Isaias 27:1-13
27 Hito nga adlaw hi Jehova, gamit an iya mapintas ngan daku ngan marig-on nga espada,+Magsisirot ha Leviatan,* an malaksi nga halas,Ha Leviatan, an nagsusurosangbod nga halas,Ngan iya papatayon an daku nga linarang nga aadto ha dagat.
2 Hito nga adlaw kantahi an babaye:*
“Usa nga urubasan nga may nagbubura nga bino!+
3 Ako, hi Jehova, an nagbabantay ha iya.+
Ha kada takna ginsasaribohan ko hiya.+
Ginbabantayan ko hiya ha gab-i ngan ha adlaw,Basi waray magdaot ha iya.+
4 Diri na ako napupungot ha iya.+
Hin-o an magbubutang ha akon atubangan hin tunukon nga mga tanom ngan hin mga banwa durante han girra?
Tatamaktamakan ko ito ngan susunugon ito ngatanan ha kalayo.
5 Kon nadiri ito nga tawo nga mahitabo ito, pakapta hiya hin maopay ha akon balwarte.
Makigmurayaw hiya ha akon;Oo, makigmurayaw hiya ha akon.”
6 Ha maabot nga mga adlaw, an Jacob man-gagamot,An Israel mamumukad ngan mananaringsing,+Ngan pupun-on nira hin mga bunga an tuna.+
7 Kinahanglan ba hiya balbagon sugad han pagbalbag ha iya?
O kinahanglan ba hiya patayon pariho han pagpatay ha mga ginpamatay dida ha iya?
8 Pinaagi hin napakalas nga singgit makikigdiskusyon ka ha babaye ha panahon nga pabayaon na hiya.
Paiiwason Niya hiya pinaagi han Iya makusog nga paghuyop ha adlaw han hangin nga tikang ha este.+
9 Salit ha sugad hini nga paagi paparaon an sayop han Jacob,+Ngan ini an magigin bug-os nga resulta kon kuhaon na an iya sala:
Iya hihimoon an ngatanan nga bato han halaranNga pariho hin mahumok nga mga bato nga ginpulbos,Ngan waray sagrado nga mga poste* o mga burutangan han insenso nga mahibibilin.+
10 Kay an pinader nga syudad mawawad-an hin umurukoy;An mga panabsaban papasibay-an ngan babayaan pariho hin kamingawan.+
Didto mananabsab ngan mahigda an nati nga bakaNgan kakaunon hito an iya mga sanga.+
11 Kon mauga na an iya gudti nga mga sanga,Magkakaabot an kababayin-an ngan pangungutdon ito,Ngan susuritan nira ito.
Kay ini nga katawohan diri nakakasabot.+
Ito an hinungdan nga Hiya nga naghimo ha ira diri magpapakita ha ira hin kalooy,Ngan Hiya nga nagporma ha ira diri magpapakita ha ira hin pagkabuotan.+
12 Hito nga adlaw pangunguhaon ni Jehova an bunga tikang ha naagos nga Salog* tubtob ha Walog* han Ehipto,+ ngan usa-usa nga paninirukon kamo, O katawohan han Israel.+
13 Hito nga adlaw huhuypan an usa nga daku nga sungay,+ ngan an mga tikamatay ha tuna han Asirya+ ngan an mga nagpatlaag ha tuna han Ehipto+ magkakaabot ngan mayukbo kan Jehova ha baraan nga bukid ha Jerusalem.+
Mga footnote
^ Posible nga nagtutudlok ha Israel, nga dinhi iginhuhulagway sugad nga babaye ngan iginpapariho ha urubasan.
^ Karuyag sidngon, an Eufrates.
