Inabat mo ba nga nagin mas duok ka ha Dios tikang han nag-aram ka han Biblia? Karuyag mo ba nga padayon nga parig-unon an imo pakigsangkay ha iya? Kon oo, hinumdumi nga samtang nakikita ni Jehova nga mas nagtitikahilarom an imo gugma ha iya, mas hihigugmaon ngan aatamanon ka niya. Paonan-o mo maipapakita ha iya nga hinigugma mo hiya?

1. Paonan-o naton maipapakita kan Jehova nga hinigugma naton hiya?

Maipapakita naton an aton gugma kan Jehova pinaagi ha pagsugot ha iya. (Basaha an 1 Juan 5:3.) Diri niya ginpipirit an bisan hin-o nga sugton hiya. Lugod, gintatagan niya hin higayon an kada usa ha aton nga magpili kon susugton naton hiya o diri. Kay ano? Karuyag ni Jehova nga magin “masinugtanon [kita] hin kinasingkasing.” (Roma 6:17) Iginpapasabot hito nga karuyag niya nga magin masinugtanon ka ha iya, diri tungod kay kinahanglan mo ito buhaton, kondi tungod kay hinigugma mo hiya. An Seksyon 3 ngan 4 hini nga libro gindisenyo basi buligan ka nga ipakita an imo gugma kan Jehova pinaagi ha pagbuhat han nakakapalipay ha iya ngan paglikay ha nakakapasubo ha iya.

2. Kay ano nga usahay makuri ipakita an aton gugma kan Jehova?

“Damu an kakurian han matadong.” (Salmo 34:19) Kita ngatanan nakukurian tungod kay diri kita perpekto. Ngan bangin nakakaeksperyensya liwat kita hin mga problema ha pinansyal, kawaray-hustisya, ngan iba pa nga kakurian. Kon may mga problema kita, bangin makurian kita ha pagbuhat han mga ginsusugo ni Jehova ha aton. Tungod ito kay bangin mas masayon an diri pagsugot kan Jehova. Pero kon gintutuman mo an ginpapabuhat ni Jehova ha imo, iginpapakita mo nga hinigugma mo hiya labaw kay han bisan ano. Ngan ginpapamatud-an mo nga maunungon ka ha iya. Sugad nga resulta, magigin maunungon hiya ha imo. Diri ka gud niya babayaan.​—Basaha an Salmo 4:3.

4. Lipaya an kasingkasing ni Jehova

Basaha an Proberbios 27:​11, katapos, hisguti niyo ini nga mga pakiana:

• Ano an inaabat ni Jehova kon maaramon ka ngan nasugot ha iya? Kay ano?

 5. Puydi ka magin maunungon kan Jehova

6. Magpapahimulos kita kon masugot kita kan Jehova

An pagsugot kan Jehova amo pirme an pinakamaopay nga buhaton. Basaha an Isaias 48:​17, 18, katapos, hisguti niyo ini nga mga pakiana:

• Ha imo hunahuna, makakasarig ba kita nga hi Jehova pirme maaram kon ano an pinakamaopay para ha aton? Kay ano?

• Ano an kapulsanan ha imo han imo pag-aram ha Biblia ngan han imo pag-aram mahitungod ha tinuod nga Dios, hi Jehova?

 SUMARYO

Maipapakita mo an imo gugma kan Jehova pinaagi ha pagsugot ha iya ngan pagpabilin nga maunungon ha iya bisan may mga problema.

Repaso

• Ano an imo nahibaroan tikang ha ehemplo ni Job?

• Paonan-o mo mapapamatud-an an imo gugma kan Jehova?

• Ano an makakabulig ha imo nga magpabilin nga maunungon kan Jehova?