“Magkakaada pagkabanhaw.”​—Buhat 24:15, Bag-o nga Kalibotan nga Hubad.

Magliliaw ha imo kon mamatayan ka hin hinigugma.​—2 Corinto 1:3, 4.

Diri ka na mahahadlok ha kamatayon.​—Hebreo 2:15.

Naghahatag ha imo hin tinuod nga paglaom nga makakaupod mo utro an imo namatay nga mga hinigugma.​—Juan 5:28, 29.

Oo, ha diri maminos tulo nga hinungdan:

• An Dios an Maglalarang han kinabuhi. Ha Biblia, gintatawag hi Jehova nga Dios nga “gintitikangan han kinabuhi.” (Salmo 36:9; Buhat 17:24, 25) An Usa nga naghatag hin kinabuhi ha ngatanan nga buhi nga linarang sigurado nga may gahum ha pagbuhi utro han usa nga namatay.

• An Dios nagbanhaw hadto hin mga patay. An Biblia nag-uunabi hin walo ka tawo​—batan-on, lagas, lalaki, ngan babaye—​nga ginbuhi utro dinhi ha tuna. An iba diri pa la maiha nga namatay, pero may usa nga upat ka adlaw na ha lubnganan!​—Juan 11:39-44.

• Karuyag gud han Dios nga buhaton ito utro. Nangangalas hi Jehova ha kamatayon; gintatagad niya ito nga kaaway. (1 Corinto 15:26) Karuyag gud niya daugon ito nga kaaway, wad-on an kamatayon pinaagi han pagkabanhaw. Hingyap gud niya nga banhawon an mga aada ha iya panumdoman ngan makita hira nga buhi utro dinhi ha tuna.​—Job 14:14, 15.