Espesyal nga Pahayag Publiko

Hin-o an Kwalipikado nga Magmando ha Katawohan?

May-ada ba magmarando nga

• makakasulbad han problema ha ekonomiya nga maggagarantiya hin hura nga pagkaon ngan mag-opay nga balay para ha ngatanan?

• makakagpugong han natural nga mga kalamidad, salit diri na mag-aantos an katawohan han kadaot nga resulta han tsunami, bagyo, o linog?

• makakagwara han ngatanan nga sakit, ngan makakapahiuli pa ngani han kusog han pagkabatan-on ha mga lagas?

• makakagwara han ngatanan nga girra, salit an ngatanan han iya nasasakopan magkikinabuhi ha kamurayawan ngan kasiguradohan?

• makakapahiuli han balanse nga ekolohiya han tuna, tungod hito an tuna magigin paraiso?

May-ada uusa la nga Magmarando nga makakapahinabo hini ngatanan. Hin-o hiya? Ito nga pakiana babatunon ha pahayag publiko nga may-ada tema nga “Hin-o an Kwalipikado nga Magmando ha Katawohan?” Inin basado-ha-Biblia nga pahayag pagdudumarahon ha sobra 230 nga katunaan ha bug-os nga kalibotan. Ha kadam-an nga lugar, ipapahayag ito ha Kingdom Hall han mga Saksi ni Jehova ha Domingo, Abril 6, 2008. An mga Saksi ha iyo lugar malilipay ha pagsumat ha iyo han oras ngan adres han lugar nga ira pagkakatirokan. Malipayon nga gin-iimbitar ka nga tumambong.