მუშო ოკო რაგად, ვარ. ჩქინ ორგანიზაციას ვა უღჷ მკაცრ წესეფ თიწკუმა დაკავშირებით, ნამ ფილმიშ ჯინა, ნამ წიგნიშ კითხირ ვარდა ნამ ბირაშ მორჩქილაფა შემლებნა.

  ბიბლია თითოულს ელამჩანა, გოფწაფათ „გონება“ ჯგირ დო ფურიშ გარჩიებელო (ებრაელები 5:14).

  ბიბლიას მოჩამილ რე ძირითად პრინციპეფ, ნამდგაშ გიმორნაფათ ქრისტიანს შეულებ, ჯგირო დეფიქრას, მუნერ გართობას გიშეგორუნს. a ცხოვრებაშ ნებისმიერ საკითხის ჩქინ მიზან ოკო რდას, ირიათო შევამოწმათ „მუ რე მოსაწონ უფალშო“ (ეფესოელები 5:10).

  მუჭოთ ბიბლიაშე ბგებულენთ, ოჯახიშ დუდეფს გარკვეულ ძალაუფლება უღნა. ათეშენ, თინეფს შეულებნა გინოჭყვიდან, მუნერ გართობა გიშეგორან მუნეფიშ ოჯახიშ წევრეფქ (1 კორინთელები 11:3; ეფესოელები 6:1—4). მარა მითინს ვა უღჷ თიშ უფლება, ნამდა შხვას აუკრძალას მუდგაინ ფილმიშ ჯინა ვარდა ბირაშ მორჩქილაფა, მუშენდა ფიქრენს, ნამდა თეცალ გართობა ვა რე მეღებულ ქრისტიანშო (გალატელები 6:5).