Salmu 102:1-28
102 Uburé Danhibꞌapito, maꞌãpé ãma aima ĩmremezé hã wapari.Duré ĩzadari sina ĩpawaptobzé te aiwi iwaptẽrẽzé hã maꞌãpé asitẽme âri wẽ na!
2 Maꞌãpé ĩwi aiꞌrã sipiꞌra tõ, te robzépata ré, ĩꞌmadâꞌâ tõ da hã.Maꞌãpé we aiꞌuꞌrata nhiꞌese, te ãma iꞌaiꞌmahârâzé wapari da hã, waptu na we ãma ĩzadaꞌâbâ da hã.
3 ꞌRe ĩhâimana mono zé, te atãma na te te ĩwi sina tiꞌawi, romnhizé atãma na ꞌre isiꞌutõrĩ mono ne.Duré ĩhi norĩ hã te préꞌa ne te te ꞌre ĩhâiba waꞌro pese.
4 Ĩpẽꞌẽ ꞌremhã, duroire ꞌré wa, da te ꞌre sihâri zaꞌra mono wa, dapara na da te oto ꞌre iwatiꞌi zaꞌra mono ne, wa ꞌre ĩhâimana.Tahawa, duré wa ĩsa na ꞌre ĩpoꞌre simrami pese.
5 Ĩwazidi ꞌrãihâ na ꞌre ĩwazidi mono wa, wa ĩhâiba hâi ré si, duré ĩhi ré si nhamra.
6 Wa hã, prorotore rop si ꞌre irosaꞌwari mono ãma ꞌre ihâimana zaꞌra mono ne hã wa ĩhâiba.Duré prorotore, danhorõwa, da te ꞌre irẽme zaꞌra mono wa, oto ãma ꞌre isõrõwa zaꞌra mono ne, wa wa hã ĩhâiba.
7 Ĩnhotõ waihuꞌu õ di.Sire, ꞌri nhisiwi siwaprosi isam ne, wa ꞌre ĩhâimana.
8 Ĩnhitobꞌru norĩ hã te bâtâ bâre ĩꞌãma ꞌre waꞌẽi uꞌâsi zaꞌra.Duré te te ĩꞌãma ꞌre iwasété zaꞌra mono norĩ, te ĩnhisi hã te te siwi ꞌre wabzuri, tô õ norĩ te te ĩma ꞌre robꞌmanharĩ wasété zaꞌra mono da hã.
9 102:9-10 Ĩzada ꞌre iꞌasitiꞌrui mono zarina, te ꞌruꞌa ĩsazém na hã ĩma ꞌre hâimana.Ĩtõmoꞌu hã te duré ꞌre siwazari zahuré, marĩ te ꞌre ihâsi mono me.A hã ĩꞌâri ne, duré asisiti romhâ na ĩme ne, ma tô asiwi ĩwẽꞌõ pe.
10 ꞌMadâꞌâ 102:9
11 ꞌRe ĩhâimana mono zé hã mara da, oto ꞌre irowawã mono ne, te ꞌre hâimana.Duré du ꞌre ꞌré zaꞌra mono wa, ꞌre imre zaꞌra mono ne, wa ꞌre ĩhâimana.
12 Tane nherẽ, a hã Uburé Danhibꞌapito, asimiꞌmadâꞌâzém hawi te õne uꞌâ ꞌre idaꞌaꞌmadâꞌâ mo.Tahawa, te za danhihudu sidâpâsi we ꞌre idapoto zaꞌra mono hã aiꞌãma ꞌre sipoꞌre puꞌu uꞌâsi zaꞌra.
13 Maꞌãpé aiwahutu, Siã* ãma aiwamri da.E marĩ wa. Ãma iꞌaiwamrizé bâdâ wisi wa oto, iꞌuwaibaba uptabi hã.
14 ꞌRi nhoꞌõmo na ꞌrizé ẽtẽ zaꞌra mono, siprum na ꞌre saꞌwari mono nherẽ, asibꞌaꞌuwẽ norĩ ma sawi uꞌâsi zaꞌra di.Te duré ꞌri sipru zaꞌwari ꞌrãihâ na ãma ꞌre siwamri zaꞌẽtẽ uꞌâsi zaꞌra.
15 Dawamri mono bâ ꞌre idahâimana zaꞌra mono hã te za Uburé Danhibꞌapito nhisi hã te te siwi ꞌre wazéb zaꞌra.Duré uburé tiꞌai mono bâ danhibꞌapito norĩ te za isiptetezém na ꞌre ihâimana mono na hã te te siwi ꞌre wazé.
16 Uburé Danhibꞌapito, niwa apâ Siã ꞌri te te wahutu wamhã,te za ta hã waihuꞌu pese na ꞌre ihâimana mono na hã te te dama ꞌre hâiꞌré.
17 Ta hã te za tinhibꞌaꞌuwẽ upari ãna romnhiwasi ꞌre ihâimana zaꞌra mono norĩ mreme hã te te ꞌre awapari.Duré isimirowaptẽrẽ zaꞌra zé, te te tiwi ꞌre iꞌawẽꞌõ mono da hã mare di za.
18 Ãne na da te ãma irobꞌuiꞌéré da si iwẽ hã, wanhihudu norĩUburé Danhibꞌapito te te ꞌre iꞌaꞌmanharĩ mono zé hã te te ꞌre waihuꞌu zaꞌra mono da,duré romhutuꞌõ za ꞌre ipoto zaꞌra mono norĩ, tinhoꞌre na ãma ꞌre wata zaꞌra mono da hã!
19 Uburé Danhibꞌapito, hâimo uptabi ro iwazéb zahi wa, ꞌre isãmra mono zé hâiwa hawi, ma tô tiꞌai u hã we te te ꞌre robꞌmadâꞌâ,
20 da te ꞌre iwaibui mono norĩ wazidi te te ꞌre awapari mono wa, te te ꞌre sani zaꞌra mono da, ꞌre dâꞌâ zaꞌra mono da, sada ꞌre idahâimana zaꞌra mono norĩ hã.
21 102:21-22 Ãne wa, Uburé Danhibꞌapito, Siã ãmamhã te za da te dasima ꞌre wasuꞌu wẽ zaꞌra. Te za duré ãma ꞌre dawata zaꞌra, Zeruzalẽ ãma, dawamri mono bâ aꞌuwẽ danhibꞌapito norĩ me ꞌre siꞌrãꞌõtõ mono wamhã.
22 ꞌMadâꞌâ 102:21
23 Zahadu ĩhâiba tém na ꞌre ĩhâimana mono ré, ĩnhiptetezé hã ma tô ĩwi waze, ꞌRe ihâimana uꞌâsi mono hã.Ma tô duré ꞌre ĩhâimana hutu mono zéb da hã ĩma pisutu.
24 Ĩte ꞌRe ihâimana uꞌâsi mono, õne uꞌâ ꞌre iꞌaihâimana mono, maꞌãpé awaꞌawi na hã aꞌâ ĩꞌâri tõ, ĩsiꞌihi wana ré!
25 Romnaꞌrata hawimhã, tiꞌa norĩ hã hâiwa me ma tô iꞌmanha zahuré, asibꞌrata na.
26 Tiꞌa norĩ hã hâiwa me, za siꞌutõrĩ zahuré nherẽ, a hã te za tane nherẽ, õne uꞌâ ꞌre aihâimana mo.Tiꞌa norĩ hã hâiwa me, daꞌuza ꞌre ihâi wasété zaꞌra mono ne, te za aiꞌutõrĩ zahuré.A hã, daꞌuza na da te ãma ꞌre isaprĩ zaꞌra mono ne, te za ãma isaprĩ zahuré. Tahawa, te za tô oto õ norĩ hã iwabzu.
27 Tane nherẽ, a hã te za tô õhõ uꞌâ ꞌre aihâimana mo, ãma saprĩ ãna ꞌre iꞌaihâimana mono zém na hã.Duré asibâdâ hã siꞌutõrĩ waihuꞌu ãna te za tô ꞌre hâimana uꞌâsi, õne uꞌâ.
28 Asibꞌaꞌuwẽ ꞌra norĩ hã romhutuꞌõmhã te za sima iwẽ na ꞌre hâimana zaꞌra.Duré ta norĩ nhihudu norĩ hã te za õne uꞌâ asimiꞌmadâꞌâzéb ꞌremhã ꞌre hâimana zaꞌra.
Ĩwaꞌõtõ piꞌreba watsuꞌu mono
^ 102:13 Siã hã Zeruzalẽ ꞌri nhoꞌu, te wasuꞌu.
