Fitsidihan̈a Betela
Ravoravo zahay mikaiky anao hitsidiky birôny sampan̈anay, na Betela koa ikahian̈a izio. Sasany amy sampan̈anay aby io misy fampirantian̈a mety zahavan̈a.
Mahazo Tsidihin̈y Ndraiky Betela: Manomboko amy 1 Ziain 2023, efa mety tsidihin̈y ndraiky koa Betela amy tany maro. Izikoa anao mba tihitsidiky, an̈ontania birôn’ny sampan̈a aminarô an̈y. Fa izikoa ndraiky anao avoa COVID-19, na avoan’ny gripy na sery na misy lafievra, na nifan̈osihosy tamin’olo navoa COVID-19, aza mandeha mitsidiky Betela.
Slovenia
Mombamomba Fitsidihan̈a
Anao ma tokony handefa fangatahan̈a alohany hitsidiky? Ia. Baka ialan̈a amy olo maro loatra ndreky hahafahanolo jiaby mankafy fitsidihan̈andro, hangatahanay pitsidiky jiaby mba handefa fangatahan̈andro alohany iro avy hitsidiky. Afaka man̈ano zen̈y iro ndray firy iro miaraka.
Mbala afaka mitsidiky fo ma anao ndray tsy nandefa fangatahan̈a? Mety tsy afaka handray anao zahay izikoa anao tsy nan̈ano fangatahan̈a hitsidiky. Baka amy toeran̈a io mahavy voafetra fo kontinolo afaka mitsidiky isanandra.
Izikoa anao hitsidiky, amy firy anao tokony avy? Baka hanomboko arapotoan̈a fitsidihan̈anao, azafady mavia 10 minity, fara fahaheliny, alohany fitsidihan̈anao.
Karakory ma atao man̈ano fangatahan̈a io? Kitia amy “Hangataka Hitsidiky.”
Mbala mety ovain̈a na fafan̈a ma fangatahan̈a efa nataonao in̈y? Ia. Kitia amy “Hizaha na Han̈ova Fangatahan̈a.”
Karakory izikoa tsisy programony fitsidihan̈a na efa tsisy toeran̈a malalaka amy fotoan̈a mety aminao in̈y? Tsiditsidiha matetiky site io. Mety ho hisy toeran̈a malalaka fo izikoa misy olo man̈ova na mamafa fangatahan̈andro.
Fampirantian̈a
Misy fampirantian̈a araiky man̈aboaka fivoharany Baiboly Slovenianin̈y afaka zahavany pitsidiky. Misy sarisary amizio ao ahitan̈a mombamomba fomba ampiasan̈a an̈arany Zan̈ahary an̈aty Baiboly avio boky ndreky gazety Slovenianin̈y, tan̈aty taonjato maro.
Adiresy Ndreky Nimerony Telefony