ROMNHORÉ 25
E marĩ da Ropotoꞌwa ma tô wapoto dzaꞌra.
Ropotoꞌwai mreme te tinha dahöimanadzé ‘ĩꞌrutu na duré ĩpire na’. (Gênesis 47:9) E ãne Ropotoꞌwa te tsima wẽ ꞌre wahöimana dzaꞌra mono da. E marĩ da Ropotoꞌwa ma tô daꞌapoto. E nimahã bötö na te te tsima ĩwẽdzé te dza ãma uwaimra. Te dza atsima ĩrowẽ Ropotoꞌwai mreme te te ĩtsadaꞌöbödzém na hã.
1. E niha Jeová te tsima wẽ ꞌre wahöimana dzaꞌra mono da.
Jeová te tsima wẽ rowẽ na tsi ꞌre wahöimana dzaꞌra mono da. Tiꞌa te te poto wamhã, ma tô titsẽ aibö duré piꞌõ ĩmorĩꞌrata norĩ, Adão duré Eva, Ro ĩwẽ uptabi ꞌremhã Éden na ĩtsitsi. Taha parimhã, ĩwẽ hã te te tãma pitsutu dzahuré tsina te duré ãne tãma nharĩ dzahuré: ‘Te dza atébré aba mo, atsina aihöꞌö aba da hã. Uburé te dza duré tiꞌa hã atsina ĩtsito waꞌwa, atsiptete na atsiwi ꞌre ꞌmadöꞌö aba mono da hã.’ (Gênesis 1:28) Jeová ma tô tsima wẽ ꞌra dzahuré da, Tiꞌai wahuré Ro ĩwẽ na hã te te ꞌmanharĩ dzahuré da, duré abadze norĩ te te ꞌmadöꞌö dzahuré da. Õ hã ma tô tsima wẽ dahödzé ãna, õne uꞌö ꞌre dahöimana dzaꞌra mono da.
ꞌRe romhöimana mono õ nherẽ Ropotoꞌwa te te tsima ĩwẽdzéb dzarina, ĩtsimirotsaꞌrada hã tsitsaprĩ õ di. a (Tito 1:2) Ropotoꞌwa dzahadu te tsima dawẽ ꞌre ĩdapoꞌre petse dzaꞌra mono norĩ rowẽ na tsi ꞌre dahöimana uꞌötsi dzaꞌra mono da. — Tsõré na Apocalipse 21:3, 4.
2. E niha rowẽ na wa dza oto ꞌre wahöimana dzaꞌra ãhãna.
Jeová ma tô wapoto dzaꞌra ‘ꞌĩmreme ĩtsadawa hawi ꞌre ĩwairébé mono na tsi ꞌre wahöimana dzaꞌra mono da’. Taha wa, wa watsima wẽ dzaꞌra ni wa te ãma waihuꞌu dzaꞌra da duré ãma wawata dzaꞌra da. (Tsõré na Mateus 4:4; 5:4-6.) Õ hã te tsima wẽ ãma watsiwaihuꞌu uptabi dzaꞌra da ‘wa te ꞌre tsawi petse dzaꞌra mono da’ duré wa te tãma ꞌre romhuri dzaꞌra mono da ‘uburé wapẽꞌẽ na’ (Mateus 22:37; Provérbios 3:32) Ãne wa te ꞌre ꞌmanharĩ dzaꞌra mono wamhã, wama ꞌre rowẽ dzaꞌra mono di, ropire nherẽ. E marĩ wa. Jeová te te wapoto dzaꞌra wa, ãma wawata dzaꞌra da.
WAIHUꞌU DURÉ
Te dza ĩwaihu Jeová nhimidzawi dzaꞌẽtẽ dzé Tiꞌa te te wama ĩꞌmanharĩ dzaꞌra dzém na hã duré e marĩ da ma tô daꞌapoto ĩmreme te te ĩnharĩdzéb dzarina.
3. Jeová te tsima wẽ rowẽ na tsi ꞌre dahöimana dzaꞌra mono da
ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ da Ropotoꞌwa ma tô poto Tiꞌa ĩwẽ uptabi.
Ropotoꞌwai mreme te tinha Jeová “datsiꞌutõrĩꞌõ dapẽꞌẽ ꞌre te te ĩtsẽrẽ na hã”. (Eclesiastes 3:11 TNM) Atsima robdzanhamri aba ãhã dadzadanharĩ ãma piꞌrebamhã:
-
E marĩ Jeová ma tô titsẽ wapẽꞌẽ ꞌremhã. Taha dzarina, e marĩ te tsima wẽ wama dzaꞌra.
4. Jeová nhimirotsaꞌrada waꞌãma tsitsaprĩ õ di
Atsiré tsõré aba Provérbios 2:21, 22 duré Hebreus 6:17. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E niha wama waihuꞌu petse dzaꞌra di Jeová nhimirotsaꞌrada waꞌãma ĩtsitsaprĩ õ na hã.
Tsada hã ꞌri da te ĩwamnarĩ, da te ĩpetse da hã apö. Ãne duré, te da te ꞌre wamnarĩ dzaꞌra Tiꞌa hã. Tadzahã, Jeová te dza apö petse Tiꞌa hã tidzawiꞌwa norĩ ma hã.
5. Jeová ãma wawata dzaꞌra wamhã wa ꞌre wahöimana dze dzaꞌra
Wa te tsadaihuꞌu dzaꞌra wamhã e marĩ da Jeová ma tô waꞌapoto dzaꞌra, tahã te wama rowẽ dzani dzaꞌra. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E niha Terumi höimanadzé ma tô tsitsaprĩ te te waihuꞌu parimhã e marĩ da dahöimanadzé.
Atsiré tsõré aba 1 João 5:3. Taha parimhã atsima robdzanhamri aba ãhã dadzadanharĩ ãma piꞌrebamhã:
-
Jeová marĩ ahö na te te wama ĩꞌmanharĩ dzaꞌra dzém na hã, e marĩ, wa te atsa tãma ĩꞌmanharĩ dzaꞌra da tsi.
NIꞌWA TE TE ATSADANHARĨ WAMHÃ BÉTÉ: “E marĩ da wa wahöimana dzaꞌra ni.”
-
E niha te dza ĩtsadaꞌö.
ĨWAIHUꞌUDZÉ HÃ
Jeová te tsima wẽ rowẽ na tsi ꞌre wahöimana uꞌötsi dzaꞌra mono da. Wapẽꞌẽ na ãma wawata dzaꞌra wamhã, wa oto ꞌre wahöimana dze dzaꞌra ãhãna.
Ãma aipoꞌre puꞌu
-
E niha Jeová ma tô tsima wẽ Adão duré Eva ꞌre höimana dzahuré mono da.
-
E niha wama waihuꞌu petse dzaꞌra di Ropotoꞌwa nhimirotsaꞌrada daꞌãma ĩtsitsaprĩ õ na hã.
-
E marĩ te dza aipawapto ꞌre aihöimana dze mono da.
TSÔ AIRĨTĨ DURÉ
ꞌMadöꞌö e marĩ dzarina wama waihuꞌu petse dzaꞌra di Ro ĩwẽ Éden duréihã tô tsena ꞌre ĩhöimana mono na.
“Ro ĩwẽ Éden — E tô tsena ma tô ꞌre höimana.” (Roꞌmadöꞌöꞌwa, 1.º janeiro na, 2011 na)
Uptsibi me na e marĩ wa, wa tsadze dzaꞌra ni Tiꞌa õne uꞌö dza ꞌre ĩhöimana mono na hã.
ꞌMadöꞌö Ropotoꞌwai mreme dzarina e marĩ da ma tô waꞌapoto dzaꞌra ni.
Aibö John na ĩtsitsi te aré tsina rotsaꞌrata tihöimanadzé oto ĩwẽ uptabi na hã. ꞌMadöꞌö e niha ma tô tsina waihuꞌu marĩ dzô tiwi ĩrowaptöꞌö na hã.
a Romnhoré ĩhöiba amo na hã wa dza waihuꞌu dzaꞌra ni, e marĩ wa dahöimanadzé pire di ã bötö na hã.
