Ãhã romnhoré ré Ropotoꞌwai mreme na, marĩ ahö na Jeová ãma ma tô ĩwaihu. Uburé ãma ĩwaihuꞌudzé ma tsaꞌẽtẽ atsimidzawidzé õhõ ãma. Ãté a hã, ma tô tãma atsina ĩropitsu duré ma tô aiꞌrãtiꞌi ni. Ãhã dzahadu ꞌmanharĩ õ wamhã, ãté te ĩrotsaꞌra romhutu na ꞌmanharĩ da. Tadzahã, da te aiꞌrãtiꞌi parimhã, ꞌre ĩtsiptete uꞌötsi mono da tsi õne uꞌö atsiwaihuꞌudzé Jeová ãma. E niha bété.

1. E marĩ wa, te dza ꞌre ĩtsiptete uꞌötsi mo atsiwaihuꞌudzé Jeová ãma.

ꞌRe ĩwatsiwatsutu dzaꞌra mono da tsi watsiwaihuꞌudzé Jeová ãma wa te ꞌre tsiptete dzaꞌra mono da. E marĩ wa. ‘Tiwi watsina ꞌre wapahö dzaꞌra mono tõ da’, niwamhã ĩtsiti niwa watsiꞌré dzaꞌra tõ da. (Hebreus 2:1) E marĩ te dza wapawaptob dzaꞌra wanhimirẽme ãna Jeová ma wa te tãma ꞌre romhuri dzaꞌra mono da. Wa dza natsi dama roꞌmahörö uꞌötsi dzaꞌra ni duré wa dza watsiwatsutu dzaꞌra ni Jeová ma wa te danhipai u romhuri dzaꞌra da. (Tsõré na Filipenses 3:16.) Jeová ma romhuri hã marĩ danhipai u ĩwẽ wa te ꞌmanharĩ dzaꞌra da wahöimanadzém na. — Salmo 84:10 TNM.

2. E marĩ duré te dza ĩꞌmanharĩ uꞌötsi mo.

Ãhã romnhoré Ropotoꞌwai mreme na oto ꞌrãtsutu nherẽ, aihöimanadzé Jeová ma romhuriꞌwa na ma tô tinhanaꞌrata nimotsi tsi. Ropotoꞌwai mreme te tinha ‘wahöimanadzép tém na tsi ꞌre wahöimana dzaꞌra mono da’, niwamhã Jeová höimanadzé wa te ꞌre tsidzutsi dzaꞌra mono da. (Efésios 4:23, 24) Taha da, Ropotoꞌwai mreme na wa dza wa te ꞌre romnhoré uꞌötsi dzaꞌra duré datsiꞌrãꞌõtõ norĩ wa dza wa te ꞌre ꞌmadöꞌö uꞌötsi dzaꞌra. Jeová ãma duré ĩhöimanadzéb ãma wa te ꞌre waihuꞌu dzaꞌra mono wamhã, duré wahöimanadzém na wa te ãma tsaprĩ dzaꞌra wamhã, wa dza rowẽ dzaꞌra ni Wamama pẽꞌẽ ma, Jeová pẽꞌẽ ma.

3. E niha Jeová te dza aipawapto ĩtẽme atsina rotété mono da ĩtsiwaihuꞌu na.

Ropotoꞌwai mreme te tinha: ‘ꞌRe ĩhöimana uꞌötsi mono hã te dza atsõré waꞌwa atsiptete na. Te dza aipawaptob dzaꞌra waꞌwa. Te dza duré ꞌmanha atsiptete na aihöimana dzaꞌra waꞌaba da hã.’ (1 Pedro 5:10) Wapibudzé hã te wama ꞌre höimana dzaꞌra ĩwatsédé wa te ꞌmanharĩ dzaꞌra da. Tadzahã, Jeová te dza wanhiptete dzaꞌra wanhimirẽme ãna tãma ꞌre wanomro mono da. (Salmo 139:23, 24 TNM) Jeová te dza aipawapto atsima wẽ mono da atsimirẽme ãna tãma romhuri da duré atsiptetedzé te dza aima titsõ ãhã atsina uwaimrami da. — Tsõré na Filipenses 2:13.

 WAIHUꞌU DURÉ

4. Natsi robdzanhamri uꞌötsi mono atsiwaihu danhipai u ĩwẽ ma

Rowaptẽrẽ duré Ropotoꞌwai mreme na romnhoré, ma aipawaptob dzahuré Jeová ãma atsiwaihuꞌu da. E niha ãhã marĩ norĩ te dza aipawaptob dzahuré danhipai u ĩtẽme atsina rotété da.

Atsiré tsõré aba Filipenses 4:6. Taha parimhã atsima robdzanhamri aba ãhã dadzadanharĩ ãma piꞌrebamhã:

• Atsiwaihuꞌudzé Jeová ãma tsiptete da, e marĩ te dza ãma ĩtsaprĩ atsimirowaptẽrẽ na.

Atsiré tsõré aba Salmo 1:2. Taha parimhã atsima robdzanhamri aba ãhã dadzadanharĩ ãma piꞌrebamhã:

• Atsiwaihuꞌudzé Jeová ãma tsiptete da, e marĩ te dza ĩꞌmanha waihuꞌu petse da Ropotoꞌwai mreme tsõré wamhã.

E marĩ te dza ĩꞌmanha waihuꞌu petse da duré Ropotoꞌwai mreme na atsima romnhoré wamhã. Rotsaꞌrada waihuꞌu aba da, ꞌmadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:

• E mahã roti ĩropoto na te dza ĩtsadawa dzama.

• E marĩ na te atsima ĩwẽ romnhoré da.

 ĨWAIHUꞌUDZÉ HÃ

Atsiwaihuꞌudzé Jeová ãma ꞌre tsiptete uꞌötsi mono duré pitsutu atsina ĩꞌuwaimramidzéb da hã tãma romhuri na hã. Ãne, rowẽ tsina te dza ꞌre aihöimana uꞌötsi mo!

Ãma aipoꞌre puꞌu

• E marĩ wa, te dza ĩꞌumnha Jeová dza te te ĩꞌaipawaptom na hã atsimirẽme ãna tãma romhuri da.

• E niha te dza ĩtsipte atsiwaihuꞌudzé Jeová ãma.

• E marĩ wa, te dza danhipai u atsina ĩroté Jeová tẽme pitsutu wamhã atsina ĩꞌuwaimramidzéb da hã tãma romhuri na.