Berei ya pɔri mɛni lɛlɛɛ tamaa sɔlɔ ɓoi la zɛŋ-lɛɛ-ŋai ŋi su.
Nuu ta mare kɛ kpɔŋ maa mɛni ma: Nuui gɔlɔ-kpuai ŋi tɛɛ ipɔi, mare kɛ a gɛɛ e Ŋala-kɔlɔi ŋa lɛ ya, kpaa ya pɔri gɔlɔ-kpuai vãai ŋa Ŋala-kɔlɔi maa-kɔri mɛni mai laa fɛɛi I dɛɛ, jw.org.
GƆƆ PILANI
Ŋoo-ɣɛli-kpulu-ŋai kelee lono, e pɛlɛ la mare-kɛɛ-ŋai dia (A) da ŋala-kɔlɔ-kpua-ŋai (B) nyii mɛni-ŋuŋ-ŋai lɛi. Gɔlɔŋ a gɛɛ ɣala-kɔlɔ-kpua taŋa kaa naa nyii maa nɛ̃ɛi I “nono.”
ZAMƐI
Ŋoo-ɣɛli-kpului (C) Mɛni Tamaa Maa-kɔri kpiniŋ mui, a mɛnii ka pai maa-kɔrii lɛi. Ŋuŋ-tuɛ-woo-ŋai (D) a mɛni-ŋuŋ-ŋai lɛi. Ŋala-kɔlɔ-kpua-ŋai lono, I mare-kɛɛ-ŋai sukula, I vilo-ŋai su kaa (E).
Votoo-ŋai kaa a nɛlɛɛ da gɔlɔ-pɔ̃yɛ-ŋai dikɔlɛ mai (F), gɛ ni I ikili-ŋa sia e pilaŋ berei ma ya pɔri mɛnii gaa Nua Taŋa Da Mo Diyɛɛi kpiniŋ mui, su tooi lai (G).
GBƐƐ-ŊAI
Zɛŋ-lɛɛi a kpɛɛ a Mɛni-ŋuŋ-ŋai yaa maa-kɔrii da Gili-too-ŋa mare-kɛɛ-ŋai (H) Voloi ka pai zɛŋ-lɛɛi kpɛɛi lai, pɔ̃yɛ. Ŋuŋ-tuɛ-wooi Mɛni-kpɛtɛɛ ŋi kɛ (I) a mɛni-ŋa lɛ nyii ya pɔri gɛi. Mɛni takpɛni-ŋa maa-kɔri (J) kpiniŋ mu, vilo da kɔlɔ-ŋa kaa naa nyii ya pɔri zu kaai kpaa I nono.
Berei ya pɔri ɣala-kɔlɔ-kpua-ŋa kɔrii la Ŋala-kɔlɔi su
Ya ɣala-kɔlɔ-kpua-ŋa kɔlɔŋ Gɔlɔi laa ma (A), gɔlɔ-ŋuŋ (B), da ŋoo-kpua kpaa ŋoo-kpua-kpua-ŋai (C). Gɔɔŋ-maa ɓa, Zɔŋ 17:3 sukulai ɓa gɔlɔi Zɔŋ, ŋuŋ 17, ŋoo-kpua 3.
