Ke Malohi ʼOu Nima
“Aua naa fakagaegae ou nima!”—SOFONI 3:16.
KATIKO: 81, 32
1, 2. (a) Ko te ʼu fihifihia fea ʼae ʼe tau mo te tokolahi ia ʼaho nei? Kotea ʼona nunuʼa? (b) Kotea te ʼamanaki moʼoni ʼae ʼe tou maʼu ia Esaia 41:10, 13?
KO TE tuagaʼane ʼe pionie katoa pea ʼe ʼohoana mo te tagata ʼafeā ʼe ina ui fenei: “Logo la ʼe au fai ia meʼa fuli ke au malohi ʼi te faʼahi fakalaumalie, kaʼe talu mai ni taʼu, ʼe kei au lotohoha pe. ʼE mole au mamoe, pea ʼe ʼi ai ʼona nunuʼa kovi ki toku malolō fakasino mo ʼaku felogoʼi ʼae mo ʼihi. Pea ʼi ʼihi temi, ʼe mole kei au lavaʼi te hoko atu ʼo ʼaku faiga.”
2 ʼE ke mahino koa ki te ʼu meʼa ʼae ʼe logoʼi e te tuagaʼane ʼaeni? ʼE tou maʼuʼuli nei ʼi te malama agakovi ʼa Satana, koia ʼae ʼe tou felaveʼi ai mo ni aluʼaga fakalotomamahi. Pea ohage pe ko he foʼi tau ʼo he vaka ʼe ina taʼofi te vaka naʼa tafea, ʼe toe feia pe mo te lotohoha, ʼe feala ke tou taʼomia peʼe ke tou lotovaivai ai. (Taaga Lea 12:25) Kaʼe kotea ʼae ʼe feala ke ke lotohoha ai? Lagi ʼe ke lotomamahi ʼuhi ko te mate ʼa he tahi ʼe ke ʼofa ai, peʼe ke tau mo he mahaki ʼe kovi peʼe ko te fakataga. Peʼe ke faiga ke ke taupau tou kiʼi famili kaʼe ʼe faigataʼa te maʼuli fakaekonomika. ʼAki te temi, ʼe feala ke tou lotohoha ai pea mo puli ai totatou fiafia. Falala koe ki te ʼAtua koteʼuhi ʼe fia tokoni atu kia koe.—Lau ia Esaia 41:10, 13.
3, 4. (a) ʼE fakaʼaogaʼi feafeaʼi te kupu “nima” ʼi te Tohi-Tapu? (b) Kotea ʼae ʼe feala ke tautau ai ʼotatou nima?
1 Samuele 23:16; Esetalasi 1:6) ʼE toe maʼu foki e te kilisitiano ʼaia he ʼu manatu ʼe lelei pea mo he ʼamanaki ki te ka haʼu.
3 ʼE tau fakaʼaogaʼi ʼi te Tohi-Tapu te ʼu koga kehekehe ʼo te sino moʼo fakamatala he ʼu kalitate peʼe ko he ʼu gaue ʼa he tahi. Ohage la, ʼe tuʼa lahi te talanoa ʼi te Tohi-Tapu ki te nima. Ka tou lau ʼi te Tohi-Tapu ʼe fakamalohiʼi te ʼu nima ʼo he tahi, ko tona fakaʼuhiga, ʼe ʼekenaki ai he tahi ke lotomalohi, pea kua malohi age mo tokalelei ke ina fakahoko he gaue. (4 ʼI ʼihi temi, ʼi te Tohi-Tapu ʼe talanoa ai ki he tahi ʼe tautau ʼona nima. ʼE fakaʼuhiga ki he tahi ʼe lotovaivai peʼe ki he tahi ʼe mole kei ʼi ai hana ʼamanaki. (2 Koloniko 15:7; Hepeleo 12:12) Kapau ʼe ke lotohoha peʼe ke ogosia peʼe ke manatu ʼe mole kei malohi ʼau felogoʼi mo Sehova, ʼe feala pe ke ke lotovaivai ai. Kaʼe kofea ʼae ʼe feala ke ke maʼu ai he fakalotomalohi? Kotea ʼae ʼe feala ke ina uga mo fakamalohiʼi koe ke ke maʼu ai te faʼa kataki mo te fiafia?
ʼE MOLE NOUNOU TE NIMA ʼO SEHOVA KE INA HAOFAKI
5. (a) Kotea ʼae ʼe feala ke tou logoʼi moka tou tau mo he ʼu fihifihia? Kaʼe kotea ʼae ʼe tonu ke tou manatuʼi? (2) Kotea ʼae ka tou talanoa anai ki ai?
5 Lau ia Sofoni 3:16, 17. ʼE mole tonu ke tou matataku mo lotovaivai, peʼe ke tautau ʼotatou nima moka tou tau mo he ʼu fihifihia. Ko tatatou Tamai ʼofa, ia Sehova, ʼe ina fakaafe tatou ke tou tuku age kia te ia totatou lotohoha katoa. (1 Petelo 5:7) ʼE tokaga Sehova kia tatou ohage pe ko tana tokaga ki te puleʼaga ʼo Iselaele ʼi muʼa atu. He neʼe ina ui age kia natou ‘ ʼe mole nounou tona nima ke ina haofaki natou.’ ʼE fia tokoni tuʼumaʼu ki ʼana kaugana agatonu. (Esaia 59:1) ʼI te alatike ʼaeni, ʼe tou talanoa ai anai ki te ʼu faʼifaʼitaki Fakatohi-tapu fakaofoofo ʼe tolu. ʼE tou sisio ai anai, ko Sehova ʼe loto pea ʼe ina lava foaki ki tana hahaʼi te malohi ke natou fai ia tona finegalo, logo la te ʼu ʼahiʼahi fakamataku ʼae ʼe natou tauʼi. Tou vakaʼi pe ʼe fakamalohiʼi feafeaʼi anai koe ʼaki te ʼu faʼifaʼitaki ʼaia.
6, 7. Kotea te ako ʼe tou taʼofi mai te malo ʼa te kau Iselaele ʼi te kau Amaleke?
6 ʼI te hili pe ʼo te fakaʼateaina ʼo te kau Iselaele mai tonatou maʼuli popula ʼi Esipito, neʼe ʼohofi natou e te kau Amaleke. Neʼe fakatotonu e Moisese ki te tagata lototoʼa ko Sosue, ke ina takitaki te kau Iselaele ʼi te tau. Neʼe ʼave leva e Moisese ia Alone mo Ulu ki te kiʼi moʼuga ʼe tuʼu ovi mai. Pea neʼe feala ke natou sisio mai ai ki te tau. Kaʼe neʼe feholaki koa te ʼu tagata ʼaia ʼe toko tolu mai te tau he neʼe natou matataku? Kailoa ia.
7 Neʼe mulimuli ia Moisese ki he fakatuʼutuʼu neʼe tokoni ki te kau Iselaele ke natou malo ai ʼi te kau Amaleke. Neʼe nofo mo te tokotoko ʼo te ʼAtua moʼoni pea neʼe ina hiki ake ʼi ʼona nima ki ʼoluga. ʼI te temi ʼae neʼe fai ai e Moisese te faʼahi ʼaia, neʼe foaki age e Sehova te malo ki te kau Iselaele. Kaʼe ʼi te vaivai leva ʼo ʼona nima pea mo hifo mamalie ki lalo, neʼe kamata malo ai ia te kau Amaleke. Pea neʼe foimo tokoni atu aipe ia Alone mo Ulu kia Moisese. “Neʼe nā toʼo leva he foʼi maka, ʼo fakaheka ki ai ia Moisese. Pea neʼe nā tekeni leva te ʼu nima ʼo Moisese Ekesote 17:8-13, MN.
ko Alone i te tahi faʼahi, kaʼe ko Ulu ʼi te tahi faʼahi, pea neʼe tuʼu fefeka ai leva te ʼu nima ʼo Moisese ʼo kaku ki te to ʼo te laʼa.” Koia, ʼaki te nima malohi ʼo te ʼAtua, neʼe malo ai te kau Iselaele.—8. (a) Kotea ʼae neʼe fai e Asa ʼi te ʼamanaki ʼohofi ʼo Suta e te kau Etiopea? (b) ʼE feafeaʼi hatatou faʼifaʼitakiʼi ia Asa?
8 Neʼe toe fia tokoni foki ia Sehova ki tana hahaʼi ʼi te temi ʼo te Hau ko Asa, ʼaki tona nima mafimafi. ʼE talanoa ʼi te Tohi-Tapu ki he ʼu foʼi kautau kehekehe, kaʼe neʼe lahi tokotahi pe te foʼi kautau ʼae ʼa te tagata Etiopea ko Selake. Neʼe ko te toko tahi miliona ʼana tagata solia. Pea neʼe tuʼa lua age te kaugā malie ʼo te kautau Etiopea ʼi te kautau ʼae ʼa Asa. Kaʼe neʼe lotohoha koa ia Asa mo mataku pea mo lotovaivai? Neʼe vaivai ai koa ʼona nima? Kailoa ia. ʼI te temi pe ʼaia, neʼe kole e Asa kia Sehova ke tokoni age. ʼE mahino ia, ʼi te sio fakatagata, neʼe mole feala ke malo he tahi ʼi te foʼi kautau Etiopea. “Kae ki te Atua e feala te mea fuli.” (Mateo 19:26) Neʼe fakaʼaogaʼi e te ʼAtua ia tona malohi pea neʼe malo ai ia Asa ʼi te kau Etiopea. Pea ko Asa neʼe ‘katoa tona loto kia Sehova ʼi tona temi maʼuli.’—2 Koloniko 14:7-12; 1 Hau 15:14.
9. (a) Kotea ʼae neʼe mole taʼofi ai e Neemia tana toe laga te ʼu kaupa ʼo Selusalemi? (b) Neʼe tali feafeaʼi e te ʼAtua ki te faikole ʼa Neemia?
9 Kotea ʼae neʼe maʼu atu e Neemia ʼi te temi ʼae neʼe alu ai ki Selusalemi? Ko te ʼu fili matapule neʼe natou lolotoga fakamatakuʼi te kau Sutea. Pea koia ʼae neʼe gata ai te laga ʼo te ʼu kaupa ʼo Selusalemi. Neʼe mole he puipuiʼaga ʼo te kolo, pea neʼe lotovaivai ai te kau Sutea. Kaʼe neʼe kotea te manatu ʼa Neemia? Neʼe toe lotovaivai koa mo ia? Kailoa. Neʼe falala tuʼumaʼu ia Neemia kia Sehova, ohage pe ko Moisese, mo Asa pea mo ʼihi atu kaugana agatonu ʼa Sehova. ʼI te aluʼaga ʼaia, neʼe toe faikole mo Neemia kia Sehova ke tokoni age. Pea neʼe tali e Sehova ia tana kole. Neʼe fakaʼaogaʼi e te ʼAtua ia tona “mafimafi” pea mo tona “nima malohi” moʼo fakamalohiʼi ia te kau Sutea. (Lau ia Neemia 1:10; 2:17-20; 6:9.) ʼI tau manatu, ʼe fakaʼaogaʼi koa e Sehova ia tona “mafimafi” mo tona “nima malohi” moʼo fakamalohiʼi ʼana kaugana ia ʼaho nei?
ʼE FAKAMALOHIʼI ANAI E SEHOVA ʼOU NIMA
10, 11. (a) ʼE faigaʼi feafeaʼi e Satana ke vaivai ʼotatou nima? (b) Kotea ʼae ʼe fakaʼaogaʼi e Sehova moʼo fakamalohiʼi ʼo tatou? (c) ʼE fua lelei feafeaʼi kia koe ia te ako ʼae ʼe foaki atu e Sehova?
10 ʼE tou iloʼi papau ʼe mole tukunoaʼi anai e te Tevolo ʼona nima ʼi he temi. ʼE ina faigaʼi tuʼumaʼu pe anai ke ina ʼohofi tatou mo fakagata ʼatatou gaue Fakakilisitiano. Koia, ʼe ina fakaʼaogaʼi ai te ʼu loi pea mo te ʼu puleʼaga, te ʼu takitaki lotu, mo te kau aposeta ke natou fakamatakuʼi tatou. Kotea ia tana fakatuʼutuʼu? ʼE ina loto ke tou fakagata ia tatatou fakamafola te logo lelei ʼo te Puleʼaga. Kaʼe ko Sehova ʼe lava tokoni mai pea ʼe loto ki ai. 1 Koloniko 29:12) ʼE maʼuhiga ʼaupito ke tou kole ia te laumalie maʼoniʼoni ʼo te ʼAtua ke feala ai hatatou tauʼi ia Satana pea mo tona malama agakovi. (Pesalemo 18:40; 1 Kolinito 10:13) ʼE tou toe lotofakafetaʼi ki te tokoni ʼae ʼe tou maʼu ʼaki te Folafola ʼa te ʼAtua. Pea tou toe fakakaukauʼi age muʼa ia te ʼu ako ʼae ʼe tou taʼofi mai ʼatatou tohi ʼi te mahina fuli. Ko te ʼu palalau ʼae ʼe tou maʼu ia Sakalia 8:9, 13 (lau) neʼe fai lolotoga te toe laga ʼo te fale lotu ʼi Selusalemi. Kaʼe ʼe toe lava tokoni mai te ʼu palalau ʼaia kia tatou ia ʼaho nei.
Pea ʼe ina foaki mai ia tona laumalie maʼoniʼoni moʼo fakamalohiʼi ʼo tatou. (ʼE maʼuhiga ʼaupito ke tou kole ia te laumalie maʼoniʼoni ʼo te ʼAtua ke feala ai hatatou tauʼi ia Satana pea mo tona malama agakovi
11 ʼE toe feala ke fakamalohiʼi tatou e Sehova ʼaki te ʼu ako ʼae ʼe tou maʼu ʼi ʼatatou fono mo ʼatatou fakatahi lalahi, pea mo te ako fakateokalatike. ʼE feala ʼaki te ʼu ako ʼaia, ke tou tauhi ki te ʼAtua mo he loto ʼe lelei, ke tou fai hatatou ʼu fakatuʼutuʼu pea ke tou fakahoko ʼotatou maʼua Fakakilisitiano. (Pesalemo 119:32) ʼE ke loto koa ke ke maʼu te malohi ʼaki te ako ʼae ʼe foaki atu e Sehova?
12. Kotea ʼae ʼe tonu ke tou fai ke tou nonofo malohi ai?
12 Neʼe tokoni ia Sehova ki tana hahaʼi ke natou malo ʼi te kau Amaleke mo te kau Etiopea. Pea neʼe ina foaki age kia Neemia mo te kau Sutea ia te malohi ke natou fakaʼosi ia te laga ʼo te ʼu kaupa ʼo Selusalemi. ʼO toe feia pe, ʼe foaki mai anai e te ʼAtua ia te malohi ke tou hoko atu tatatou faifakamafola, logo la totatou lotohoha, mo te fakataga pea mo te fakafisi ʼa ʼihi ki te logo. (1 Petelo 5:10) ʼE mole pulihi fakamilakulo anai e Sehova ʼotatou faigataʼaia. ʼE tonu foki mo tatou ke tou fai he ʼu faiga. ʼO feafeaʼi? ʼE tonu ke tou lau te Folafola ʼa te ʼAtua ʼi te ʼaho fuli, ke tou teuteuʼi ʼatatou fono pea ke tou kau ki ai ʼi te vahaʼa fuli, ke fai tuʼumaʼu tatatou ako tokotahi, mo te ako fakafamili pea ke tou fakaha tatatou falala kia Sehova ʼi te faikole. ʼAua naʼa tou tuku he meʼa ke ina fakaleluʼi tatou mai te ʼu fakatuʼutuʼu ʼa Sehova moʼo fakamalohiʼi pea mo fakalotomalohiʼi ʼo tatou. Kapau ʼe ke sio ifo kua vaivai ʼou nima ʼi he tahi ʼo te ʼu aluʼaga ʼaia, faikole ki te ʼAtua ke tokoni atu. Pea ʼe ke sio anai pe ʼe fakatupu feafeaʼi e te laumalie ʼo te ʼAtua ia ‘koe, ia te fia fai mo te faʼafai ʼo tona finegalo.’ (Filipe 2:13) Kaʼe ʼe feala koa ke ke fakamalohiʼi te ʼu nima ʼo niʼihi?
FAKAMALOHIʼI TE ʼU NIMA ʼAE ʼE LAGI KUA VAIVAI
13, 14. (a) Neʼe fakalotomalohiʼi feafeaʼi te tehina hili te mate ʼo tona ʼohoana (b) Pea ʼe feafeaʼi hatatou fakalotomalohiʼi ʼo niʼihi?
13 ʼE foaki mai e Sehova ia te fale tau tehina fakamalamanei. Ko he ʼu tehina mo tuagaʼane ʼofa ʼe natou fakalotomalohiʼi tatou. Neʼe ui fenei e te apositolo ko Paulo: “Kotou fakamalohii okotou nima kua tau, pea mo okotou tuli kua gaegae, pea kotou mulii aki okotou vae ni ala totonu.” (Hepeleo 12:12, 13) Ko te tokolahi ʼi te kau ʼuluaki Kilisitiano neʼe tokoni ki ai ʼonatou tehina mo tuagaʼane. Pea ʼe toe feia pe ia ʼaho nei. Tou vakaʼi te faʼifaʼitaki ʼo te tehina kua mate tona ʼohoana pea neʼe ina katakiʼi ʼihi aluʼaga fakalotomamahi. Neʼe ina ui fenei: “Neʼe au iloʼi ai, ʼe mole tou filifili ʼotatou ʼahiʼahi, mo te temi ʼae ʼe hoko ai pea mo tona vaha. Ko te faikole mo te ako takitokotahi neʼe ko he haofakiʼaga ʼaia ki toku maʼuli. Pea ʼaki te tokoni ʼo ʼoku tehina mo tuagaʼane fakalaumalie, neʼe au maʼu ai he lotofimalie lahi. Kaʼe neʼe au mahino tafitō ki te maʼuhiga ʼae ke au maʼu he ʼu felogoʼi lelei mo Sehova, ʼi muʼa ʼo te hoko mai ʼo te ʼu faigataʼaia.”
14 Ko Alone mo Ulu neʼe nā fakamalohiʼi te ʼu nima ʼo Moisese ʼaki tanā puke ʼona nima lolotoga te tau fakafeagai ki te kau Amaleke. Ia ʼaho nei, ʼe feala mo tatou ke tou kumi ni puleʼaki ke tou lagolago mo tokoni ki ʼihi. Ko ʼihi ʼi ʼotatou tehina mo tuagaʼane, ʼe natou maʼuli mamahi ʼuhi ko te vaivai matuʼa, te mahamahaki, te fakataga mai ʼonatou famili, te nofo tokotahi peʼe ko te mate ʼo he tahi neʼe natou ʼoʼofa ai. ʼE feala ke tou toe fakalotomalohiʼi ia te kau tupulaga ʼae ʼe fakaneke ki te ʼu meʼa ʼae ʼe kovi peʼe ke maʼu tuʼulaga ʼi te malama. (1 Tesalonika 3:1-3; 5:11, 14) Fakaha tou ʼofa ki ʼihi ʼi te ʼu fono, ʼi te faifakamafola, ʼi te ʼu kakai fakatahi, peʼe moka ke faitelefoni.
15. ʼE feala ke malave feafeaʼi ʼatatou palalau lelei ki ʼotatou tehina mo tuagaʼane?
15 Hili te malo lahi ʼa Asa ʼi te kautau fakamataku ʼo Etiopea, neʼe fakalotomalohiʼi e te polofeta ko Asalia ia Asa mo tana hahaʼi ʼo ina ui fenei: “Koia ke kotou fakamalohi, pea ke aua naa kotou tuku ke vaivai okotou nima, koteuhi e iai anai he totogi ki akotou gaue.” (2 Koloniko 15:7) Neʼe uga ai ia Asa ke ina fai he ʼu fetogi lahi ke toe fakatuʼu te tauhi moʼoni. ʼO toe feia pe, ʼaki he ʼu palalau lelei ʼe feala ai ke ke fakalotomalohiʼi ʼihi pea mo tokoni kia natou ke natou haga tauhi kia Sehova. (Taaga Lea 15:23) ʼAua naʼa galo kia koe, ʼaki ʼau tali ʼi te ʼu fono, ʼe feala ke ke fakalotomalohiʼi ai ʼou tehina mo tuagaʼane.
Ko Neemia neʼe mole nofo pe ʼo sioʼi ia te kau gaue. Kaʼe neʼe toe kau mo ia ki te toe laga ʼo te ʼu kaupa ʼo Selusalemi
16. ʼE faʼifaʼitakiʼi feafeaʼi e te kau tagata ʼafeā ia Neemia? Tuku mai he ʼu faʼifaʼitaki ʼo ni tehina mo tuagaʼane neʼe natou tokoni atu.
16 Neʼe tokoni ia Sehova kia Neemia mo te kau Sutea ʼi tana fakamalohiʼi ai ʼonatou nima. Neʼe natou fakaʼosi ai te ʼu kaupa ʼo Selusalemi ia ʼaho pe ʼe 52. (Neemia 2:18, 6:15, 16) Ko Neemia neʼe mole nofo pe ʼo sioʼi ia te kau gaue. Kaʼe neʼe toe kau mo ia ki te toe laga ʼo te ʼu kaupa ʼo Selusalemi. (Neemia 5:16) ʼO toe feia pe ia ʼaho nei, tokolahi ʼo te kau tagata ʼafeā ʼe natou faʼifaʼitakiʼi ia Neemia moka natou tokoni ki te laga mo te fakafoʼou ʼo te ʼu fale fono. Ko te ʼu tagata ʼofa ʼaia ʼe natou toe fakalotomalohiʼi te ʼu tehina mo tuagaʼane ʼae “loto vaivai,” ʼi tanatou ʼaʼahi natou pea mo tanatou faifakamafola fakatahi.—Lau ia Esaia 35:3, 4.
KE MALOHI ʼOU NIMA
17, 18. Kotea ʼae ʼe tou tui papau ki ai moka ʼe tou tau mo he ʼu fihifihia peʼe tou lotohoha?
17 Ka tou gaue fakatahi mo ʼotatou tehina mo tuagaʼane ʼe malohi ai tatatou logo tahi. ʼE toe fakatologa ai ʼatatou felogoʼi fakatautehina pea mo fakalotomalohiʼi tatatou falala ki te ʼu tapuakina ʼae ka tou maʼu anai ʼaki te Puleʼaga ʼo te ʼAtua. Ka tou fakalotomalohiʼi te ʼu nima ʼo ʼihi, ʼe tou tokoni ke natou tauʼi ʼonatou faigataʼaia pea ke natou maʼu he ʼamanaki lelei ki te ka haʼu. Pea tahi, moka tou tokoni ki ʼihi, ʼe fakalotomalohiʼi ai ʼotatou nima pea ʼe tokoni mai ke tou haga tafitō ki te ka haʼu.
18 Moka tou fakakaukauʼi te tokoni pea mo te puipui ʼa Sehova ki ʼana kaugana ʼi muʼa atu, ʼe malohi ai tatatou tui mo tatatou falala ʼae kia te ia. Koia moka ke tau mo he ʼu fihifihia pea mo ke lotohoha, ke mole vaivai ai ʼou nima. Koteʼuhi, moka ke kole tokoni kia Sehova, ʼe feala ke ke tui papau ko tona nima malohi ʼe ina fakamalohiʼi anai koe pea ʼe ina taki anai koe ki te ʼu tapuakina ʼo te Puleʼaga ʼi te ka haʼu.—Pesalemo 73:23, 24.