ბიბლია ვეჩიებ ნამდა ფარა რე უბადობა ვარდა ირნერ უბადობაშ მიზეზ. გავრცელებურ გამოთქმა: „ფარა ირნერ უბადობაშ ჩხვიჩხვ რე“ ბიბლიურ ციტატაშ გინოკეთებულ ფორმა რე დო აზრის ბოლოშა ვეგნოჩანს. სინამდვილეს, ბიბლია იჩიებ: „ფარაშ ჸოროფა ირნერ უბადობაშ a ჩხვიჩხვ რე“ (1 ტიმოთე 6:10).

•  მუს იჩიებ ბიბლია ფარაშ გურშენ?

•  მუშენ მაფრთხილენა ბიბლია ფარაშ ჸოროფაშ გურშენ?

•  მუ ჯგირობუა მოუღ ჩქინდა ფარაშ ჸოროფაწკუმა დაკავშირებულ ბიბლიურ რჩევეფს?

•  ბიბლიურ მუხლეფ, ნამუთ ფარას ოხუ

 ბიბლია იჩიებ, ნამდა, მუჟამსით ფარას გონივრულო გეგმიბრინუანთ, შილებე სასარგებლოქ დო დამცველქ ხოლო იჸუას (ეკლესიასტე 7:12). თეს გეძინელ, ბიბლია ოცქვანს თინეფს, მით ხეგოფაჩილობას გიმირჩქინანა. თინეფქ შილებე თეშო ფარა გეგმირინუან (იგავები 11:25).

 თეწკუმა ართო, ბიბლია მაფრთხილენა, ნამდა ფარაქ ვედეკინას ჩქინ ცხოვრებას მთავარ ადგილ. თინა იჩიებ: „იცხოვრით ფარაშ ჸოროფაშ უმშო დო ქიგეჯერდით თის, მუთ გიღნა“ ( ებრაელები 13:5). თავრეშე ბგურაფლენთ, ნამდა ფარას მუშ ადგილ ქიმურჩქინათ დო ვემნჭუათ გამდიდრებაშა. თეშ მანგიორო, ოკო ქიგებჯერდათ თის, მუთ მართალო მოსაჭირნა, მუნერით რე ოჭკუმალ, მიკაქუნალ დო დუდიშგითაფორაფალ (1 ტიმოთე 6:8).

 ჰარამეფ ვემიღენა მარადიულ სიცოცხლეს. (ეფესოელები 5:5). ჰარამობა კერპეფიშ თაყვანიშცემაშ ართ-ართ ფორმა რე (კოლოსელები 3:5). თეს გეძინელ, ჰარამეფ ირნერო ოცადნა მიღან თინა, მუდგა ოკონა დო თეშ გურშენ მზათ რენა ბიბლიურ პრინციპეფს ხოლო გეგნურთან. იგავეფიშ 28:20-ს რაგადებულ რე, ნამდა „უდანაშაულოთ ვეგშართენა თინეფს, მით გამდიდრებაშა ინჭუაფნა“. თინეფქ შილებე ქეცადან თიცალ დანაშაულ გაკეთან, მუნერით რე შანტაჟ, მიდაღალა, თაღლითობა, ადამიანიშ გატაცება ვარდა ჸვილუა.

 ფარაშ ჸოროფაქ თეცალ გლახა მოქმედებეფშა ვემემჸუნანინ ხოლო, თის შილებე შხვა უარყოფით შედეგეფქ ქუმაჸუნას. ბიბლია იჩიებ: „მით გამდიდრებაშა ინჭუაფ, ეიაჸუნუ ცდუნებას, ინოლუ მახეს დო ბრელ უგუნურ დო გლახა სურვილიშ მსხვერპლო გინირთუ“ (1 ტიმოთე 6:9).

 ფარაშ გურშენ ზნეობრივ დო სულიერ ფასეულობეფს ვეგნურთანთ-და, დუდიშ პატიცემა დო ღორონთიშ მოწონა მაღვენუნა. თინეფს, მით მთელ გურით ოცადნა გურ გუხარან ღორონთის, თინა ოპირ: „დღას ვა დოიტენქ დო ვემგოტენქ“ (ებრაელები 13:5, 6). თინა მარწმუნენა, ნამდა „ართგურს კურთხევა ვა მაკორდუ“ (იგავები 28:20).