Konektado nga asoy ha Biblia:

• Ge 24:​1-4, 7—An lagas na nga hi Abraham nagdesisyon nga mamiling hin maarasawa para ha iya anak nga hi Isaac tikang ha mga nag-aalagad kan Jehova, diri ha mga Canaanita nga nagsisingba ha iba nga mga dios

• Ge 28:​1-4—Ginsugo ni Isaac an iya anak nga hi Jacob nga mamiling hin maarasawa ha mga igkasi-tumuroo, diri ha mga Canaanita

 Konektado nga asoy ha Biblia:

• 1Ha 11:​1-6, 9-11—Hi Jehova nasina gud kan Hadi Solomon tungod han pagbalewaray han Iya mga pahamangno, ha pag-asawa hin mga dayo, ngan ha pagtugot ha ira nga impluwensyahan hiya nga magsingba hin buwa nga mga dios

• Neh 13:​23-27—Pariho kan Jehova, hi Nehemias nasina gud han an mga Israelita nga lalaki nag-asawa hin mga dayo nga babaye nga diri nag-aalagad kan Jehova, salit ginsaway niya hira ngan gindisiplina

Konektado nga asoy ha Biblia:

• 1Sa 25:​2, 3, 14-17—Hi Nabal riko nga tawo pero maraugdaog, salit diri hiya maopay nga bana para kan Abigail

• Pr 21:9—An diri maaramon nga pagpili hin padis magwawara han aton kalipay ngan kamurayawan

• Ro 7:2—Iginsaysay ni apostol Pablo nga kon an babaye nag-aasawa, nagigin sakop hiya han awtoridad han iya diri perpekto nga bana; salit ginpipili hin maopay han maaramon nga babaye an iya magigin bana

Konektado nga asoy ha Biblia:

• Pr 24:27—Antes mag-asawa an usa nga lalaki ngan magin tatay, dapat magtrabaho hiya hin maopay basi magin andam hiya nga suportaran an usa nga pamilya

Konektado nga asoy ha Biblia:

• Ru 2:​4-7, 10-12—Nakilala ni Boaz hi Ruth pinaagi ha pag-obserbar ha iya batasan ha trabaho ngan pagpamati ha matataporan nga mga sumat mahitungod han iya reputasyon, ha iya pagtratar ha iya pamilya, ngan ha iya espirituwalidad

• Ru 2:​8, 9, 20—Nakilala ni Ruth hi Boaz pinaagi ha pag-obserbar ha iya pagin buotan, pagin mahinatagon, ngan ha iya gugma kan Jehova

 Konektado nga asoy ha Biblia:

• Pr 5:​18, 19—An pipira nga paagi ha pagpakita hin gugma para la ha mag-asawa

• Sln 1:2; 2:6—Ha panahon han panguyab, iginpahayag han magbarantay han karnero ngan han Sulamita nga babaye an ira gugma ha usa kag usa ha limpyo nga paagi

• Sln 4:12; 8:​8-10—An Sulamita nga babaye nagpakita hin pagpugong ha kalugaringon; iginpariho hiya ha pinader nga garden

Konektado nga asoy ha Biblia:

• Ge 21:​8-12—Ginsugo ni Jehova hi Abraham nga pamatian an iya asawa nga hi Sarah, bisan kon diri hiya nauyon ha suhestyon ni Sarah

• Pr 31:​10, 11, 16, 28—An maaramon nga bana nga iginhuhulagway hini nga mga bersikulo, diri nagmamayor-mayor o namimiling hin sayop; lugod, ginsasarigan niya ngan gindadayaw an iya asawa

• Efe 5:33—Igintutdo ni apostol Pablo nga kinahanglan abaton han asawa nga hinigugma hiya han iya bana

Konektado nga asoy ha Biblia:

• Pr 1:8; 1Co 7:4—An Dios naghatag ha mga asawa ngan nanay hin pipira nga awtoridad ha pamilya

• 1Co 11:3—Iginsaysay ni apostol Pablo nga ha kahikayan ni Jehova, kita ngatanan sakop hin pagkaulo, labot la ha Dios nga Makagarahum-ha-ngatanan

• Heb 13:​7, 17—Ha kongregasyon, an kalalakin-an ngan kababayin-an kinahanglan magpasakop ngan magin masinugtanon ha mga ginpili nga manguna

Konektado nga asoy ha Biblia:

• Ge 18:12; 1Pe 3:​5, 6—Ginrirespeto gud ni Sarah an iya bana, gintawag pa ngani niya hiya hin “ginoo,” o espirituwal nga ulo, bisan ha iya hunahuna la

Konektado nga asoy ha Biblia:

• Ge 24:​62-67—Ginbuligan ni Rebeca an iya bana nga hi Isaac nga maliaw han namatay an iya nanay

• 1Sa 25:​14-24, 32-38—Pinaagi han mapainubsanon nga pakimalooy kan David, ginproteksyonan ni Abigail an iya diri maaramon nga bana ngan gintalwas an iya pamilya

• Est 4:​6-17; 5:​1-8; 7:​1-6; 8:​3-6—Iginbutang ha peligro ni Rayna Esther an iya kinabuhi pinaagi hin duha ka beses nga pagdaop nga diri iginpapatawag han iya bana nga hadi, basi maghangyo hin proteksyon para ha katawohan han Dios