Aichipainhau kian pidiannau maukainhawyz iriben, indubat yryy kadyz kaxaꞌurkary, mazan ipei pidian kaxaꞌuran pabiꞌinaakaꞌu idiaꞌan. Kainhaꞌa pidian zaadaꞌu panhikynyy kaxaꞌuran id, mazan bauran aunaa yzaadan, ykayꞌan pidian aunaꞌuraz yzaadan, ykiaꞌazun man aunaꞌu ykaxaꞌuran uu aunaa yaidiaꞌazun naꞌapam pa abatinpen? Panaadun naꞌap uu aunaa. Kaimenaꞌu nii pidian aidyan panhikynyy kaxaꞌuran padizpan ai. Mazan ipei pidian kaminkeꞌytkau “pabiꞌinaakaꞌu idiaꞌan”. Yxaꞌapanym kayꞌan ipei pidiannau diypeichikau pabiꞌinaakaꞌu idiaꞌan, pabiꞌinaakaꞌu inkadyz, indubatapnii naꞌik kanum kadyz pidian inwaziweenii naa.

Pidian kaxaꞌurtinhaꞌu pamarainhapnii maukan id panaadun aunaa yaichipan naꞌapam nii paxaꞌapatinhan. Dirib pidiannau dubatpan naꞌap kidiaꞌu aimeakan. Pytykap pabiꞌi kid aimeakan tyryaꞌu yxaꞌapan.

Aunaa pidian tyydan panhikynyy kaxaꞌuran. Aunaa xaꞌapaꞌu man pyzaadan pinhikynyian id pidian pymarainhapnii maukaꞌuraz naa. Panaadun kunaykiaꞌu piabatinpen, mazan maxaꞌapkiakaꞌu nii pinhikynyy kaxaꞌuraꞌakan. Pauwaꞌu nii zii piabatinpen naꞌap, pinhikynyian uu pykazandaꞌutinhan dun mixiꞌu kawynyꞌu y tym. Panaadun kiwiin aunaꞌu kawynyꞌu pimixidiaꞌakan kanum xaꞌapaꞌu. Pytykap kanum xaꞌapaꞌu Tina tym udaiary Timo maukan dun. Ukian: “Aunaa un aichipan naꞌapauram un abatinpeakan, aunaa unkaꞌichiakan unzaadan. Tyykii ykaxaꞌurdan unhikynyy, panaadun kid, aunaa unkaꞌichian un nizuinhan. Aunaa un abatan unmixidiaꞌakan wyryy aimeakan xaꞌapan.”

Kainhaꞌa pidian ykaxaꞌuran, tuꞌur naꞌik yatiimen pa aipenaꞌatiꞌu wyryy aimeakan xaꞌapan. Ivan kian: “Waydan Eric, 24 ywynyn ymaukan dun. Tyykii watuꞌuran ymaukan daynaꞌan! Tyykii wadiꞌitinpen, yxaꞌapanym kayꞌan aunaa tuꞌurayz man waynau. Naꞌik wadiꞌitinpen waynau wyryy aunaꞌuraz wakaminkeꞌytan waydan pauwaꞌa zii.” Alejandro naꞌap kapam yabatinpen ydaiaru maukan dun, kutyaꞌiki ubaitinhan rinhei id. Ykian: “Un atiimen Tuminkery wyryy taapadaꞌuraz yxaꞌapan, yxaꞌapanym kayꞌan undiꞌitinpen un uian idiꞌu. Mazan ydaynaꞌan aunaa un abatinpen kaimen, yxaꞌapanym kayꞌan ikudazuꞌu unkian kawynyꞌu Tuminkery aipenaꞌatiꞌu wyryy yxaꞌapanyz.” Kostas kian: “Panaadun tyykii untuꞌuran Sophia at umaukan id. Ydaynaꞌan un abatinpen un aipenaꞌatiꞌuraꞌa naa wyryy untuꞌurdinpenyz. Aunaa uaipenaꞌatiꞌu man wyryy.”

Aunaa pidian kaꞌichian padiꞌitinpen sakichipaꞌu idiaꞌan. Kainhaꞌa pidian iriben maukan dun, aunaa ydiꞌitinpen kaimen. Panaadun ydiꞌitinpen wyryy maukaꞌuraz tyryy yabatkau uu ytykapkau. Panaadun kaxaꞌapannaꞌu nii ynhikynyichap kinha nii aimeakan kid. Tina kian: “Unkadakuinpen, mazan undiꞌitinpen mynapyꞌu! Kaziu unzuway undiꞌitinpen id kanum xaꞌapaꞌu Timo tym. Aunaan id unkaꞌichian undiꞌitinpen kaimenaimen, tyykii undupian.”

Pidian nazuꞌuraz pabaurantin. Pidian maukaꞌuraz pairiben, panaadun yabatinpen tuꞌur uu manaynym. Kostas kian: “Unbaukuptinhan dun kaydaiaryinhau tym unbaurantin un abatinpen. Mazan unbaukuptinhan dun maydaiariinhau tym un abatinpen ikudazuꞌu aunaa naꞌaꞌu nii man ungary.” Yolanda kian: “Kaxaꞌapannaꞌu daꞌi wa abatayzun pidiannau kuwadan padubatapnii sud kid dayꞌan pauwaꞌaꞌu zii manawyn wadubatapnii ai. Aunaa maxaꞌapannaꞌu man kapam wa abatan dariinhau kuwadan paydainhau daꞌy, inxaꞌaptan id aimeakan kaimen. Tyykii unkunaykian indayꞌan, mazan un abat kinha nii inhau kaxaꞌapannaꞌu un at. Ungary naꞌik undaiary wa aichiap inkuwadan padubatapnii daꞌy kidiaꞌu wyryy. Mazan aunaa wa abatapaꞌazun inkywaa naꞌap kidiaꞌu daꞌy.”

Pidian ziuwyn daꞌy. Pidian maukaꞌuraz pairiben, ypanaꞌad pakadyz, panaadun aunaa yzamazin, uu dirib ynikeꞌazun pawanhikynyy, bauran midiay uu kakiuwin, bauran suu ydaꞌawypaꞌazun uu aunaa ykaꞌichian padaꞌuwyn. Aaron kuwad kanum xaꞌapaꞌu padary maukan daynaꞌan, ykian: “Aunaꞌu daꞌi unkaꞌichiayzun undaꞌuwyn. Ipei aiweakaꞌan unpukudayzun, undiꞌitinpen undary maukan daꞌy.”

 Alejandro aunaa karinhapaꞌu man yryy, mazan maxaꞌapkiaka aunaa yabatinpen kaimen. Ykian: “Aunaa daaktaa ikudan unrinhaa. Undiꞌitinpen undaiaru maukan idiꞌu un abatinpen naꞌap.” Maskaydaꞌy idiaꞌan, yabatinhapnyz kaxaꞌur maxaadan naa. Mazan kaimen zii ymakun daaktaa diꞌit. Pidian kaziweꞌuraz pakaxaꞌurtinhan id, panaadun kapatiꞌu nii ynanaa, maxaꞌapannaꞌu yzamtan rinhei, uu panaadun pauwaꞌu nii zii yrinhaa maꞌuzkadinhan.

Kaxaꞌapannaꞌu pidian xaꞌaptan paxaꞌapataꞌazunii. Ivan kian: Eric maukan daynaꞌan, wakuwadkid kiz wairibennau at, ynaubunaa at naꞌik kadapyꞌu ymaxaap kiz iaꞌu at kapam. “Watum kidian dirib karichi kid, mauwakary karichianaa naꞌik bauran kadyz kid kapam. Wasaabaan ipei Eric xaꞌapayz kid. Aunaa maxaꞌapannaꞌu man waxaꞌaptan aimeakan, yxaꞌapanym kayꞌan tyykii wamizainhan.”

Pabiꞌi kid pidiannau kian puwaꞌaꞌu zii ykaxaꞌapannan manawyn inxaꞌapat kiz ipei aimeakan kanum maukaꞌuraz xaꞌapatayznii kidiaz pakakypayzun dun. Naꞌapaꞌu yxaꞌapan Tina at. Ukian kaikepaꞌa: “Timo wyryy makuꞌuraz daꞌi ipei aimeakan daꞌyan banco it naꞌik yryy taapayznii wapyraatan kapam. Mazan aizii ungaryꞌu nii naa xaꞌapat ipei aimeakan un aipenat, pauwaꞌa zii ykaziudan unzuway. Tyykii undiꞌitinpen, unkaꞌichian nii man unxaꞌaptan aimeakan sakichap yxaꞌapatayzkau kawan at?”

Wyryy kaxaꞌapannaa kidiaꞌu dubatapkariweiz kidiaz aidyan aunaa maxaꞌapannaꞌu man pidian pymarainhapnii maukan dun. Mixiꞌu wyryy puwaꞌaꞌu zii manawyn ykaxaꞌuran. Mazan pidiannau aichipan dun iaꞌii zii kanumaꞌu nii xaꞌap, ykaminkeꞌytan nii in aichiap kiz naꞌapam paxaꞌapatinhan aimeakan naꞌapaꞌu xaꞌapan dun in at. Mazan yaichiap kiz, aunaa ipeꞌu nii man pidian dubtan ipei wyryy kaxaꞌapannaa kidiaꞌuraz kuwadkariweiz daꞌaa. Aunaa xaꞌapaꞌu man wyryy pidian kaxaꞌuran dun tyykii pairiben maukan id, ykadyz wyryy.

Kanum xaꞌapan: Aunaa karikeunanyꞌu nii man pykaxaꞌurtinhan. Mazan aunaa ykiaꞌazun man aunaꞌu nii naa pauwaꞌa pinhikynyy kaxaꞌurayzun uu pymanhikynytaꞌakan nii naa pidian maukaꞌuraz naa. Mazan maskaydaꞌy kid idiaꞌan piaichipan nii naa naꞌapam pyxaꞌapatinhan pinhikynyy kaxaꞌurtinhan ai manawyn. Panaadun baydap kamuu pinhikynyy kaxaꞌuran nii tyykiaꞌu idiaꞌan kuxan, pinhikynyian dun ymazidyan kamuun uu ymaukan kamuun. Dirib pidiannau indubtan pyꞌy kaxaꞌur kidiaꞌu aimeakan, mazan ydaynaꞌan inkaꞌichian naa paxaꞌaptan kuxan paxaꞌapapayznii kidiaz pamarainhapnii kakypan dun zii. Inkaꞌichi paxaꞌapatinhan naꞌap, pairibennau uu paminhaydaꞌynau kaminkeꞌytan id inhau.

Atii naꞌapam nii ytuminikin unkaxaꞌurtinhan? Pabiꞌi kid pidiannau naꞌapaydaꞌym sud kayz daynaꞌan, aunaa naa innhikynyy kaxaꞌuran tyykii manawyn. Mazan bauran pidiannau baydap uu diaytam wyn daynaꞌan, inxaudaꞌa naa panhikynyy pakaxaꞌurtinhan ai manawyn. Mazan baurainhau pauwaꞌa zii ytuminikin innaꞌakan ydaynaꞌan zii innhikynyy kaxaꞌuran maxaadpa nan.  a Alejandro kian: “Idikinhaydaꞌy wyn, tyykii unkaxaꞌurtinhan.”

Pyzaidap kiz. Pyxaꞌapat aimeakan pykaꞌichian kawan at pyxaꞌaptan aizii. Aunaa pykaxaꞌurtinhaꞌa naa waiken anaꞌu pyxaꞌapataꞌazunii dayꞌan. Piaichiap kiz aunaa karikeunanyꞌu nii man kaxaꞌurtinkery. Tyryy man pyxaꞌaptan aimeakan kaminkeꞌytaꞌu nii pykaxaꞌurtinhan ai manawyn?