Oo. An usa puydi umundang ha pagin kaapi ha amon organisasyon ha duha nga paagi:

•   Pinaagi ha pormal nga paghangyo. An usa nga indibiduwal puydi makiistorya o magsurat basi ipahibaro an iya desisyon nga diri na niya karuyag magin Saksi ni Jehova.

•   Pinaagi ha buhat. An usa nga indibiduwal puydi makabuhat hin mga butang nga nagpapakita nga diri na niya karuyag magin usa han mga Saksi ni Jehova. (1 Pedro 5:9) Pananglitan, bangin umapi hiya ha iba nga relihiyon ngan ipakita nga disidido hiya nga magpabilin dida hito.—1 Juan 2:19.

 Diri. An pag-undang o tinuyo nga pagbulag, iba ha pagin maluya ha pagtoo. Kasagaran, adton nanluya o umundang ha pag-alagad waray bumaya ha ira pagtoo kondi nanluya la an espirituwalidad. Imbes nga likayan hira, naniningkamot kami nga liawon hira ngan buligan. (1 Tesalonica 5:14; Judas 22) Kon an usa nanginginahanglan hin bulig, an mga tigurang ha kongregasyon amo an nangunguna ha paghatag hin espirituwal nga bulig.—Galacia 6:1; 1 Pedro 5:1-3.

 Kondi an mga tigurang waray katungod nga piriton an bisan hin-o nga magpabilin sugad nga usa han mga Saksi ni Jehova. An kada tagsa an naghihimo han iya kalugaringon nga desisyon parte ha relihiyon. (Josue 24:15) Natoo kami nga an ngatanan nga nagsisingba ha Dios kinahanglan magsingba ha Iya hin kinaburut-on.—Salmo 110:3; Mateo 22:37.