1. An gugma han Dios iya ginpakita

Ha aton bas’ sundon.

Paagi niya, ha at’ nagtututdo

Basi magmahigugmaon.

Iya ginhatag Anak nga presyoso

Basi malukat, sala mapasaylo.

Ginpakita gud an daku nga gugma;

An Dios gugma, daku an gugma.

2. Kon subdon an Dios, an gugma magigin

Tinuod ha tanan.

Mag-aaghat hin patas nga pagbati

Ha kalagsan, kabataan.

An aton gugma ha Dios ngan ha bugto

Pariho ini ginkikinahanglan.

Salit palabyon mga kaluyahan;

Magpasaylo ha kabugtoan.

3. Diosnon nga gugma, kita ginbubugkos

Sugad nga pamilya.

An aton Amay yana nagsasagda:

‘Pakadi ngan sarihi na.’

An aton gugma an pangirilal-an;

An Kasuratan, giya ha at’ dalan.

An kabugtoan nagpapahinumdom

Nga Dios gugma. Oo, Dios gugma.