Isaias 24:1-23
24 Kitaa! An tuna ginhihimo ni Jehova nga waray sulod ngan binayaan.+
Iya ito ginbabaliskad*+ ngan iginsasarang an mga naukoy hito.+
2 Pariho la an dadangatan han ngatanan:
Han katawohan pati na han saserdote,Han surugoon ngan han iya agaron,Han surugoon nga babaye ngan han iya agaron nga babaye,Han parapalit ngan han parabaligya,Han nagpapahuram ngan han nahuram,Han nagpapautang ngan han nangungutang.+
3 An tuna mawawarayan gud sulod;Pangunguhaan gud ito hin mga butang sugad nga dinag-an,+Kay hi Jehova an nagyakan hini nga pulong.
4 An tuna nabibido;*+ nagtitikawara ito.
An mabungahon nga tuna nauuga; nahahanaw ito.
An prominente nga mga tawo ha tuna nanluluya.
5 An tuna ginhugawan han mga naukoy hito,+Kay ira gintalapas an mga balaud,+Ginbag-o an regulasyon,+Ngan waray nira tumana an permanente* nga kasabotan.+
6 Ito an hinungdan nga ginlalamoy han sumpa an tuna,+Ngan an mga naukoy hito napamatud-an nga salaan.
Ito an hinungdan nga an mga naukoy ha tuna nagtitikaguti,Ngan pipira na la nga tawo an nahibibilin.+
7 An bag-o nga bino nabibido,* an tanom nga ubas nalalaya,+Ngan an ngatanan nga malipayon an kasingkasing nanhahayhay.+
8 An malipayon nga tunog han mga tamborin inundang na;An aringasa han mga nagkakarisyo natapos na;An malipayon nga tunog han arpa inundang na.+
9 Waray pagkaranta samtang nainom hira hin bino,Ngan an de-alkohol nga irimnon mapait para ha mga nainom hito.
10 Ruba an binayaan nga bungto;+An tagsa nga balay ginsadhan basi waray makasulod.
11 Naguliat hira ha mga kalye tungod kay waray bino.
An ngatanan nga pagrayhak nawara na;An kalipay ha tuna nahanaw na.+
12 An syudad ginbayaan nga guba;An ganghaan gindugmok ngan nagin tambak han kagubaan.+
13 Kay ini an mahitatabo ha tuna, dida ha mga katawohan:
Sugad han panahon nga ginbabay-og an mga sanga han kahoy nga olibo,+Pariho han panguha han mga salin kon tapos na an pangani han ubas.+
14 Ira dadakuon an ira mga tingog,Masinggit hira hin malipayon.
Tikang ha dagat* ira ipapasamwak an pagkaharangdon ni Jehova.+
15 Ito an hinungdan nga hihimayaon nira hi Jehova ha rehiyon han kalamrag;*+Ha mga isla han dagat hihimayaon nira an ngaran ni Jehova nga Dios han Israel.+
16 Tikang ha mga kataposan han tuna nakakabati kami hin mga kanta:
“Himaya para ha Matadong nga Dios!”+
Kondi nasiring ako: “Nagtitikagasa* ako, nagtitikagasa ako!
Kairo ko! An maglimbong ginios hin malimbungon;Pinaagi hin panlimbong an maglimbong ginios hin malimbungon.”+
17 An makaharadlok gud nga butang ngan an mga buho ngan an mga lit-ag naghuhulat ha imo, ikaw nga naukoy ha tuna.+
18 An bisan hin-o nga napalagiw tikang ha tunog han makaharadlok gud nga butang mahuhulog ha buho,Ngan an bisan hin-o nga nasaka tikang ha buho malilit-ag.+
Kay an mga ganghaan han tubig ha langit aabrihan,Ngan an mga pundasyon han tuna mababay-og.
19 An tuna naggutak;An tuna nabay-og;An tuna nauuy-og hin makusog.+
20 An tuna nagpaparadingpading pariho hin hubog nga tawo,Ngan nag-uuroabyog ito pariho hin balay-balay nga ginduduyan han hangin.
An pagtalapas hito nakakapabug-at hito,+Ngan matutumba ito, ngan diri na gud makakabuhát utro.
21 Hito nga adlaw tatagan ni Jehova hin atensyon an kasundalohan ha kahitas-anNgan an mga hadi ha tuna.
22 Ngan urosa hira nga titirukonPariho hin mga priso nga gintirok ngadto ha buho,Ngan ibabartolina hira;Katapos han damu ka adlaw tatagan hira hin atensyon.
23 An kadayaw maaalo,Ngan an nasirak nga adlaw maaawod,+Kay hi Jehova han mga hugpo nagin Hadi+ na ha Bukid Zion+ ngan ha Jerusalem,Mahimayaon hiya ha atubangan han mga tigurang han iya katawohan.*+
Mga footnote
^ O “Iya ginbibirikis an nawong hito.”
^ O posible nga “nagmamara.”
^ O “kadaan.”
^ O posible nga “nagmamara.”
^ O “ha weste.”
^ O “ha este.”
^ Ha iba nga lugar, “Nagtitikahugos.”
^ Lit., “atubangan han iya mga tigurang.”
