Aminolo maro, tsy marin̈y foeky ke fitondrasan̈a karazan̈olo jiaby ho mira fo zen̈y.

•   “Fan̈avakavahan̈a io poazon mandrobaka mare fiarahamonin̈y, lamin̈y, ndreky fiain̈ananolo isanandra. Io toetry mahavy olo tsy voly mampijaly olo.”​—António Guterres, Sekretera Zeneraliny Firenena Mikamban̈a.

 Raha mbala ho mira ma fitondrasan̈a karazan̈olo jiaby? Ino raha koran̈iny Baiboly momba zen̈y?

 Baiboly mampianatra akory fahitany Zan̈ahary olo tsy mitovy karazan̈a.

•   “Baka taminolo araiky niasany [Zan̈ahary] olo amy firenena jiaby baka iro hipetraka erantany.”​—Asan’ny Apostoly 17:26.

•   “Zan̈ahary tsy man̈avakavaka, fa amy firenena jiaby, lan̈iany olo mavozo izy ndreky man̈ano ny marin̈y fo ankasitrahiny.”​—Asan’ny Apostoly 10:34, 35.

 Baiboly mivolan̈a fa araiky fo olo jiaby io, avio Zan̈ahary tia karazan̈olo jiaby.

 Fanjakan̈any Zan̈ahary andan̈itry an̈y han̈ano zen̈y. Fanjakan̈a io mampianatra olo ho tia olo jiaby. Olo hianatra karakory atao man̈adoso fan̈avakavahan̈a olo an̈atiny fô ao.

•   “Hianatra ny marin̈y iro olo amy tany io.”​—Isaia 26:9.

•   “Lan̈iany olo man̈araka ny ten̈a marin̈y hiadan̈a, hilamin̈y fo ndreky tsy hisy asaloha.”​—Isaia 32:17.

 Efa antapitrisany olo amy zioty mianatra Baiboly, ke mahay akory tokony ho fitondrasan̈a olo, mianatra man̈aja ndreky man̈isy fotiny olo.

•   Izikoa tianao hahita fan̈ampiny fan̈azavan̈a momba zen̈y, vakia lahatsoratra “Vahaolana Amin’ny Fanavakavahana” amy gazety Mifohaza!

•   Vakia lahatsoratra “Ahoana no Azoko Iresahana Amin’ny Zanako Momba ny Fanavakavaham-bolon-koditra?”