Pymakuzniꞌi naa Yewah Puchurynau baukuptinkiz diꞌit? Aunaa an zii, panadun tarii pygary pymakun wyryy inbaukuptinkiz diꞌit? Panadun pi aichipaꞌazun, ‘kanum xaꞌap baukuptinkizai ii? Kandii nii kaimenaꞌu wyryy wabaukupaipen? Kandii nii unmaku kiz?’ Diuraz tuminhapkary idiaꞌa pytuminpen nii naꞌapam baukuptinkery kid maunapdan nii pygary Tuminkery diꞌit pauwaꞌa zii naꞌik naꞌapam nii ykaminkeꞌytan pygary.

1. Kandii nii Yewah Puchurynau karikeunan inbaukupainpeyzun?

Baydap saadaꞌuraz Tuminkery Karichian saadan: “Ydaryꞌu baukuptinkery idiaꞌa, unkunaykikidian nii Yewah.” (Psalm [Salmo] 26:12) Naꞌap kapam aizii Yewah Puchurynau Kakuwapainhau inkunaykikidiaꞌazun Tuminkery inbaukupainpen id. Yryy id, karikeunan inbaukupainpen ipei sundii naꞌik ipei amazada kawan at, inkunaykikid kiz, inkynyi kiz naꞌik inturinhap kiz Tuminkery at. Ipei wyn, inbaukuptin ydary kidiaꞌu baukuptinkery kid idiaꞌan. Yewah Puchurynau naydap pabaukupainpen.

2. Kanum daꞌayꞌu nii pytuminpen baukuptinkizai ii?

Wyryy baukuptinkery kid diꞌii Tuminkery Paradan kuwadkau kaimenaimen waꞌat. (Piaichi Nehemiah [Neemias] 8:8.) Naꞌii, pytuminpen nii Yewah daꞌy naꞌik ykadyz kid daꞌy kapam. Pytuminpen dun pauwaꞌa zii naꞌapam Yewah marainpen pygary, pauwaꞌu nii pymaunapdinhan ydiꞌit. Pytuminpen nii kapam naꞌapam ykaminkeꞌytan pygary pymaxaap kiz kunaykii.— Isaiah (Isaías) 48:17, 18.

3. Kandii nii kaimenaꞌu nii piaichipan baukupaipeinhau py tym baukuptinkizai ii?

Yewah kian waꞌat ‘marii wadiꞌitinpen naꞌapam kiz wamaꞌuzakadan wairibennau, wamarainpeaka kiz naꞌik wakaminkeꞌyaaka kiz. Manaꞌa wamarinhaꞌataꞌanaꞌa wyryy wabaukupainpeyzunyz baukup wamin mixidiannau tym’. (Hebrews [Hebreus] 10:24, 25, kainharibei kid) Baukuptinkizai ii, pi ikudan nii pidiannau mixiꞌu inmarainpeakan. Naꞌii piabatan nii pidiannau kadakuinpen kaimen kidiaꞌu kywai daꞌy Tuminkery Paradan diꞌikiꞌu. (Piaichi Romans [Romanos] 1:11, 12.) Naꞌap pygary kawan, innaydap patuminpen pauwaꞌa zii Tuminkery daꞌy. Naꞌii piaichipan nii irib pidiannau indubatpan pyꞌy kaxaꞌapannaa kidiaꞌu, mazan kunaykii inmaxaapan. Yryy id, Yewah aipen karikeunan wabaukupainpen!

 PYTUMINHAP PAUWAꞌA ZII

4. Piaichiap kinha nii Yewah Puchurynau baukupainpen daꞌy

Apóstolonau kamuun dun, Tuminkery puchurynau karikeunan inbaukupainpeyzun. (Romans [Romanos] 16:3-5) Yaichi Colossians (Colossenses) 3:16. Ydaynaꞌan ykadakuinhap wyryy aimeakan daꞌy:

• Apóstolonau kamuun dun, kandii nii inbaukupainpeyzun?

1. Baukuptinkizai ii, wa abat kakuwapkary kid, watuminhap naꞌapam kiz wakakuwaapan Tuminkery Paradan daꞌy naꞌik wa awynyytap vıdeonau. Wyryy baukupainhapkary sakadinhan naꞌik yipeian kynyi naꞌik turinhapkary idiaꞌan.

2. Kainhaꞌa tuminhapkary kid, pidian aipen dun tyryy ydakuꞌitin pixaakariwez kid.

3.   Ipei pidiannau tyryy inwaꞌatin baukuptinkizai idiaꞌat, daunaiuranau, zynnau, tynarynaunau, maskunaunau naꞌik kuraiziannau.

4. Yewah Puchurynau baukuptinkiz ii, aunaa pyraata pixaakau.

5. Pymaꞌuzakadin kiz pymakun baukuptinkizai it

• Kandii nii karikeunan kiz wabaukupainpen?

 WATUMINHAPNII

Pymakun dun baukuptinkery kid diꞌit kaminkeꞌytan nii pytuminpen pauwaꞌa zii Yewah daꞌy naꞌik pymaunapdinhan nii pauwaꞌa zii y diꞌit. Naꞌii pytaapan nii Tumnkery ymanawynyꞌu nii baukup baurainhau tym.

Watykap kuxan

• Kandii nii Yewah aipen wamakun baukuptinkizai diꞌit?

• Kanum daꞌyau nii pytuminpen Yewah Puchurynau Kakuwapainhau baukuptinkiz ii?

• Kainhaꞌa man bauran aimeakan tyryaꞌu baukuptinkery kid kaminkeꞌytan pygary?