An mga nakontra kan Jesus nag-akusar ha iya nga ginhihimo niya an iya kalugaringon nga katupong han Dios. (Juan 5:18; 10:30-33) Pero waray gud mag-angkon hi Jesus nga katupong hiya han Dios nga Makagarahum-ha-ngatanan. Hiya nagsiring: “An Amay mas labaw kay ha akon.”​—Juan 14:28.

 An mga sumurunod ni Jesus hadto waray maghunahuna nga katupong hiya han Dios nga Makagarahum-ha-ngatanan. Pananglitan, hi apostol Pablo nagsurat nga katapos banhawon hi Jesus, “iginbutang hiya [Jesus] han Dios ha mas hitaas nga posisyon.” Klaro nga waray maghunahuna hi Pablo nga hi Jesus an Dios nga Makagarahum-ha-ngatanan. Kay kon sugad, paonan-o ibubutang han Dios ha mas hitaas nga posisyon hi Jesus?​—Filipos 2:9.