Pananglitan, kitaon naton an siring han iba mahitungod ha kon paonan-o hira nakabenepisyo ha pagbasa han Biblia ngan ha pag-aplikar han mga sagdon hito ha ira kinabuhi.

“Mas nag-opay an akon kinabuhi. Nagin mas maopay an akon panhunahuna ngan pag-abat. Ngan nagin mas positibo ako.”​—Fiona.

“Ha akon pag-aram han Biblia, nagkaada katuyoan ngan kahulogan an akon kinabuhi.”​—Gnitko.

“Nagkaada daku nga pagbag-o ha akon kinabuhi. Yana, mas simple ito ngan mas may panahon na ako ha akon pamilya.”​—Andrew.

Pipira la ito nga mga eksperyensya. Nakita han damu nga tawo ha bug-os nga kalibotan nga damu an praktikal nga giya han Biblia para ha adlaw-adlaw nga pagkinabuhi.

Kitaon naton kon paonan-o an Biblia makakabulig ha mga tawo basi magin mas maopay an ira . . .

• Pisikal nga kahimsog

• Emosyonal nga kahimsog

• Relasyon ha pamilya ngan kasangkayan

• Pinansyal nga kahimtang

• Espirituwalidad

Ipapakita han masunod nga mga artikulo kon kay ano nga an Biblia diri la kay basta baraan nga libro kondi usa nga libro nga nakakabulig ha damu nga paagi.