Posible mawara an kangalas ha bulig han Dios. An iya baraan nga espiritu mabulig ha aton nga magkaada han mga kalidad nga diri gud kita magkakaada ha aton la pangalimbasog. Salit imbes nga maglugaring maningkamot nga mawara an kangalas, maopay nga sumarig kita ha bulig nga iginhahatag han Dios. Kon bubuhaton naton ito, maieksperyensyahan liwat naton an naeksperyensyahan ni apostol Pablo, nga nagsurat: “Ha ngatanan nga butang may kusog ako pinaagi ha iya nga naghahatag ha akon hin gahum.” (Filipos 4:13) Ngan makakagsiring kita: “An bulig ha akon tikang kan Jehova.”​—Salmo 121:2.

Pag-ampo kan Jehova ngan sinsero nga pangaro ha iya han iya baraan nga espiritu. (Lucas 11:13) Paghangyo ha iya nga buligan ka nga maipakita an diosnon nga mga kalidad ha imo kinabuhi. Admi an ginsisiring han Biblia mahitungod ha mga kalidad nga mabulig nga mawara an kangalas sugad han gugma, kamurayawan, pagin pasensyoso, ngan pagpugong ha kalugaringon. Pamiling hin mga paagi nga makultibar mo ito nga mga kalidad. Ngan pakig-upod hadton naniningkamot liwat nga magkultibar hito nga mga kalidad. An sugad nga mga tawo makakabulig basi ‘mapagios [ka] ha pagpakita hin gugma ngan mag-opay nga mga buhat.’—​Hebreo 10:24; footnote.