Ini an siring han parasurat han Biblia nga hi Lucas mahitungod han iya asoy han kinabuhi ni Jesus: “Gin-usisa ko gud an ngatanan nga butang tikang ha tinikangan ngan nakakuha hin husto nga impormasyon.”​—Lucas 1:3.

 May mga nasiring nga an mga asoy mahitungod ha kinabuhi ni Jesus nga nakarekord ha mga Ebanghelyo​—an mga sinurat han iya mga kakontemporaryo nga hira Mateo, Marcos, Lucas, ngan Juan​—ginbag-o durante han mga ikaupat ka siglo.

 Pero usa nga importante nga bahin han Ebanghelyo ni Juan an nabilngan ha Egypt ha tinikangan han ika-20 ka siglo. Yana kilala ito sugad nga Papyrus Rylands 457 (P⁵²) ngan gintitipigan ha John Rylands Library, ha Manchester, England. Nakasurat dida hito an mababasa ha Juan 18:31-33, 37, 38 ha mga Biblia yana.

 Ini an ginkikilala nga pinakadaan nga bahin han manuskrito han Kristiano Griego nga Kasuratan. Damu nga eskolar an natoo nga iginsurat ito han mga 125 C.E., 25 la ka tuig o sobra pa katapos igsurat an orihinal. An nakasurat dida hito haros pariho ha mababasa ha mas urhi nga mga manuskrito.