IiNdumiso 26:1-12
EkaDavide.
26 Ndigwebe Yehova, kuba ndihambe ngokungasolekiyo;+Khange ndihexe ekuthembeni uYehova.+
2 Ndigocagoce Yehova, undivavanye;Sulungekisa ezona ngcinga zam zinzulu* nentliziyo yam.+
3 Kuba ndisoloko ndicinga ngothando lwakho olungagungqiyo,Ibe ndihamba enyanisweni yakho.+
4 Andihlali nabantu abangamaxoki,+Ibe ndiyabaphepha abo bazifihlayo into abayiyo.*
5 Ndiyakucaphukela ukuhlala nabantu abangalunganga,+Ibe andivumi ukuba* phakathi kwabenzi-bubi.+
6 Ndiza kuzihlamba ngobumsulwa izandla zam,Ibe ndiza kujikeleza isibingelelo sakho, Yehova,
7 Ukuze ndikubulele ngokuvakalayo+Ndize ndithethe ngayo yonke imisebenzi yakho emangalisayo.
8 Yehova, ndiyayithanda indlu ohlala kuyo,+Indawo olukuyo uzuko lwakho.+
9 Unganditshayeli kunye naboni,+Nobomi bam ungabuthathi kunye nobabantu abakhohlakeleyo,*
10 Abanezandla ezenza izinto eziziintloni,Nabagcwele zizinyobo kwisandla sabo sasekunene.
11 Kodwa mna, ndiza kuhamba ngokungasolekiyo.
Ndisindise* uze undiphathe ngothando.
12 Unyawo lwam lumi kumhlaba othe tyaba;+Ndiza kumdumisa uYehova kwibandla elikhulu.+
Umbhalo osemazantsi
^ Okanye “ezona mvakalelo zam zinzulu.” Ngokoqobo, “izintso zam.”
^ Okanye “bankwalambisayo.”
^ Ngokoqobo, “ukuhlala.”
^ Okanye “abachitha igazi.”
^ Ngokoqobo, “Ndihlangule.”
