TUMINHAPKARY 06
Naꞌapauram dii kakypkary saakadinhan?
Tuminkery Karichian kian Tuminkery ‘tumaꞌuraz ipei aimeakan’. (Revelation [Apocalipse] 4:11) Pimixid Tuminkery tumaꞌuraz ipei aimeakan? Pabiꞌikid pidiannau aunaa inmixidian Tuminkery tuman ipei aimeakan. Ymixiin an naꞌap, madiweytapkaꞌu karikeunan watumkau. Mazan Yewah wyryy tumaꞌuraz ipei aimeakan, ykayꞌan yaichiap kandii niꞌu patuman waynau, mixi? a (Pytykap kainharibei idiaꞌa.) Watykap naꞌapam Tuminkery Karichian kian naꞌapauram Tuminkery tuman ipei aimeakan. Watykapan nii kandii nii tyryy wamixidian diuraz daꞌy.
1. Naꞌapam aukaz naꞌik imiꞌibaara tumkau?
Irib cientistanau mixid sakadinhaꞌu kakypkary. Naꞌap Tuminkery Paradan kian “ysakadinhan diꞌik Tuminkery tuman aukaz naꞌik imiꞌibaara.” (Genesis [Gênesis] 1:1) Mazan naꞌapam aukaz naꞌik imiꞌibaara tumkau? Tuminkery kaiween pamaꞌuzkan, dakutkau kaimenaꞌu durunai, ytum kinha nii ipei aimeakannau aukaz ii naꞌik imiꞌibaara, ytuminii wiz kid naꞌik planetanau kid.— Genesis (Gênesis) 1:2.
2. Kandii nii Tuminkery tuman imiꞌibaara?
“Aunaa Yewah tuman imiꞌibaara madiweytpak karikeunan, mazan ytuman maxaapkizai niꞌu”. (Isaiah [Isaías] 45:18) Tuminkery tuman imiꞌibaara: Yaipen id kaimenaꞌu maxaapkizei pidiannau at naꞌik yaipen inmaxaapan karikeunan imiꞌibaaraꞌa. (Piaichi Isaiah [Isaías] 40:28; 42:5.) Cientistanau intykap naꞌapam imiꞌibaara kunaynymaꞌu naꞌik panaꞌaꞌu pauwaꞌa zii ipei baurainhau planetas kid ai. Aunaa in ikudan bauran planeta kainhaꞌu ipei aimeakan pidian maxaap kinha nii kaimen.
3. Kanum nii pidiannau panaꞌaꞌu yzainhau ai uu wynyinhau ai?
Yewah tuman daynaꞌan imiꞌibaara, ytuminii pauribei kid, yzainhau naꞌik wynyinhau. Yryy daynaꞌan, “Tuminkery tuminii daunaiura paygary kawan”. (Piaichi Genesis [Gênesis] 1:27.) Kandii nii pidiannau panaꞌaꞌu ipei bauran aimeakannau ai? Yxaꞌapanym kayꞌan intumkau Tuminkery kawynyꞌu, tyryy intamakpan ykadyz kid, ykamarainpenyn naꞌik ysakichipan kawan. Tuminkery tuman dun waynau ytaanii aichapkary waꞌat kapam, watuminhap kinha nii pabiꞌinaakaꞌu paradakary kid, wanaydap kinha nii kynyi, xamuru taykau naꞌik kunaynam kidiaꞌu aimeakan. Tyryy waminhaydaꞌychipan Watumiki, yzainhau aunaa in aichipan naꞌapaꞌu, waynau panaꞌaꞌu yzainhau ai.
PYTUMINHAP PAUWAꞌA ZII
Watykap idikinhaydaꞌy aimeakan kid: (1) minziukid kariwei kakypkary ytumkau iaꞌii, (2) Tuminkery Karichian kuwad sakichipaꞌu idiaꞌan, naꞌapauram amazada tumkau (3) Naꞌapam watuminpen Tuminkery daꞌy pidiannau aidikidian dun kaimenaꞌu pakadyz kid.
4. Minziukidkariwei kakypkary ytumkau iaꞌii
Pidiannau tuman dun aimeakan, intamakpan idiaꞌan aimeakan kid aukaz iaꞌu naꞌik imiꞌibaara nau, tyykii inkunaykii kidkau. Yryy id, sakichipaꞌu man wakunaykii kidian pauwaꞌa zii tumaꞌuraz kiwiichipaꞌu ipei aimeakan kid aukaz iaꞌu naꞌik imiꞌibaara nau? Yawynytap VÍDEO. Ydaynaꞌan ykadakuinhap wyryy aimeakannau daꞌy:
-
Xaꞌapauran kid aukaz iaꞌu naꞌik imiꞌibaara nau, pidiannau tamakpan patum kinha nii aimeakan kid?
Ipei kabayn kainhaꞌa ytumiki naꞌik minziukidkaurei ytumkau iaꞌii. Mazan kanum minziukidnii naꞌik tumaꞌu ipei aimeakan kid? Yaichi Hebrews (Hebreus) 3:4. Ydaynaꞌan ykadakuinhap diuraz aimeakanau daꞌy:
-
Ipei aimeakan kid aukaz iaꞌu naꞌik imiꞌibaara naꞌuraz, inminziukidkau kaimenaimen intumkau iaꞌii. Xaꞌapauran aimeakan kid aukaz iaꞌu naꞌik imiꞌibaara naꞌuraz, tyykii pynaydpan?
-
Tyryy man wamixidian ipei aimeakan kid aukaz iaꞌu minziukidkauriwei intumkau iaꞌii? Kandii nii piꞌitiimen naꞌap?
Piaichipayzniꞌi naa?
Tyryy pi ikudan bauran karichi kid naꞌik vídeonau diuraz aimeakan daꞌy jw.org idiaꞌa, diuraz kid idiaꞌa “Minziukidkariwei intumkau iaꞌii?” naꞌik “Irib pidiannau diꞌitinpen naꞌapauram kakypkary sakadinhan”.
“Ipei kabayn kainhaꞌa ytumiki, mazan Tuminkery, yryy paꞌan wyryꞌy tumaꞌuraz ipei aimeakan”
5. Tuminkery Karichian kuwadan dun aimeakan kid tumkariwei daꞌy, ykuwad sakichap
Genesis (Gênesis) capítulo 1 idiaꞌa, Tuminkery Karichian kuwad naꞌapauram amazada naꞌik kakypkary tumkau. Pygary at, tyryy man wamixidian naꞌapauram Tuminkery Karichian kuwadan uu suu kutyainhau kywaa? Yawynytap VÍDEO. Ydaynaꞌan ykadakuinhap wyryy aimeakanau daꞌy:
-
Mixiꞌu man Tuminkery Karichian tuminhapkidian amazada tumkau 6 kamuu kid idiaꞌa?
-
Sakichipaꞌu man pyꞌat naꞌapam Tuminkery Karichian kuwadan aukaz naꞌik amazada tumkau? Kanum nii piꞌitiimen naꞌap?
Yaichi Genesis (Gênesis) 1:1. Ydaynaꞌan ykadakuinhap wyryy aimeakannau daꞌy:
-
Cientistanau kian aukaz naꞌik imiꞌibaara sakadinhaꞌu. Mixiꞌu man naꞌap piaichinii kawan Tuminkery Karichian idiaꞌa?
Kainhaꞌa pidiannau, in itiimen Tuminkery kaiweenii evolução ytum kinha nii kakypkary. Yaichi Genesis (Gênesis) 1:21, 25, 27. Ydaynaꞌan ykadakuinhap diuraz aimeakannau daꞌy:
-
Tuminkery Karichian kuwad man Tuminkery kaiweenii evolução ytum kinha nii kupaynhau, yzainhau kid naꞌik pidiannau? Uu ytuminii ipei kakypainhau, “pabiꞌinaakaꞌu kid”? b— Pytykap kainharibei.
6. Panaꞌaꞌu Tuminkery tuman pidiannau
Yewah tuman waynau panaꞌaꞌu yzainhau ai. Yaichi Genesis (Gênesis) 1:26. Ydaynaꞌan ykadakuinhap diuraz aimeakan daꞌy:
-
Pidiannau aidyan pakamarainpenyn naꞌik pakamynanyn yxaꞌapanym kayꞌan intumkau Tuminkery kawynyꞌu. Ynaꞌapan an, naꞌapam watuminpen Yewah kadyz daꞌy?
PABIꞌIKID PIDIANNAU KIAN: “Naꞌapam Tuminkery Karichian kuwadan aimeakan kid tumkau, aunaa mixiꞌu man, suu kutyainhau kywaa wyryy.”
-
Naꞌap pyꞌat kapam? Kanum nii?
WATUMINHAPNII
Yewah tumini aukaz, imiꞌi baara naꞌik ipei kakypainhau.
Watykap kuxan
-
Naꞌapam Tuminkery Karichian kuwadan ipei aimeakan kid aukaz iaꞌuraz tumkau?
-
Tuminkery kaiweenii man evolução ytum kinha nii ipei pabiꞌinaak kidiaꞌu kakypainhau? Uu ytuminii ipei inhau pakadyz kid tym?
-
Kandii nii pidiannau panaꞌaꞌu wynyinhau ai uu yzainhau ai?
PIAICHIPAꞌAZUN PAUWAꞌA ZII?
Pytykap naꞌapam amazada naꞌik aukaz aidyan kainhaꞌa inTumiki.
“Kanum ipei aimeakan kid imiꞌi baara naꞌuraz tuminhapkid?” (Wapukud!, setembro de 2006)
Pytykap naꞌapam tyryy dariinhau tuminhap kidian paydainhau naꞌik naꞌapam ipei aimeakan kid tumkau daꞌy Tuminkery Karichian idiaꞌa.
Tyryy man wamixidian Tuminkery tuman ipei aimeakan naꞌik evolução daꞌy kapam? Pytykap saadinpeꞌu idiaꞌa.
Kainhaꞌa pidiannau mixidiaꞌuraz evolução, in aichipan id cientistanau kaydinkiz naꞌik kutyaꞌuraꞌanaa niweꞌynhau ikudkau dikin ii. Mazan mixiꞌu man wyryy?
Kakypkary tumkau daꞌy— Bakaꞌiaydaꞌy aimeakan wa aichiap kiz nii (karichi)
a Kainharibei: Tuminhapkary 25 idiaꞌa, watykpan nii kandii nii Tuminkery tuman pidiannau.
b Kainharibei: Tuminkery Karichian kuwadan dun diuraz paradakary “pabiꞌinaakaꞌu kid”, ykiaꞌazun kainhaꞌa yzai kid uu pauribei kid, mazan kainhaꞌa pauwaꞌa zii, cientistanau kian ai pabiꞌinaakaꞌu kid.
