Isaya 49:1-26
49 Ndimameleni nina ziqithi,Vulani iindlebe nina zintlanga zikude.+
UYehova undibize ndingekazalwa.*+
Ndisesesibelekweni sikamama, uye wandibiza ngegama.
2 Umlomo wam wawenza wanjengekrele elibukhali.Undifihle kwithunzi lesandla sakhe.+
Wandenza ndalutolo olubengezelayo.Wandifihla kwisingxobo sakhe seentolo.
3 Wathi kum: “Sirayeli, ungumkhonzi wam,+Endiza kulubonakalisa ngaye uzuko lwam.”+
4 Kodwa mna ndathi: “Ndibulalekele nje into engekhoyo.
Amandla am ndiwagqibe onke ndisebenzela into engekhoyo.
Kodwa nakanjani nguYehova oza kugqiba,*Nomvuzo wam ukuThixo wam.”+
5 UYehova, Lowo wandibumbela ukuba ngumkhonzi wakhe ndisesesibelekweni,Uthe ndiza kubuyisela uYakobi kuye,Ukuze uSirayeli abizelwe kuye.+
Ndiza kuzukiswa phambi kukaYehova,UThixo wam uza kuba ngamandla am.
6 Kwaye wathi: “Akuphelelanga kule yokuba ube ngumkhonzi wam,Ophakamisa izizwe zakwaYakobi,Nobuyisa amaSirayeli awayekhuselwe.
Ndikwenze nokuba ube kukukhanya kweentlanga,+Ukuze ukusindisa kwam kufikelele nakwezona ndawo zikude emhlabeni.”+
7 Uthi uYehova, uMhlawuleli kaSirayeli, Lowo Ungcwele,+ kulowo wenyanyekayo,+ nakulowo wenyanywa luhlanga, nakwisicaka sabalawuli:
“Ookumkani baza kubona baze baphakame,Neenkosana ziza kuqubuda,Ngenxa kaYehova othembekileyo,+Lowo Ungcwele kaSirayeli, okukhethileyo.”+
8 Uthi uYehova:
“Ngexesha lenceba, ndakuphendula,+Ndakunceda nangemini yosindiso;+Ndaqhubeka ndikukhusela ukuze ube sisivumelwano phakathi kwam naba bantu,+Ukuze kuhlaziywe ilizwe,Balifumane kwakhona ilifa labo elitshabaleleyo,+
9 Ukuze kuthiwe kumabanjwa, ‘Phumani!’+
Nakwabo basebumnyameni+ kuthiwe, ‘Zivezeni!’
Baza kutya emadlelweni angasezindleleni,Amadlelo abo aza kuba ngasezindleleni ezihanjwe kakhulu.
10 Soze balambe, soze banxanwe,+Soze batshe, lingasoze libagqatse nelanga.+
Kuba Lowo unosizi ngabo uza kubakhokela,+Uza kubasa emithonjeni yamanzi.+
11 Zonke iintaba zam ndiza kuzenza zibe yindlela,Noohola bam beendlela ndiza kubenyusa.+
12 Jonga! Aba bantu bavela kude,+Ibe jonga! Aba bantu bavela emntla nasentshona,Yaye aba bavela kwilizwe laseSinim.”+
13 Khwazani nivuya nina mazulu, nawe mhlaba yitsho ngentswahla.+
Iintaba mazivuye ziyiyizele.+
Kuba uYehova ubathuthuzele abantu bakhe,+Ubenzela inceba abantu bakhe abasentlungwini.+
14 Kodwa iZiyon yaqhubeka isithi:
“UYehova undilahlile,+ futhi uYehova undilibele.”+
15 Ngaba umfazi angalulibala usana lwakhe,Okanye angamveli unyana wesibeleko sakhe?
Nokuba bona abo bafazi bangalibala, mna soze ndikulibale.+
16 Jonga! Ndikubhale ezandleni zam.
Iindonga zakho zisoloko ziphambi kwam.
17 Oonyana bakho bakhawuleza babuye.
Abo bakudilizileyo nabakutshabalalisileyo baza kumka kuwe.
18 Phakamisa amehlo akho uze ujonge macala onke.
Bonke bayaqokelelana.+
Beza kuwe.
“Ndiphila nje,” utsho uYehova,“Uza kubanxiba bonke ngokungathi basisihombo,Yaye uza kubaqhinela kuwe njengokuba umtshakazi esenza.
19 Nangona iindawo zakho zazitshatyalalisiwe yaye zomile, nelizwe lakho lingamabhodlo,+Ngoku, ziza kugcwala ngabantu de zixinane,+Nabo babekuqwenga+ baza kuba kude lee.+
20 Oonyana owabazala emva kokuba ufelwe, baza kuthi kuwe usiva,‘Le ndawo ixinene kakhulu ukuba singahlala kuyo.
Sivulele indawo yokuhlala.’+
21 Entliziyweni yakho uza kuthi,‘Ngubani utata waba bantwana bam,Ekubeni ndingumfazi owafelwa ngabantwana, umfazi ongafumani bantwana,Owasiwa ekuthinjweni waza wavalelwa ejele?
Ngubani ondikhulisele aba bantwana?+
Jonga! Mna ndashiywa ndodwa.+Ngoko aba bantwana bavela phi?’”+
22 Ithi iNkosi enguMongami uYehova:
“Jonga! Ndiza kusiphakamisela kwiintlanga isandla sam,Yaye ndiza kuziphakamisela uphawu* izizwana.+
Kwaye ziza kubafunqula* oonyana bakho,Zizixwaye emagxeni iintombi zakho.+
23 OoKumkani baza kukuhoya,+Namakhosazana abe ziimpelesi zakho.
Baza kuqubuda kuwe, ubuso babo bujonge emhlabeni,+Baze bakhothe uthuli olusezinyaweni zakho,+Yaye kuza kufuneka wazi ukuba ndinguYehova;Abo bathembela kum abazukuhlazeka.”+
24 Ngaba abantu abasele bethinjiwe bangathathwa kwindoda enamandla?Bona abathinjwe nguzwilakhe bangasindiswa?
25 Kodwa uthi uYehova:
“Nkqu nabathinjwa bendoda enamandla baza kuthathwa,+Nabo bathinjwe nguzwilakhe baza kusindiswa.+
Ndiza kubachasa abo bakuchasayo,+Yaye ndiza kubasindisa oonyana bakho.
26 Ndiza kubenza batye inyama yabo abo bakuphatha kakubi;Baza kunxila ligazi labo ngokungathi basele iwayini emnandi.
Kuza kufuneka bonke abantu bazi ukuba ndinguYehova,+UMsindisi+ noMhlawuleli wakho,+Lowo Unamandla kaYakobi.”+
Umbhalo osemazantsi
^ Ngokoqobo, “ndisesesibelekweni.”
^ Okanye “uYehova uza kundibuyekeza.”
^ Ngokoqobo, “ziza kubabeka esifubeni.”
^ Okanye “ipali eluphawu.”
