Ushwankathelo LweBhayibhile
IBhayibhile yeyona ncwadi iye yasasazwa kakhulu kwimbali yoluntu. Kodwa kusenokwenzeka ukuba uyazibuza: ‘Ithetha ngantoni le ncwadi idume kangaka?’
Incwadana ethi IBhayibhile—Sithini Isigidimi Sayo? ikunika ushwankathelo lweBhayibhile ngezahluko ezimbalwa ukuze uyazi into eyifundisayo. Olu shwankathelo luqala ekudalweni kwezinto kwincwadi yeGenesis luyokutsho kwithemba lekamva elichazwe kwincwadi yeSityhilelo. Ichaza namaxesha eziganeko ezibalulekileyo eziseBhayibhileni. Inayo nemifanekiso emihle kunye nemibuzo ekwenza ucinge nenokwenza abanye abantu babenomdla.
Funda IBhayibhile—Sithini Isigidimi Sayo? kwiwebhsyathi yethu.
Mhlawumbi Ungayithanda Nale
IZIXHOBO ZOKUFUNDA IBHAYIBHILE
Ivesi YeBhayibhile Yosuku
Ukuhlolisisa Izibhalo Imihla Ngemihla iyacana nencwadi yemithandazo efundwa yonke imihla. Ikunika ivesi yeBhayibhie emfutshane yolo suku kunya namagqabaza ngaloo vesi.
IZIXHOBO ZOKUFUNDA IBHAYIBHILE
Incwadi Yokuphanda NgeBhayibhile
I-Insight on the Scriptures ithetha ize icacise imixholo emininzi. Eminye imixholo ithetha ngabantu, iindawo, izityalo, izilwanyana, izinto ezibalulekileyo ezakhe zenzeka nezafobe ezisetyenziswa eBhayibhileni. Ungayidawunlowuda yomibini imiqulu ngePDF. Kwezi PDF kukho iimaphu, iifoto, imizobo ibe kulula ukufumana imixholo neZibhalo.
IZIXHOBO ZOKUFUNDA IBHAYIBHILE
Incwadana Ecacisa Iindawo EziseBhayibhileni
Incwadana ethi “Khawubone Eli Lizwe Lihle” icacisa ngeendawo eziseBhayibhileni isebenzisa iimaphu ezibonisa iindawo ezahlukahlukeneyo ngexesha lokubhalwa kweBhayibhile ingakumbi Ilizwe Lesithembiso.