FEHUʼI 2
ʼE Tou Lava Iloʼi Feafeaʼi Te ʼAtua?
“ ʼE tonu anai ke ke palalau tuʼumaʼu ki te ʼu meʼa ʼae ʼe tuʼu ʼi te tohi ʼaia ʼo te Lao, pea ʼe tonu anai ke ke lau leʼo veliveli ʼi te ʼaho mo te po, ke feala ai hau mulimuli fakalelei ki te ʼu meʼa fuli ʼae ʼe tuʼu ʼi ai. Kapau ʼe ke fai te faʼahi ʼaia, ʼe fua lelei anai ki tou maʼuli pea ʼe ke maʼu anai te poto ʼi te ʼu meʼa fuli ʼae ka ke fai.”
“Neʼe hoko atu tanatou lau leʼo lahi ia te tohi, te Lao ʼa te ʼAtua moʼoni, ʼo natou fakamahino fakalelei pea mo fakaha tona fakaʼuhiga, ke tokoni ai ki te hahaʼi ke natou mahino ki te meʼa ʼae neʼe lau.”
“Manuʼia te tagata ʼae ʼe mole mulimuli ki te tokoni ʼa te kau agakovi . . . Kae ʼe fiafia ia ʼi te lao ʼa Sehova, pea ʼe ina lau leʼo veliveli Tana lao ʼi te ʼaho mo te po. . . . Ko meʼa fuli ʼae ka ina fai ʼe lava lelei anai.”
“Neʼe lele ia Filipo ia tafa ʼo te saliote, pea neʼe logo ki tana lau leʼo lahi ia te tohi ʼa te polofeta ko Esaia. Neʼe ina fehuʼi ki ai: ‘ ʼE ke mahino koa ki te meʼa ʼae ʼe ke lau?’ Neʼe ina tali age: ‘Ke au mahino feafeaʼi la mo kapau ʼe mole he tahi ʼe ina akoʼi au?ʼ ”
“Logo la ko te ʼAtua ʼe fakapulipuli, kae ʼe ha lelei ʼona kalitate talu mai te fakatupu ʼo te malamanei, he ʼe feala ke tou mahino ki ai ʼi te ʼu meʼa ʼae neʼe ina fai, ʼo feia mo tona mafimafi heʼe gata pea mo tona ʼUhiga ʼAtua. Koia ʼe mole hanatou takuʼaki ke mole natou tui ai ki te ʼAtua.”
“Ke ke fakakaukauʼi lelei te ʼu meʼa ʼaia, ke ke tokaga tafito ki ai, ke sisio lelei ai te hahaʼi fuli ki tau lakalaka ki muʼa.”
“Tou fetokagaʼaki ke tou feugaʼaki ki te ʼofa pea mo te ʼu gaue lelei, ʼo mole tou liʼaki ʼatatou fono.”
“Koia kapau ʼe ʼi ai he tahi ia koutou ʼe ʼaoga ki ai te poto, ke ina haga kole ki te ʼAtua, pea ʼe foaki age anai ki ai, koteʼuhi ʼe foaki lahi e te ʼAtua ki te hahaʼi fuli ʼaki tona loto katoa pea ʼe mole ina fai he valoki.”