Salmu 47:1-9
47 Uburé aꞌuwẽ norĩ, rowẽ te, maꞌãpé asibꞌratap toꞌo zaꞌra waꞌaba!Asõꞌre ꞌrãihâ na, ꞌRe ihâimana uꞌâsi mono ãma aiwata zaꞌra waꞌaba.
2 E marĩ wa. Uburé Danhibꞌapito, danhipai u pese ꞌre hâimana mono wa, wazé pese na.Ta hã apito iwaihuꞌu pe, isiptede te uburé dama iꞌrãnhoꞌõmo na dama ꞌre hâimana, daro mono bâ.
3 ꞌRe ihâimana uꞌâsi mono, ma tô daro mono bâ aꞌuwẽ norĩ hã wanhiptetezé zahâpâ ꞌre hâimana zaꞌra mono da hã, tãma pisutu zaꞌra.Ta hã ma tô wama pisutu zaꞌra, uburé aꞌuwẽ norĩ ma, iꞌrãnhoꞌõmo na ꞌre wahâimana zaꞌra mono da.
4 Ta hã ma tô tiꞌa wama pisutu zaꞌra, iwa ꞌre iwahâimana zaꞌra mono zéb da hã, isibꞌaꞌuwẽ norĩ tãma isawi pe, tiꞌa te te sima ꞌre iꞌmadâꞌâ ze zaꞌra mono hã.
5 ꞌRe ihâimana uꞌâsi mono, tisimasisizéb u ma tô saiꞌu, rowẽ te, ꞌre idahãsi mono siwaprã.Rowẽ te, te danhimnhihârâzém na hã amnhihãsi ni.
6 ꞌRe ihâimana uꞌâsi mono ãma asõꞌre na hã ãma asadawaꞌaꞌa waꞌaba.Wanhibꞌapito ãma asõꞌre na hã ãma aiwata zaꞌra waꞌaba.
7 ꞌRe ihâimana uꞌâsi mono ãma asõꞌre na ãma ꞌre aiwata zaꞌra waꞌaba mono, ta hã daro mono bâ uburé aꞌuwẽ norĩ ma, apito na ꞌre hâimana mono wa.
8 ꞌRe ihâimana uꞌâsi mono, te tisimasisizé iwẽ uptabi iwazéb zahi na ꞌre sãmra.Ta hã te aꞌuwẽ norĩ iꞌrãnhoꞌõmo na hã te te ꞌre aꞌmadâꞌâ.
9 Tiꞌai ãma uburé aꞌuwẽ norĩ ma iꞌrãnhoꞌõmo na ꞌre ihâimana zaꞌra mono hã te Abraꞌãhã te, ꞌRe ihâimana uꞌâsi mono nhibꞌaꞌuwẽ siré ꞌre siꞌrãꞌõtõ, tiꞌai ãma uburé dama iꞌrãnhoꞌõmo norĩ nhiptetezé hã ꞌRe ihâimana uꞌâsi mono ma, ꞌre hâimana mono wa.Ta hã te uburé marĩ nhipai u siptete na hã ꞌre hâimana.
