi yurba’ i teliw ni googsur
Boor e kanawo’ ni ke mithag e pi yurba’ i teliw e tin riyul’ u murung’agen Got riy. Reb riy e rogon ni ur ted tanggin e mahl ni un tay. Mu yaliyew e re VIDEO ney ni be dag reb e kanawo’ ni ur rin’ed e re n’ey riy. Tomuren mi gimew weliy e fulweg ko gal deer ni baaray.
-
Mang e rin’ boor raba’ e teliw u nap’an e Bin L’agruw e Mahl ko Fayleng?
-
Uw rogon u wan’um e n’en nrin’ed?
Mu beegew e John 13:34, 35 nge 17:16. Ngemu’ mi gimew weliy e fulweg ko gal deer ni baaray:
-
Nap’an nra guy Jehovah e pi yurba’ i teliw ni yad be un ko mahl, ma uw rogon u wan’?
-
Boor ban’en nib kireb ni be buch ni pi yurba’ i teliw ni googsur tapgin. Mang boch ban’en ni kam guy ni ke rin’ e pi yurba’ i teliw nder m’ug e t’ufeg rok Got riy?
Der m’ug e t’ufeg rok Got ko pi yurba’ i teliw ni googsur
6. Baadag Got ni nge ayuweg e girdi’ ngar chuwgad ko pi yurba’ i teliw ni googsur
Mu beegew e Revelation 18:4, a mi gimew weliy e fulweg ko re deer ni baaray:
-
Uw rogon u wan’um ni kam nang ni baadag Got ni nge ayuweg e piin ke bannagrad e pi yurba’ i teliw ni googsur?
7. Mu ulul i fil murung’agen e bin riyul’ e Got
Gur, ba puluw ni ngam pag e pi n’en nib kireb ni ma rin’ e pi yurba’ i teliw ni googsur ni nge magawonnag rogon e lem rom u murung’agen Got, fa? Mu susunnag ni bay reb e pagel nde fol ko chitamangin, me chuw u tabinaw, ngemu’ mi i rin’ boch ban’en nrib gel e kireb riy. De m’agan’ e chitamangin fare pagel ko pi n’en be rin’. Ere mang fan nde puluw ni nga non’ e kireb nga daken fare matam ko ngongol nib kireb ni be rin’ fare pagel ni fak?
-
Gur, ba puluw ni nga mon’ e kireb ni be rin’ e pi yurba’ i teliw nga daken Jehovah mag tal ndab kum fil murung’agen, fa?
MA GAAR BOCH E GIRDI’: “Dab mu weliy murung’agen e teliw ngog, ya gubin raba’ e teliw nde puluw e ngongol rorad ko n’en yad ma machibnag.”
-
Aray rogon e lem rom, fa?
-
Mang fan nsusun e dab da paged e pi n’en ma rin’ e pi yurba’ i teliw ni googsur ni nge magawonnag rogon e lem rodad u murung’agen Jehovah?
N’EN KAN FIL
Ma mithag e pi yurba’ i teliw ni googsur e tin riyul’ u murung’agen Got u daken e pi machib nde riyul’ ni yad ma weliy nge ngongol nib kireb ni yad ma rin’. Ra thang Got e pi yurba’ i teliw ni googsur.
Ngan Sul u Daken
-
Uw rogon u wan’um e pi machib ko pi yurba’ i teliw ni googsur nge ngongol rorad?
-
Uw rogon u wan’ Jehovah e pi yurba’ i teliw ni googsur?
-
Mang e ra rin’ Got ko pi yurba’ i teliw ni googsur?
MU GAY MURUNG’AGEN
Mu beeg murung’agen l’agruw ban’en ni ma rin’ yooren e teliw nde m’agan’ Got ngay.
“Are All Religions the Same? Do They All Lead to God?” (Article ni bay ko website)
Mang fan ni baadag Jehovah ni ngad uned ngak yugu boch e girdi’ ngad liyorgad ngak u taabang?
“Is It Necessary to Belong to an Organized Religion?” (Article ni bay ko website)
Bay reb e padrey ni i magawon laniyan’ ni bochan boch ban’en ni i rin’ e teliw rok. Machane de pag e re n’ey ni nge taleg ndab ki fil e tin riyul’ u murung’agen Got.
Ke yan bokum miriay e duw ni ma machibnag e pi yurba’ i teliw boch ban’en nde riyul’ u murung’agen Got ni ma k’aring e girdi’ ni ngar lemnaged nder ma lemnagrad Got ma ir be’ nib kireb. Mu fil e tin riyul’ u murung’agen dalip ko pi ban ney.
a Ra ngam nang fan ni be yog fare babyor ni Revelation ni fare pin ni ka nog Babylon nib Gilbuguwan ngak e be yip’ fan e pi yurba’ i teliw ni googsur, mag guy Yugu Boch e Thin 1.
