1. Siiquwaa bessiyoogaa, Yihoowappe tamaaroos

Nuna i, kaalettees.

Nuukka aagaadan waati siiqanaakko,

Ooso ubban loytti bessiis.

Alꞌꞌo ba Naꞌaa nuussi giidi immiis,

Nagaraa maariis; nu mooruwaakka kammiis.

A gita siiquwaa loytti qonccissiyaaba!

Siiqo oge, A ogee siiqo.

2. A ogiyan biyoode, nu siiqettiyo siiqoy

Tumattees, ufayssees;

Nu’shanttu ubbawu, qoppanaadan oottees;

Zaggiyoy baynnan, naatuwawu cimawu.

Xoossaanne nu’shaa tumu siiquwaa siiqoos;

Issuwaa siiqidi haraa aggiigokko;

Nu laggiyaa balaa coo atto gibayoos;

Ishanttudan, yaani siiqettoos.

3. Nuuni leemiso ootti kaalliyo siiquwan

Minnida, so’sadan.

Saluwan diya nuꞌaway nuna yaagi shoobbees:

“Mino siiquwaa, xeelli beyte.”

Siiqoy ufayssay nuna shaakki bessees;

Ayyaanan Qaalan Xoossay nuna geeshshees.

Ishinne laggee nuna hassayissees,

Yihooway siiqo. A ogee siiqo.