TE TULE LE’O No 1 2018 | ʼE Kei ʼAoga Koa Te Tohi-Tapu Ki Totatou Temi?
ʼE KEI ʼAOGA KOA TE TOHI-TAPU KI TOTATOU TEMI?
Kua lahi te ʼu fealagia ʼe tou maʼu ʼi te temi nei, ʼi te kua haʼele ki muʼa ʼo te maʼuli. Koia, ʼe kei ʼaoga pe koa te Tohi-Tapu peʼe kailoa? ʼE ui fenei ʼi te Tohi-Tapu:
“Ko meʼa fuli ʼae ʼe tohi ʼi te ʼu Tohi Taputapu ʼe haʼu ia mai te ʼAtua. ʼE ʼaoga.”—2 Timoteo 3:16.
ʼI Te Tule Leʼo ʼaeni, ʼe vakaʼi ai pe ʼe feala koa ke tokoni mai te Tohi-Tapu ki te takitaki ʼo totatou maʼuli.
ʼE Kei ʼAoga Koa Te Takitaki ʼa Te Tohi-Tapu Ki Totatou Temi?
ʼAki te ʼu fakamahino foʼou ʼaia kua maʼu, he koʼe ʼe tou toe fakaʼaogaʼi te Tohi-Tapu, kae kua ʼosi ki ai teitei taʼu ʼe 2000 ki tona tohi?
Te ʼu Akonaki Fakatohi-tapu—Ko He ʼu Tokoni Ki Te ʼu Temi Fuli
Ki te iloilo foʼou ʼo te temi ʼaeni, ko te Tohi-Tapu ʼe mole kei ʼaoga ki totatou temi. Kae, ko te ʼu akonaki Fakatohi-tapu ʼe fakatafito ki he ʼu pelesepeto ʼe ʼaoga ki te ʼu temi fuli.
Kua ʼAfeā Koa Peʼe Fakatomuʼa ʼi Tona Temi?
Ko te Tohi-Tapu ʼe mole ko he tohi fakasienesia kae ʼe feala ke tou ʼofolele ʼi te ʼu manatu ʼae ʼe tuʼu ai ʼo ʼuhiga mo te sienesia.
1 ʼE Tokoni Atu Ke Ke Tekeʼi Te ʼu Fihifihia
Tou vakaʼi pe neʼe tokoni feafeaʼi te poto ʼo te ʼAtua ki te hahaʼi ke natou tekeʼi te ʼu faigataʼaʼia ʼo te maʼuli.
2 ʼE Tokoni Atu Ke Ke Fakatokatoka Te ʼu Fihifihia
ʼE foaki te Tohi-Tapu he poto ke ke lava fakatokatoka te ʼu faigataʼaʼia ohage ko te hoha fau, te tuku ki he tahi age temi te fai ʼo he meʼa pea mo te nofo tokotahi.
3 ʼE Tokoni Atu Ke Ke Katakiʼi ʼOu Mamahi
ʼE ʼi ai te ʼu faigataʼaʼia ʼe mole feala ke tou hao mai ai, ohage ko he mahaki kovi peʼe ko te mate?
Te Tohi-Tapu Mo Tou Ka Haʼu
ʼE feala ke tokoni mai te Folafola ʼa te ʼAtua ke tou tauʼi te ʼu faigataʼaʼia ʼo te ʼaho fuli ʼi te malama ʼaeni. Kae ʼe mole gata ai pe. ʼE tou toe maʼu ai he ʼamanaki taulekaleka ki te ka haʼu.
Kotea Tau Manatu?
Tou vakaʼi te manatu ʼo ʼihi hahaʼi pea mo te manatu ʼo te Tohi-Tapu ʼo ʼuhiga mo te fehuʼi ʼaia.
