Pagpakita hin Gugma
An Problema
An iginpapakita nga diskriminasyon han usa diri madali mawara. Sugad la nga kinahanglan hin panahon ngan pangalimbasog basi mawara an virus, kinahanglan liwat hin panahon ngan pangalimbasog basi mawara an diskriminasyon. Ano an puydi mo buhaton basi mawara ha imo kasingkasing an diskriminasyon?
Prinsipyo ha Biblia
“Isul-ot niyo an gugma, kay usa ito nga hingpit nga bugkos han pagkaurosa.”—COLOSAS 3:14.
Ano an karuyag sidngon hito? An pagbuhat hin maopay ha iba nagriresulta ha pagkaurosa. Kon nagpapakita ka hin gugma ha iba, naiibanan an diskriminasyon ha imo kasingkasing. Ngan samtang naghihilarom an imo gugma ha ira, nagtitikawara an imo negatibo nga pagbati ha ira.
An Puydi Mo Buhaton
Paghunahuna hin espisipiko nga mga paagi nga makakagpakita ka hin gugma ha mga tawo nga bangin ginhunahunaan mo hin negatibo. Diri man kinahanglan nga maghimo ka hin daku nga butang. Puydi mo buhaton an usa o an pipira han masunod:
An gudtiay nga kapahayagan han gugma makakabulig nga mawara an diskriminasyon
Pagpakita hin pagkabuotan hito nga mga tawo pinaagi ha pag-abri han purtahan para ha ira o paghatag han imo lingkoran ha panpubliko nga transportasyon.
Pag-una ha pakiistorya ha ira, bisan kon diri gud hira nakakayakan han imo yinaknan.
Magin pasensyoso ha ira kon may ginbubuhat hira nga diri mo nasasabtan.
Pamati hin maopay kon nag-iistorya hira han ira mga problema.
Bangin Maruyagan Mo Liwat
PAGPAMATA!
Giya Para ha Mamurayawon nga Relasyon ha Iba
Ano nga mga kalidad an makakabulig ha aton nga matipigan an mamurayawon nga relasyon ha iba?
