“An problema ha mental nga kahimsog ha mga batan-on nakakaalarma—ngan nahibaroan namon nga usa han nangunguna nga hinungdan amo an social media.”—Dr. Vivek Murthy, U.S. surgeon general, New York Times, Hunyo 17, 2024.

 Paonan-o mapuproteksyonan han mga kag-anak an ira mga anak ha mga peligro han social media? An Biblia naghahatag hin praktikal nga sagdon.

 Hunahunaa ini nga mga prinsipyo ha Biblia.

 “An maaramon nga tawo naghuhunahuna hin maopay han iya tagsa nga pitad.”—Proberbios 14:15.

 Tungod kay an social media puydi magkaada maraot nga impluwensya ha imo anak, ayaw hiya tuguti ha paggamit han social media hin basta-basta la. Antes mo tugotan an imo anak ha paggamit han social media, siguradoha nga matured na hiya ngan kaya na niya limitahan an iya oras ha paggamit hito, magkaada maopay nga kasangkayan, ngan likyan an diri maopay nga mga content.

•   Basi mahibaro hin dugang, basaha an mga artikulo nga “Dapat Bang Gumamit ang Anak Ko ng Social Media?” ngan “Ituro ang Tamang Paggamit ng Social Media sa Anak Mong Teenager.”

 “[Gamita] ha pinakamaopay nga paagi an iyo panahon.”—Efeso 5:16.

 Kon tutugotan mo an imo anak ha paggamit han social media, paghatag hin mga patakaran ha paggamit hito, ngan isaysay kon paonan-o ini makakabulig ha iya basi magin talwas. Magin alerto ha bisan ano nga pagbag-o ha panggawi han imo anak nga nagpapakita nga kinahanglan mo limitahan an iya paggamit han social media.

•   Gamita an whiteboard animation nga Magin Maaramon ha Paggamit han Social-Network basi mabuligan an imo anak nga masabtan kon kay ano nga kinahanglan an mga limitasyon.

 An Biblia nasiring nga nagkikinabuhi kita ha “peligroso nga mga panahon nga makuri pakiangayan.” (2 Timoteo 3:1-5) Pero naghahatag liwat ito hin praktikal nga sagdon nga makakabulig ha aton basi makaya ito. An lista han sobra 20 nga basado ha Biblia nga mga artikulo para ha mga kag-anak ngan ha ira mga anak makikita dinhi hini nga artikulo parte ha mental nga kahimsog ha mga tin-edyer.