Usa nga Imbitasyon . . .

An Dios Pa ba an Nagmamando?

NATURAL nga mga kalamidad, makamaratay nga mga sakit, panlimbong han mga tawo nga higtaas an katungdanan, mga pag-atake han mga terorista, mga girra, krimen. Haros kada adlaw nababatian naton ito nga klase hin mga sumat. Apektado ka man han sugad nga mga butang o diri, makuri ilubon nga diri magpakiana kon ano daw la an dadangatan han kalibotan ngan kon mag-oopay pa ba an mga kahimtang.

Basi masabtan an sugad nga mga kahimtang, an mga Saksi ni Jehova ha sobra 200 nga nasud ha bug-os nga kalibotan magpipresenta hin napapanahon nga pahayag publiko nga may ulohan “An Dios Pa ba an Nagmamando?” Isasaysay hito kon ano an ginsisiring ngan ginsasaad han Dios dida ha iya masasarigan nga Pulong, an Biblia, mahitungod hinin importante nga mga pakiana:

Interesado ba an Dios ha mga panhitabo ha tuna?

Ano an iya inaabat mahitungod han katawohan?

Interesado ba hiya ha imo kaopayan?

Ha kadam-an nga mga lugar, an pahayag paghihimoon ha Domingo, Abril 30, 2006, ha Kingdom Hall han mga Saksi ni Jehova. Malilipay an mga Saksi ha iyo lugar ha pagsumat ha iyo han oras ngan adres.

Malipayon nga gin-iimbitar kamo nga tumambong hinin makapadasig, waray-bayad, basado-ha-Biblia nga diskurso nga maghahatag hin makapatagbaw nga baton ha pakiana: An Dios Pa ba an Nagmamando?