Kandii nii wa aipen Tuminkery Naubunaitinpen?
Yewah a tuman dun pidiannau suu yryy kazuwaytipaꞌu inhau. Yryy kamarainpenyꞌu ykazuwaytipan. Ytumini kunaynymaꞌu amazada pidiannau maxaap kiz nii — pauribeibau ydakutkau Éden. Naꞌik ytaa diriꞌi wanhikynyi in at, naꞌapain ymanawynyꞌu kaydinkizei. (Genesis [Gênesis] 1:28, 29; 2:8, 15) Pidiannau tumkau kaimenaꞌu nii inmaxaapan in izuꞌitin dunuꞌuraz Tuminkery paNaubunaa nii.
Adão naꞌik Eva aunaa in aipen Yewah kazuwaytipan paygary.
Tuminkery Karichian kuwad baydapaꞌu anjo dikinchipaꞌuraz Yewah, ydakutkau Siitan ywazuutap Yewah kazuwaytipan. Siitan kian pauwaꞌu nii zii pidiannau maxaapan kunaykii, aunaan Tuminkery kazuwaytipan inhau. Adão naꞌik Eva mixidian id Siitan paradan, yryy id ytanawatkidian indiayn indikinchipaꞌu nii Yewah kapam. — Genesis (Gênesis) 3:1-6; Revelation (Apocalipse) 12:9.
Adão naꞌik Eva aunaa in aipen Yewah kazuwaytipan paygary. Yryy id, aunaa pauwaꞌa inmaxaapan kunaynymaꞌu amazada idiaꞌa. (Genesis [Gênesis] 3:17-19) Wyryy inxaꞌapatnii wautan intakaandaynnau at. Tuminkery Karichian kuwad, “Adão, dikinchipan id Tuminkery, ipei pidiannau uian. Naꞌik yxaꞌapatan id uiaꞌu, ipei pidian mawakayzu paꞌidiwery”. (Romans [Romanos] 5:12) Uiaꞌu, ytum bauran idaryꞌu aimeakan: “Pidiannau kazuwaytipan id baurainhau in ikudan nii suu dikeydaꞌu paꞌat karikeunan.” (Ecclesiastes [Eclesiastes] 8:9) Pidiannau kazuwaytipan dun baurainhau dikeyd kidiaꞌu xaꞌap.
PIDIANNAU SAKADAN PAKAZUWAYTIPAN
Ninrode dikinchipan Yewah
Kiwiichipaꞌu pidian naubunaitinpeꞌu Tuminkery Karichian kuwadnii ydakutkau Ninrode, yryy dikinchipaꞌu daꞌi Tuminkery Naubunaitinpen. Kutyaꞌanaa atii kai pidiannau kazuwaytipainhawyz inkaiween pakazuwaytipan panaꞌiti karikeunan. Dubtaꞌuraꞌanaa pauwaꞌa 3 mil wyn, Naubunai Salomão saadnii: “Untykap patakaꞌytkariweinhawyz awyn yy xuutan. Antamikichinhau, inhau pauwaꞌa inmaꞌuzkan inhau ai.” — Ecclesiastes (Eclesiastes) 4:1.
Aizii naꞌap kapam. 2009 wyn dun, karichi ONU diꞌik kuwadan kaimenaimen ydikeydaꞌu kazuwaytipainhau “inhau wyryy xaꞌapat kidiaꞌuraz aimeakan dikeyd kidiaꞌu diuraz amazada idiaꞌa”.
DIINHEꞌITIꞌI XAꞌAPAꞌU NII KAIMEN KIDIAꞌU
Diura amazada yaipen pakazuwaytapkaꞌu kaimenaꞌu idiaꞌan. Yryy wyryy watumik xaꞌaptaꞌazuniaz waꞌat!
Aunaa naꞌiauram kazuwaytipaꞌu kaimen diura imiꞌi baaraꞌa aunaa inkaꞌichian pasaaban dikeydaꞌu aimeakan xaꞌapaꞌuraz ipei pidiannau tym.
Tuminkery Naubunaitinpeꞌu aukaz ii, ysuꞌutan nii naubunaitinpeinhau diura amazada diꞌik, “[Tuminkery Naubunaitinpen] aunaa naꞌapainim nii ykatukuntinhan”. (Daniel 2:44) Wyryy Naubunatinhapkary daꞌytiꞌu irib pidiannau pixaan turinhapkary idiaꞌan waDary aukaz iaꞌu at. (Matthew [Mateus] 6:9, 10) Tuminkery widiaynii kazuwaytipaꞌu nii paNaubunaitinhap kiz yryy pidian maxaapankau imiꞌi baaraꞌa pidiannau tym. Kanun man wyryy Tuminkery widiaynii?
a Tuminkery Karichian kuwad Tuminkery yy Yewah. — Psalm (Salmo) 83:18.
You May Also Like
PIXAAKARY KID AICHIPAZUKARIWEIZ TUMINKERY PARADAN DIꞌIKIꞌU DAKUꞌATKEU
Naꞌapam nii dii kaimenaꞌu maxaapkary xaꞌapan daꞌaa imiꞌi baaraꞌa?
Pytuminhap naꞌapam nii Tuminkery saabaan ipei amazada kaimenaꞌu maxaapkary nii panaubunaitinhap kiz idiaꞌan.
