მსოფლიოშ ბრელ ქიანას ხალხ დიდწყარალაშ გლახა შედეგეფს ობრძოლ. ყურადღება ქიმიაქცით, მუს ჭარნა მუსხირენ ანგარიშის:

•   „მუსხირენ დღაშ წოხოლე ჩინეთიშ დედაქალაქის თიცალ ჭვემა რდჷ, ნამუთ 140 წანაშ აშო ვა ჸოფე... საბატონშე ჯუმაშხაშა 744.8 მმ-შ მადიდა წვეთეფს ჭვენდჷ“ (AP News, 2 არგუსო, 2023 წანა).

•   «იაპონიაშ სამხრეთ ნაწილს ტაიფუნ „ხანუნს“ მაჟია დღას, ცააშხას, მანგარ ჭვემეფქ დო ქარბორიაქ მაჸუნ, მუდგაშ შედეგო ჟირ კოჩიქ ღურჷ... ფიქრენა, ნამდა თე სტიქიას 0.6 მეტრ წყარ ქუმაჸუნუ ტაივანიშ ცენტრალურ ნაწილს» (Deutsche Welle, 3 არგუსო, 2023 წანა).

•   „კანადას [ნოვა სკოტიას რეგიონს] თე საბატონ დო ჟეშხას მანგარ ჭვემეფ რდჷ, მუდგას თიცალ დიდწყარალაქ ქუმაჸუნ, ნამუთ 50 წანაშ აშო ვა ჸოფე“ (BBC News, 24 კვირკვე, 2023 წანა).

 მუს იჩიებ ბიბლია თეცალ მოვლენეფიშ გურშენ?

 ბიბლია იჩიებ, ნამდა ჩქი ფცხოვრენთ დროშ პერიოდის, ნამდგას „ბოლო დღალეფ“ ჯოხო (2 ტიმოთე 3:1). მუჭოთ იესოქ იწინასწარმეტყველ, ჩქინ თოლით ქობძირუნდით „ოშქურანჯ მოვლენეფს“ (ლუკა 21:11). კლიმატიშ თირუაშ შედეგო თეცალ სტიქიეფ უმოს ხშირას ხვადუ, უმოს ძალიერ რე დო წინასწარ ხოლო მითინს ვარაგადე მუ დროს იჸუაფ.

 მუჭოთ ბიბლიაშე ბგებულენთ, ბრელ ოშქურანჯ მოვლენა, ნამდგას ამდღა დედამიწას ვორწყეთ, სინამდვილეს იმენდიშ მიზეზის მარზენა. მუშენ იფჩიებუთ თეს? მუშენდა, იესოქ თქუ: „მუჟამსით ქოძირუნთ თე ირფელ ხვადუნ, გიჩქუდან, ნამდა ღორონთიშ სამეფო მონჭაფილ რე“ (ლუკა 21:31; მათე 24:3).

 თე მოვლენეფ ოძირანს, ნამდა მალას ღორონთიშ სამეფო დედამიწას ბუნებაშ არძა მოვლენას სრულაშე გაკონტროლენს, თინეფ შქას, წყარიშ წრებრუნვას ხოლო (იობი 36:27, 28; ფსალმუნი 107:29).

 თიშ გაგებელო, მუჭო აღადგინენს ღორონთიშ სამეფო დედამიწაშ ეკოსისტემას, წეკითხით ართ-ართ სტატია ჩქინ ვებგვერდის („ვინ გადაარჩენს დედამიწას?“).