LESEN 02
Wal Ka Kui Enamen Baibel Dom
Alamb mal yemyem papum ombun pulikes min wo erkelnde kes pisim, bunuman puli kesim, ala nganj ngimbil sim eri. Ombun ende min wo erkelnge nim embe ding mal pin mo? Kunum pende ne nim kes ende tonom, mo kanka kanen alamb ende gosum kunum nim kumbol ombun wei sinen. Nenem ki embe mal ngondol, ‘Ombun paim porninda mo?’ Baibel ki e pundom kawei ngonom.
1. Baibel nawal ka mi bulto min wonda padom?
Baibel nalende ya mala ombun duwom puli paim mongse yubol naronom. Ba yu kawei ende dom e, ombun duwom yipe paim kanan panapunda, porninda mand wei enem padom eri. Baibel yu dongal dom erkelnde, “kenem mi bulto wal kawei min wonda, pilgi ne kui esmen.” (Jeremaia 29:11, 12 gerdel.) Yu dongal embe mal paim kenem pakerondo, ombun yipe paim akilgi ne kauwo bunuman dulto pande kapil mol punamen.
2. Baibel mi bulto nalmal moramen padom?
Kunum ende sende, mi bulto wal kawei min wonda mal Baibel dom. E embe mal, “alamb gosum mem e porninda, ala kumbol ombun si, kewa ne, nganj ngimbil simen mem pra porninda eri.” (Revelesen 21:4 gerdel.) Ombun duwom pende yipe paim erkelnde, kenem kol meimen mem ka napaim nepisamen. E embe mal—konbengel meim, keswos tonom, mambnem dulto karkar naesim, ala gosum eri. Ba ombun embe mal kanan panapunda—porninda. Baibel yu dongal dom, ya mala Paradais sende alamb kunum kunum kaeri pil mol punam padom.
3. Baibel wal ka min wonda padom bar, nim pilgi don nalmal erdongal endel?
Alamb puli enjep bol wal kaeri min wonda nepisim, ba weieri min wonda mo nawonda enjep kanpol narom. Ba Baibel yu dongal ne, wal kawei min wonda padom e jelmal. Kenem “Baibel yu omuk manero kanpol tonjin dal,” dom yu pilgi wei ninamen. (Aposel 17:11) Nim Baibel yu duwom erkanjel kunum, wal mi bulto min wonda padom nim pilgi nindel mo nanindel nenem omuk tondol.
KANSE MUR PUNDOL
Kenem mi bulto nalmal moramen, Baibel yu dongal pende dom omukro kanjel. Baibel wal kawei min wonda padom bar, alamb yipe meim nalmal pakeronom mal kanjel eri.
4. Baibel mi bulto kunum kawei sende, alamb kawei wei pile kolnga aimanj moram padom
Baibel wal kawei puli min wonda pane yu dongal dom, mento bol kenjip meim kane. Yu meim, nal yu ende nim kapisen? Nalende embe pisen?
Baibel wal kawei min wonda padom bol kenjip meim, Wes aiem gere, ki meim omukro kanjel:
-
Wes gerin pakerondo wal ka kui endel mo? Wes e pakerondo nim pemili na senon ga wal ka kui enam mo?
Kunum kolnga senda mal pile
|
ALAMB ENDE . . . |
ALAMB PORPOR . . . |
|---|---|
|
|
|
|
|
|
|
|
|
|
5. Baibel wal kawei min wonda padom bar alamb pakeronom
Alamb pulikes ombun enjep meim bar min wondo kanim kunum, enjep kumbol mul si kes wei pisim. Pende ombol ere ombun e tomene kele kapil moramen ne esim. Baibel yu dongal ne ombun duwom yipe paim porninda padom bar, alamb nalmal pakeronom mal kanjel. VIDIO ende paim kane, ki menro meim omukro kanjel.
-
Vidio kanjin bar Rapika nal mambnem dulto naenjip bar ombun kawum?
-
Alamb mambnem dulto naenjip pra pamom, ba Baibel olom nalmal pakerom?
Baibel wal kawei mi bulto min wonda padom kenem pakerondo, nal ombun duwom ende yipe min wonda kauwo akilgi ninamen. Provep 17:22 na Rom 12:12 gere, ki meim omukro kanjel:
-
Baibel mi bulto wal kawei min wonda padom bar, nim yipe nomolpa enen bar pakeronda nepisen mo? Nalende embe pisen?
ALAMB PENDE EMBE NIM: “Baibel mi bulto wal kawei min wonda padom, e yubol gend.”
-
Yu e wei mo gend kanpol tonamen nalende wal kerma paim?
BOL TOJIN YU KERMA
Kenem ombun puli kaumon, ba Baibel miro bulto kunum kawei sende, kapil moramen padom bar kenem pakeronom.
Pilyem kel pisamen
-
Nalende alamb wal ka min wonda ne kui enam?
-
Baibel mi bulto nawal min wonda padom?
-
Bulto wal ka min wonda ne kui endel bar, yipe nim nalmal pakeronda?
KURKANJEL
Wal ka min wonda padom, dongal nalmal paim yu pende meim omukro kanjel.
“Kui Enen Wal—Nenja Bar Kansindel?” (Eprel 22, 2004, Akle!)
Alamb kes ende kanan nganja pande meim, mi bulto wal ka min wonda ne kui esim bar, enjep nalmal pakeronom mal kanjel.
“Kes Kanan Nganja Pande Meim—Baibel Yu Pakeronda Kaple Enem Mo?” (Yu e kin websait a paim)
Vidio ende golang bol paim kangem, Kunum ka senda mal pila nepaim kanjel kunum, nim pemili ainem bol Baibel mi bulto Paradais sende kapil moram padom mal buro pisel.
Gapman bol opyem erim ye ende, Baibel mi bulto wal ka min wonda panim duwom erkanim kunum, olom nomolpa erim bar nalmal woka pum kanjel.
“Na Pilkane Erind Alamb Mambnem Kes Enjip Erkun Enal Kaple Naerim.” (Julai 1, 2013, Tawolgar)
