ჩქი ვორწყეთ, ნამდა ბრელს, მიდგას უკვე უღჷ მუშ რელიგია, ოსიამოვნ ბიბლიურ თემეფშე მსჯელობა. ჩქი პატის ფცენთ ადამიანიშ უფლებას, უღდას ჩქინდე განსხვავებულ რწმენა, დო ვა ვანძალენთ მიღან ჩქინ რელიგია.

 ჩქი ვოცადუთ გეფთვალისწინათ ბიბლიურ რჩევა დო შხვეფს რელიგიურ თემეფშე „რბილას დო დიდ პატიცემათ“ ქივეჩუათ (1 პეტრეს 3:15). ჩქი ვამკვენა, მუჟამსით ნამთინე ვამრჩქილენა (მათე 10:14). მარა, ჩიებაშ უმშო ძნელ რე ქიგებგათ, ქუმომრჩქილუანა დო ვარ შხვეფ. თეს გეძინელ, თის ხოლო იფთვალისწინენთ, ნამდა ადამიანეფიშ მდგომარეობა ითირუ.

 მაგალთო, მით ამდღა დაკავებულ რე, ჭუმან შილებე დიდ სიამოვნებათ გემაუნან ჩიებას. ცხოვრებას წიმოჭკირილ პრობლემეფქ დო მოხვალამირ ცვლილებეფქ შილებე ნამთინეს ბიბლიურ ჭეშმარიტებაშ ინტერეს გურჩქინას. ათეშენ ვოცადუთ, შხვეფს მუსხირენშა მივაკითხუათ დო ვუქადაგათ.