“An mga magtadung makakapanonod han tuna, ngan maukoy hira dida hin waray katapusan.”​—Salmos 37:29

Ano an katuyoan han Dios para ha mga tawo?

• Genesis 1:28

  Karuyag han Dios nga himoon han mga tawo an tuna nga paraiso ngan atamanon an mga hayop.

• Isaias 46:9-11; 55:11

  Tutumanon han Dios an iya katuyoan, ngan waray makakapugong ha iya.

“An bug-os nga kalibotan kontrolado han gahum han usa nga maraot.”​—1 Juan 5:19

Hin-o an nagmamando han kalibotan?

• Juan 12:31

  Gintawag ni Jesus hi Satanas nga magmarando han kalibotan.

• Santiago 1:13-15

  Ginhingyap ni Satanas an diri para ha iya.

• Genesis 2:17; 3:1-6

  Ginlimbongan ni Satanas hi Eva, waray sunda nira Adan ngan Eva an Dios, ngan ha urhi namatay hira Adan ngan Eva.

• Roma 3:23; 5:12

  Namamatay kita tungod kay nakapanunod kita hin sala tikang kan Adan.

• 2 Corinto 4:3, 4

  Ginlilimbongan ni Satanas an mga tawo.

“Kumanhi unta an imo Ginhadian. Matuman an imo kaburut-on dinhi ha tuna.”​—Mateo 6:10

Ano an bubuhaton ni Jehova?

• Daniel 2:44

  Sasaliwanan han gobyerno han Dios an ngatanan nga gobyerno ha kalibotan.

• Pahayag 16:14-16

  Ha Armagedon, bubungkagon han Dios inin maraot nga kalibotan.

• Isaias 9:6, 7

  Ginpili ni Jehova hi Jesus nga magin Hadi ha Iya gobyerno ha langit. Mamandoan ni Jesus an tuna.

“Imo binubuklad an imo kamot, ngan ginbubusug an tinguha han tagsa nga buhi.”​—Salmos 145:16

Ano an bubuhaton han Ginhadian han Dios para ha aton?

• Salmos 46:9

  Mawawara na an girra, krimen, ngan kamadarahog.

• Isaias 32:18; 65:21-24

  Ha bag-o nga kalibotan, an ngatanan magkakaada mag-opay nga balay ngan garden ngan magkikinabuhi nga mamurayawon.

• Salmos 72:16

  Magkakaada hura nga pagkaon.

• Isaias 11:6-9

  Magkakaada kamurayawan butnga han mga tawo ngan mga hayop.

• Isaias 33:24; Buhat 24:15

  Waray na magkakasakit, ngan an mga patay babanhawon.