Faminanian̈a Momba Mesia ma Man̈aporofo fa Jesosy Ankitin̈y Mesia?
Valiny baka amy Baiboly
Ia. Tamy Jesosy tambony tany teto, naro faminanian̈any Baiboly tanteraka taminany, momba “Mesia Pitariky”, ‘Pamonjy olo jiaby.’ (Daniela 9:25; 1 Jaona 4:14) Nata efa tafarany namiloman̈a Jesosy, mbala maro fo faminanian̈a tanteraka taminany.—Salamo 110:1; Asan’ny Apostoly 2:34-36.
Ino ma dikany “Mesia” zen̈y?
Mesia io baka amy volan̈a hebreo Mashiah (Mesia), fa amy volan̈a griky ndraiky izio Kristôs na Kristy. Araiky fo dikany volan̈a aby io: “Voahosotro.” Ke dikany “Jesosy Kristy” zen̈y, “Jesosy Voahosotro” na “Jesosy Mesia.”
Taloha tan̈y, matetiky olo araiky koa fa voahosotro zen̈y, idin̈ana menaka lohanany. Zen̈y mivolan̈a fa izy mahazo toeran̈a manokan̈a, manan̈a fahifan̈a maventy. (Levitikosy 8:12; 1 Samoela 16:13) Zan̈ahary nifidy Jesosy nataony Mesia, manan̈a fahifan̈a maventy. (Asan’ny Apostoly 2:36) Fa Jesosy tsy nisorany Zan̈ahary menaka, fa nisoriny fan̈ahy masin̈y.—Matio 3:16.
Tanteraka taminolo hafa koa ma faminanian̈a momba Mesia io?
Ehe. Izio mira sorisoritry amy tondronolo in̈y fo. Maro sorisoritry io fa olo araiky fo tompiny. Tanteraka tamy Mesia na Kristy zaraiky fo koa iro faminanian̈a maro amy Baiboly ao. Fa Baiboly efa nampitandrin̈y fa hisy “paminan̈y sandoko ho avy, ke iro han̈ano famantaran̈a maventy ndreky fahagagan̈a. Tiandro hifitahin̈y aby firaka amindro olo efa voafidy aby io, izikoa mbala vitandro.”—Matio 24:24.
Mbala aminy amaray an̈y ma Mesia io vo hiboaka?
Ehe. Baiboly efa nan̈ambara fa Mesia io hiboaka baka amy taranakany Panjaka Davida, panjakany Israely. (Salamo 89:3, 4) Fa kanefa, izikoa fa resiny Romanin̈y Jerosalema tamy 70 T.K., karaha very tamy zen̈y taratasy misy kopìndro jiaby rango tamy Davida. a Ke nanomboko tamy zen̈y, tsisy olo afaka niaboko fa izy an̈isany taranakany panjaka baka amy fehitriny Davida. Tamy Jesosy tambony tany teto, mbala tiô taratasy nisy an̈arandro razambeny Jesosy aby io, ke tsisy olo nahavita niaboko iro taranakany Davida nata iro fahavalony Jesosy aby io.—Matio 22:41-46.
Firy ma faminanian̈a momba Mesia io amy Baiboly ao?
Tsisy olo mahay firy marin̈y faminanian̈a momba Mesia io. Ohatra, mety hiovaova fomba fikontianolo faminanian̈a io, nata aminy andininy mikoran̈a mazava momba Mesia. Aminy Isaia 53:2-7 ao mivolan̈a faminanian̈a maro momba Mesia. Olo sasany mety hikonty izio faminanian̈a araiky fo, fa sasany ndraiky mety hivolan̈a fa izio faminanian̈a samby isany.
Faminanian̈a sasany tanteraka tamy Jesosy
Faminanian̈a |
Hita amy |
Tanteraka |
|---|---|---|
Taranakany Abrahama |
Genesisy 22:17, 18 |
|
Taranakany Isaka zanakany Abrahama |
Genesisy 17:19 |
|
Baka amy fokony Joda |
Genesisy 49:10 |
|
Taranakany Panjaka Davida |
Isaia 9:7 |
|
Man̈angy virijiny niteraka izy |
Isaia 7:14 |
|
Teraka ta Betlehema |
Mika 5:2 |
|
Imanoela b nikahian̈a izy |
Isaia 7:14 |
|
Olo tsotra |
Isaia 53:2 |
|
Nisy tsaiky maro nivonen̈a tafarany nitirahany Mesia |
Jeremia 31:15 |
|
Nikahian̈a hiala ta Ezipty |
Hosea 11:1 |
|
Natao Nazareanin̈y c fikahian̈a izy |
Isaia 11:1 |
|
Nisy iraka nalefa talohany naviany |
Malakia 3:1 |
|
Voahosotro ho Mesia tamy 29 T.K. d |
Daniela 9:25 |
|
Zan̈ahary nivolan̈a fa Mesia io Zanany |
Salamo 2:7 |
|
Mahasarotiny izy raha momba tran̈ony Zan̈ahary |
Salamo 69:9 |
|
Pitory vaovao tsara |
Isaia 61:1 |
|
Nahavita nitory mare ta Galilia izy ke nira hazavan̈a |
Isaia 9:1, 2 |
|
Nan̈ano fahagagan̈a karaha ambaka nataony Mosesy |
Deoteronomia 18:15 |
|
Nivolan̈a hevitriny Zan̈ahary karaha nataony Mosesy |
Deoteronomia 18:18, 19 |
|
Nampajanga olo maro |
Isaia 53:4 |
|
Tsy nisariky sain̈inolo taminany |
Isaia 42:2 |
|
Nahinakinaka iro olo nampijalin̈a aby io |
Isaia 42:3 |
|
Nan̈ambara fahamarin̈any Zan̈ahary |
Isaia 42:1, 4 |
|
Panolotsain̈y Mahagaga |
Isaia 9:6, 7 |
|
Nan̈ambara an̈aran̈any Jehovah |
Salamo 22:22 |
|
Nan̈ano fan̈oharan̈a |
Salamo 78:2 |
|
Pitariky |
Daniela 9:25 |
|
Maro olo tsy nino izy |
Isaia 53:1 |
|
Vato mampavoatsikon̈o |
Isaia 8:14, 15 |
|
Nifamaranolo |
Salamo 118:22, 23 |
|
Halanolo tsy aminy antony |
Salamo 69:4 |
|
Niditry karaha pandresy ta Jerosalema, niondran̈a zanaka boriky |
Zakaria 9:9 |
|
Tsaiky madiniky nidera izy |
Salamo 8:2 |
|
Navy taminy an̈aran̈any Jehovah |
Salamo 118:26 |
|
Namany marikitry izy namadiky izy |
Salamo 41:9 |
|
Volafotsy 30 sekely namadihan̈a izy e |
Zakaria 11:12, 13 |
|
Iro namany aby io niala izy |
Zakaria 13:7 |
|
Nisy vavolombelon̈o vandivandy nankaratsy izy |
Salamo 35:11 |
|
Tsy namaly olo nan̈odihody raha tsy nataony |
Isaia 53:7 |
|
Nandroranolo |
Isaia 50:6 |
|
Nivangoendro lohanany |
Mika 5:1 |
|
Nivangovangoen̈a karavasy |
Isaia 50:6 |
|
Tsy nivaliany iro olo namango izy |
Isaia 50:6 |
|
Iro manampahifan̈a aby io nan̈ano tetiky hamonoan̈a izy |
Salamo 2:2 |
|
Nifantsihin̈y taminy hazofijalian̈a tan̈anany ndreky vitiny |
Salamo 22:16 |
|
Nataonolo loka lambanany |
Salamo 22:18 |
|
Nikonten̈a an̈isanolo panota |
Isaia 53:12 |
|
Nadroedroen̈a, tsy nasian̈a fotiny |
Salamo 22:7, 8 |
|
Nijaly hamonjian̈a olo panota |
Isaia 53:5, 6 |
1 Petera 2:23-25 |
Karaha raha tsy nijireny Zan̈ahary |
Salamo 22:1 |
|
Namian̈a vinaigra ndreky raha mafaiky |
Salamo 69:21 |
|
Sakara talohany izy hofoaty |
Salamo 22:15 |
|
Nankininy tamy Zan̈ahary fahin̈ananany |
Salamo 31:5 |
|
Nan̈amia fiain̈ananany |
Isaia 53:12 |
|
Nan̈amia vidipan̈avotan̈a nan̈adosoan̈a fahotan̈anolo |
Isaia 53:12 |
|
Tsy nitapahin̈y taolan̈anany |
Salamo 34:20 |
|
Nitombohin̈y |
Zakaria 12:10 |
|
Nalevin̈y tamy fasan̈anolo pan̈arivo |
Isaia 53:9 |
|
Nivilominy Zan̈ahary |
Salamo 16:10 |
|
Nisoloan̈a araiky namadiky izy in̈y |
Salamo 109:8 |
|
Nipetraka tamy tan̈ana ankavan̈any Zan̈ahary |
Salamo 110:1 |
a Karaha ty nikoran̈iny Rakipahizan̈a (angiley) nisoratiny McClintock ndreky Strong: “Be toky ivolan̈ana fa ravan̈a tamy fandravan̈ana Jerosalema in̈y iro boky jiaby misy taranakany jiosy aby io ndreky fianakavian̈andro jiaby fa tsy talohanizin̈y.”
b Imanoela io an̈aran̈a hebreo, dikany “Man̈ampy Atsika Zan̈ahary.” Izio man̈ambara andraikitriny Jesosy, izy Mesia. Fandalovany tambony tany teto ndreky asa nataony man̈amia porofo fa Zan̈ahary man̈ampy olonany ankitin̈y.—Lioka 2:27-32; 7:12-16.
c Dikany “Nazareanin̈y” zen̈y baka amy volan̈a hebreo ne’tser, dikany “tsiriny hely.”
d Izikoa tihahazo fan̈ampiny fan̈azavan̈a momba konty man̈aboaka taon̈o 29, taon̈o naviany Mesia io, zahava lahatsoratra “Paminan̈y Daniela Nan̈ambara Faviany Mesia.”
e Amy bokiny Zakaria ao misy faminanian̈a io, kanefa Matio panoratra Baiboly nivolan̈a fa “paminan̈y Jeremia nirahin̈y nivolan̈a izio.” (Matio 27:9) Bokiny Jeremia io mbala an̈isany fizaran̈a amy Soratra Masin̈y ao kahian̈a “Paminan̈y.” (Lioka 24:44) Mety bokiny Jeremia boky voanalohany amy fizaran̈a io ndraikindraiky. Ke mety fizaran̈a io nivolan̈iny Matio fa “Jeremia” io, ke tan̈atinizio tao koa bokiny Zakaria.
Mety ho Tianao Koa
MIFOHAZA!
Man̈angy Jiosy Araiky Nimpody Nandiniky Ndraiky Raha Ninoany
Nan̈ino tsy nora tamy Racquel Hall nan̈eky fa Jesosy io Mesia?
RAHA AMPIANARINY BAIBOLY
Man̈ohara Mianatra Baiboly Aminay
Mangalà fianaran̈a Baiboly miaraka amy fan̈azavan̈a araikiaraiky momba fan̈anaovan̈a izio.