Salmu 110:1-7
Davihi nhoꞌre
110 Uburé Danhibꞌapito, ma tô ĩnhibꞌapito ma tinha ãne:“Maꞌãpé ĩnhimire niwĩ ĩzababamhã asãmra, aipara zahâpâ asitobꞌru norĩ za te isõrézéb u.”
2 Uburé Danhibꞌapito, te za asiptete na Siã hawi ꞌre idaꞌaꞌmadâꞌâ mono zéb da hã aima ꞌwani, poré daro mono bâ hâimana da.Uburé te za asitobꞌru norĩ nhipai u asiptete na ꞌre aihâimana mo.
3 Nimahã na asitobꞌru norĩ zada aihâimana da, bâdâ pisutu wamhã, te za asibꞌaꞌuwẽ norĩ hã oto aima sihâiꞌré zaꞌra, sihawim na isipisutu zaꞌra norĩ hã.Awẽ wi atébré ꞌre ihâimana mono ne, te za ihâiba tém norĩ hã ẽne iwazéb zahi ãma siwi asõpẽtẽ.
4 Uburé Danhibꞌapito uptabi, tinhimiropisutu na apâ te te ãma isiri waihuꞌu õ na, ma tô mreme pire na ropisutu, ãne:“A hã sasedoti norĩ, dama ꞌre ihâimana zaꞌra mono ne, te za dama ꞌre aihâimana uꞌâsi mo, duréihã Mequizédéqui hã sasedoti na pire na dama ꞌre ihâimana mono zéb zarina.”
5 Uburé Danhibꞌapito te asimire niwĩ asababamhã ꞌre sãmra.Ta hã te za isitiꞌrui watobrozé bâtâ na apito norĩ hã ahâpâ pese.
6 Te za dapoto mono bâ te te dama ꞌre arowairébé, dahâimanazém na te te ꞌre idaꞌawaihuꞌu mono zéb zarina.Duré te za rom na dasiꞌwapéi wa, idadâꞌâ zaꞌra ꞌrãtâ na ro hã te te ãma upsibi. Te za duré uburé dama iꞌrãnhoꞌõmo norĩ hã ahâpâ pese, daro mono bâ ꞌre idahâimana zaꞌra mono.
7 Duré tawamhã bâdâdi na morĩ sina, panhoꞌõmo â te te zâꞌrẽne wamhã, te za ꞌrãiwahudu, te te daꞌãma aiꞌuté wẽ te.
