მართალ რე, მსოფლიო ლიდერეფქ ბრელნერო ეცადეს თექ ვა მოხვადკო, მარა 2022 წანაშ 24 ფრევალს, გოთანას, რუსეთიქ უკრაინაშა გემშეჭკირ. მუჭო შილებე იმოქმედას თე კონფლიქტიქ მთელ მსოფლიოშა? გაეროშ გენერალურ მდივანქ, ანტონიო გუტერეშიქ, მუსხირენ დღაშ წოხოლე თქუ: „თიშ წარმოდგენა ხოლო რთულ რე, მუშ მადიდა ზიანს მიორინუანს თე დაპირისპირება ხალხის დო მუშ მადიდა საფრთხეშ თუდო იჸუაფ მსოფლიო უსაფრთხოება“.

•   იესო ქრისტექ იწინასწარმეტყველ, თიცალ დროშ გურშენ, მუჟამსით ომეფ იჸუაფუდ. თიქ თქუ: „ერ ერს გეგნენტერებ დო სამეფო სამეფოს“ (მათე 24:7). თეწკუმა დაკავშირებით, წეკითხით ართ-ართ სტატია («რა არის „ბოლო დღეების ნიშანი?“»), სოვრეშეთ ქოძირუნთ, მუჭო ისრულებ ამდღანერ ომეფით იესოშ წინასწარმეტყველება.

•   ბიბლიაშ წიგნ „გამოცხადება“ მიშინუანს ომეფს მუჭოთ მხედარს, ნამუთ გეხედ „ალიშფერ ცხენს“ დო ოკოდ „მშვიდობა მიდეღკო დედამიწაშე“ (გამოცხადება 6:4). თეწკუმა დაკავშირებით, წეკითხით ართ-ართ სტატია („რას განასახიერებს ოთხი მხედარი?“), სოვრეშეთ ქოძირუნთ, მუჭო ოხუ თე წინასწარმეტყველება ამდღარ ომეფს.

•   ბიბლიაშ წიგნის, „დანიელს“, ნაწინასწარმეტყველებ რე, ნამდა „ჩრდილოეთიშ მეფე“ დო „სამხრეთიშ მეფე“ ართიანიშ წინააღმდეგ გიშელენდეს (დანიელი 11:25—45). ქუჯინით ვიდეოს „შესრულებურ წინასწარმეტყველებეფ — დანიელიშ მა-11 დუდ“, სოვრეშეთ ქოძირუნთ, მუშენ ბწანა, ნამდა რუსეთ დო თიშ მოკავშირეეფ რენა „ჩრდილოეთიშ მეფე“. a

•   წიგნ „გამოცხადება“ მიშინუანს ბრძოლას, ნამუთ იჸუაფ „ირფელიშშემალებე ღორონთიშ დიდ დღას“ (გამოცხადება 16:14, 16). მარა, თენა ვეჸუაფ სახელმწიფოეფ შქას ომი, თიცალ მუნერით ასე ხვადუ. თეწკუმა დაკავშირებით, წეკითხით ართ-ართ სტატია „მუ რე არმაგედონ?“, სოვრეშეთ მეტ ინფორმაციას მიღენთ მომავალიშ გურშენ.

•   ბიბლია ღორონთიშ გურშენ იჩიებ, ნამდა „მოსპუნს ომეფს მთელ დედამიწას“ (ფსალმუნი 46:9). თეწკუმა დაკავშირებით წეკითხით ართ-ართ სტატია („უკეთესი მომავლის რეალური იმედი“), სოვრეშეთ უმოსის ქიგეგენთ მომავალიშ გურშენ ღორონთიშ დუნაპირებუეფშე.

•   იესოქ მუშ მიმაჸუნალეფს დაგურუ, ნამდა ღორონთიშ სამეფოშ მოულაშე ულოცებდესკო (მათე 6:9, 10). თენა რე ზეციერ მთავრობა, ნამუთ შეასრულენს ღორონთიშ ნებას დედამიწას, ნამდგაშა მსოფლიოს მშვიდობაშ დამყარება ხოლო მიშურს. ქუჯინით ვიდეოს „მუ რე ღორონთიშ სამეფო?“, სოვრეშეთ ქიგეგენთ, მუჭო მოიღანა ჯგირობუას თე სამეფო.

 უკრაინას 129 000-შე უმოს იეჰოვაშ მოწმე რე. მთელ მსოფლიოს მახორუ შხვა მოწმეეფცალო, თინეფ ხოლო იესოშ მაგალითის მეჸუნა დო პოლიტიკურო ნეიტრალურეფ რენა, თაშ ნამდა, მონაწილებას ვა ღებულენა ომეფს (იოანე 18:36). იეჰოვაშ მოწმეეფ აგრძელენა მთელ მსოფლიოს „სამეფოშ გურშენ“ სახიოლო ამბეშ ქადაგებას. თე სამეფო ბოლოს მუღენს კაცობრიობაშ არძა პრობლემას, თინეფ შქას ომეფს ხოლო (მათე 24:14). ელაიჩანთ, დეკავშირათ იეჰოვაშ მოწმეეფს დო მეტ ქიგეგათ ბიბლიურ იმენდიშ გურშენ.