Ko Sehova ʼe ko te ʼAtua ʼo te fakatokatoka. (1 Kolonito 14:33) Koia ʼae ʼe fakatuʼutuʼu lelei ai tana kautahi. ʼE fakatuʼutuʼu feafeaʼi te kokelekasio? Pea ʼe tahi tokoni feafeaʼi ʼana kaugana ki te maʼuli lelei ʼa te kautahi?

1. Ko ai te pule ʼo te kokelekasio?

“Ko Kilisito ʼe ko te pule ʼo te kokelekasio.” (Efeso 5:23) ʼE ina takitaki mai te lagi te ʼu gaue ʼa te ʼu kaugana ʼa Sehova ʼi te malamanei katoa. Neʼe fakanofo e Sesu “te tagata faifekau agatonu mo poto.” Ko he kiʼi kutuga ʼe faʼufaʼu e he kau tagata ʼafeā kua fakapotopto pea ʼe toe fakahigoaʼi ko te “Kolesi Pule.” (Lau ia Mateo 24:45-47.) ʼI te ʼuluaki sekulo, neʼe foaki e te kau apositolo mo te kau tagata ʼafeā ʼo Selusalemi he ʼu fakatotonu ki te ʼu kokelekasio. Pea ʼe toe fai feia pe ia te Kolesi Pule ki te ʼu kokelekasio fuli ʼi te malamanei katoa. (Gaue 15:2) Kae ʼe mole fakaʼuhiga leva ʼe puleʼi e te ʼu tagata ʼaia ia te kautahi. ʼE natou tuku ke takitaki natou e Sehova mo tana Folafola, pea ʼe natou fakalogo ki te pule ʼa Sesu.

2. Ko ai te kau tagata ʼafeā? Kotea tanatou gaue?

Ko te kau tagata ʼafeā ʼe ko he ʼu tehina kua fakapotopoto. ʼE natou faiakonaki, mo tokoni pea mo fakalotomalohiʼi te ʼu tehina mo tuagaʼane. ʼE natou fai te ʼu faʼahi fuli ʼaia ʼo fakatafito pe ki te Tohi-Tapu. Pea ʼe mole totogi te ʼu tehina ʼaia. Kae ʼe natou tauhi te kokelekasio “ʼaki he lotolelei ia muʼa ʼo te ʼAtua, ʼo mole ʼaki he lotomanumanū ki te paʼaga kaʼe ʼaki he faʼafai.” (1 Petelo 5:1, 2) ʼE tokoni ki ai he ʼu tagata faifekau fakaminisitelio, ʼae ʼe feala ki ʼamuli ke natou liliu ko ni tagata ʼafeā.

ʼE fakanofo ʼihi tagata ʼafeā e te Kolesi Pule ke natou liliu ko ni taupau ʼo te siliko. ʼE natou ʼaʼahi te ʼu kokelekasio kehekehe moʼo fakalotomalohiʼi natou pea mo foaki ni fakatotonu. Pea ʼe natou fakanofo he ʼu tagata ʼafeā mo he ʼu tagata faifekau fakaminisitelio ʼo mulimuli ki te ʼu fakamaʼua ʼe tuʼu ʼi te Tohi-Tapu.—1 Timoteo 3:1-10, 12; Tito 1:5-9.

3. Kotea te gaue ʼe fai e te ʼu kaugana fuli ʼa te ʼAtua?

‘ʼE vikiʼi e te ʼu tehina mo tuagaʼane fuli te huafa ʼo Sehova.’ ʼO feafeaʼi? ʼAki tanatou kau ki te ʼu fono pea mo te gaue faifakamafola.—Lau ia Pesalemo 148:12, 13.

 TA FAKALOLOTO

4. ʼE lototokaga ia Sesu

ʼE fai mai e Sesu he ʼu palalau fakalotofimalie. Lau ia Mateo 11:28-30 pea fai te ʼu fehuʼi ʼaeni:

• ʼE feafeaʼi te faʼahiga pule ʼa Sesu? Kotea ʼe ina loto ke ke maʼu?

5. ʼE tuku e te kau tagata ʼafeā he faʼifaʼitaki lelei

1. ʼE maʼu e te kau tagata ʼafeā ni felogoi lelei mo Sehova pea ʼe tokaga ke toe feia mo tona kiʼi famili

2. ʼE tokaga te kau tagata ʼafeā ki te ʼu tehina mo tuagaʼane fuli

3.   ʼE faifakamafola tuʼumaʼu te kau tagata ʼafeā

4. ʼE faiakonaki te kau tagata ʼafeā kae ʼe natou toe kau ki te fakamaʼa ʼo te Fale Fono pea mo ʼihi atu gaue

6. Tou lagolago ki te kau tagata ʼafeā

ʼE fakamahino ʼi te Tohi-Tapu pe koʼe ʼe tonu ke tou lagolago ki te ʼu tonu ʼe toʼo e te kau tagata ʼafeā. Lau ia Hepeleo 13:17 pea fai te ʼu fehuʼi ʼaeni:

• ʼE ui ʼi te Tohi-Tapu ke tou fakalogo mo talagafua ki te kau tagata afeā. ʼE ke manatu koa ʼe fakapotopoto te faʼahi ʼaia? Kotea tona tupuʼaga?

Lau ia Luka 16:10 pea fai te fehuʼi ʼaeni:

• He koʼe ʼe maʼuhiga ke tou fetokoniʼaki mo te kau tagata ʼafeā?

 MANATU TAFITO

Ko Sesu ʼe ko te pule ʼo te kokelekasio. ʼE fakalogo te kau tagata ʼafeā ki tana pule. Pea ʼe tou fiafia ʼi te lagolago kia natou he ʼe natou fakalotomalohiʼi tatou pea mo tuku mai he faʼifaʼitaki lelei.

Fehuʼi Fakamanatu

• Ko ai te pule ʼo te kokelekasio?

• Kotea te gaue ʼe fai e te kau tagata ʼafeā?

• Kotea te gaue ʼe fai e te ʼu kaugana fuli ʼa Sehova?